"Aïr" (Contén)

MONTES

Monte situado na parroquia de Santa Cruz (Carballeda de Valdeorras). O seu cumio acada os 1.400 m de altitude.

MONTES

Monte que forma parte da serra do Suído, situado na parroquia de Nieva (Avión). O seu cumio acada os 986 m de altitude.

ILLAS

Illa do Pacífico Sur que, xunto cos atois deshabitados de Henderson, Ducie e Oeno, constitúen unha colonia británica (4,6 km2; 44 h [estim 2000]). Os seus poboadores son os descendentes dos homes do amotinamento do navio Bounty e de mulleres tahitianas.

PERSOEIRO

Matemático e xeólogo escocés. Realizou investigacións mineralóxicas e propuxo unha moderna teoría da Terra, baseada na de James Hutton. Considerado un dos precursores da xeomorfoloxía, escribiu Elements of Geometry (1795) e Illustrations of the Huttonian Theory of the Earth (1802).

CAPITAIS

Capital do territorio de Andaman e Nicobar, India, situada na illa de Dakshin (74.810 h [1991]). Nela están os serradoiros de madeira máis importantes de Asia.

CONDADOS

Condado de Irlanda, situado en Munster (1.857 km2; 94.680 h [1996]). A súa capital é Port Láirge (42.540 h [1996]).

1. Árbore monoica, caducifolia, de 10 a 30 m de altura, coa copa ampla; cortiza lisa, agrisada e con fendas, que pola idade, se desprende en placas; follas simples, opostas, pecioladas, palmeadas e divididas en cinco lobos agudos e serrados; flores unisexuais ou hermafroditas de cor amarelo-verdosas en acios paniculados e froitos en disámara. Florece entre abril e maio e os froitos maduran ao final do verán. Vive sobre solos profundos e frescos e é moi resistente ao frío e ás xeadas, alcanzando en Galicia altitudes de ata 1.300 m. É orixinaria do S e centro de Europa. En Galicia é frecuente na parte N e L pero sen chegar a formar masas puras, aparecendo mesturada con bidueiros e outras árbores autóctonas. A súa madeira emprégase en ebanistaría.

2. Árbore dioica, caducifolia, de ata 20 m de altura, coa copa frondosa e redondeada e a cortiza lisa ou finamente fisurada, de follas compostas, opostas, imparipinnadas ou trifolioladas, cos folíolos dentados irregularmente, flores unisexuais, apétalas de cor verde, as masculinas en corimbo e as femininas en acio, e froito en disámara. Florece entre marzo e abril, e os froitos maduran a finais do verán ou no outono. É orixinaria de América do Norte. En Galicia é moi frecuente en paseos, avenidas, parques e xardíns. Cultívase coma planta ornamental.

PARROQUIA

Parroquia baixo a advocación de san Xoán que dá nome ao concello de Rairiz de Veiga, onde se atopa a capital municipal.

GALICIA

Concello da comarca da Limia, situado no SL da provincia de Ourense, no S da Comunidade Autónoma de Galicia. Limita ao N co concello de Allariz (comarca de Allariz-Maceda), ao S con Porqueira (comarca da Limia), ao O coa Bola (comarca de Terra de Celanova), Verea (comarca da Limia), e Bande (comarca de Baixa Limia) e ao L con Vilar de Santos (comarca da Limia). Abrangue unha superficie de 72,1 km 2 cunha poboación de 1.732 h (2007), distribuídos nas parroquias de Candás, Congostro, Guillamil, Lampaza, Ordes, Rairiz de Veiga, Sabariz e Zapeaus. A súa capital é Rairiz de Veiga, situado a 42° 05’ 18’’ de latitude N e 7° 49’ 48’’ de lonxitude O, a unha distancia de 41 km da capital provincial. Está adscrito á diocese de Ourense e ao partido xudicial de Xinzo de Limia.
Xeografía física
O relevo en que se asenta o concello de Rairiz de Veiga presenta unha topografía uniforme, xa que se localiza na parte N da depresión da Limia. Así, a altitude media do...

PARROQUIA

Parroquia do concello de Ourense baixo a advocación de santa Lucía.

PARROQUIA

Parroquia do concello de Ribas de Sil baixo a advocación de santa Lucía.