"ALE" (Contén)

CORDILLEIRAS

Cordilleira da rexión aleutiana, prolongación de Alaska Range, que se estende ao longo da península de Alasca constituíndo a súa espiña dorsal. Está formada por montañas volcánicas que descansan sobre unha serie de sedimentos post-oceánicos pregados. Algúns destes volcáns están aínda hoxe en actividade: o Katmai (2.047 m de alt) ten un dos maiores cráteres do planeta. O Iliamma Volcano (3.074 m de alt) é o pico culminante da cordilleira. O clima frío e húmido dá lugar á vexetación de tundra, motivo polo que os poucos habitantes (esquimós aleutianos, xunto con pescadores e cazadores ianquis) se concentran nas baías costeiras.

ILLAS

Arquipélago pertencente a Alasca, EE UU, que separa o mar de Bering do océano Pacífico. Constituída por unhas 150 illas e illotes volcánicos que, formando un arco semicircular, prolongan a península de Alasca en dirección á de Kamčatka. Inclúe o grupo das Fox (Unimak, Unalaska, Umnak), onde vive a maior parte da poboación, e Andreanof, Rat e Near. O clima é frío e húmido, dando lugar á formación de néboas. A súa poboación vive da pesca e da caza (principalmente focas) e da gandería ovina. Ocupadas polos xaponeses en 1942 durante a Segunda Guerra Mundial foron recuperadas polos EE UU no 1943. Actualmente constitúen un punto estratéxico da defensa dos EE UU, con bases militares e estacións de radar.

PERSOEIRO

Arquitecto. Remata os seus estudios na Escola de Arquitectura de Madrid no ano 1932 e a partir de aí inicia unha carreira que o converterá nun dos modernizadores da arquitectura galega da posguerra civil. Gracias ás súas viaxes por Hispanoamérica e Europa, entrará en contacto co racionalismo da Bauhaus ou coas experiencias sudamericanas dos anos corenta e cincuenta. Na súa obra mestúrase a introdución de elementos e proxectos renovadores co eclecticismo da realidade arquitectónica galega. Desenvolve a súa actividade no Ourense dos anos cincuenta e sesenta. Obras como a Granxa de Valverde (Allariz, 1965) ou a emblemática Torre de Ourense, marcaron a construción galega destes anos. Ademais, Álex Reylén compaxinou a súa faceta creativa coa presidencia da Deputación de Ourense, desde onde impulsou a renovación da arquitectura institucional, e do Consello de Administración da Caixa de Aforros Provincial entre os anos 1950 e 1970.

PERSOEIRO

Arquitecto inglés. Foi mestre de obras da catedral de Worcester (1224-1240). A súa obra é moi característica do Gótico primitivo inglés.

ARQUIPELAGOS

Arquipélago da costa pacífica de América do norte, Alasca, EE UU. Esténdese de N a S dende o Cross Sound ata a Dixon Entrance e está formado por unhas 1.000 illas, de relevo abrupto e costas moi recortadas. As illas principais son Baranof, Chicagof, Admiralty, Kupreanof, Prince of Wales e Revillagigedo.

PERSOEIRO

Arquitecto norteamericano. Teórico e investigador. Levou a cabo o seu labor no Center for Environmental Struture e na Universidade de Berkeley. Propuxo modelos de aplicación universal no campo do deseño.

PERSOEIRO

Psicanalista norteamericano de orixe húngara. En 1930 trasladouse aos EE UU onde organizou o Instituto de Psicanálise de Chicago (1932), que dirixiu ata 1956, e presidiu tamén a Asociación Americana de Psicanálise (1938-1939). Os seus campos de interese foron a aplicación dos principios psicanalíticos á criminoloxía, á medicina psico-somática e á psicoterapia analítica breve. Entre outras obras é autor de Fundamentals of Psychoanalysis (1984), Psychosomatic Medicine (1950) e The Scope of Physhoanalysis: 1921-1961 (1962).

PERSOEIRO

Militar británico, primeiro conde Alexander of Tunis. Estudia en Harrow e en Sandhurst. Serviu en Francia durante a Primeira Guerra Mundial e formou pate do exército letón na loita contra a URSS. Entre 1932 e 1938 comandou as tropas británicas no NO da India. Durante a Segunda Guerra Mundial, como lugartenente xeral, mandou o primeiro corpo de exército: organizou a defensa e despois a evacuación (1940) de Dunkerque. Foi axudante de Eisenhower nas campañas de Túnez, Sicilia e Italia (1943); en 1944, trala caída de Roma, asumiu o mando das forzas aliadas no Mediterráneo. Ao acabar a guerra, convértese en gobernador do Canadá (1945-1952) e máis tarde en Ministro de Defensa (1952-1954) do goberno de Churchill. Publicou as súas memorias (1962).

FILOSOFOS

Filósofo australiano. Profesor en Manchester (1893-1924). O seu pensamento forma parte do movemento realista principiado con Moore, Russell e o neorrealismo. Escribiu Moral Order and Progress (1888), Space, Time and Deity (1920) e Beauty and Other Forms of Value (1933).

PERSOEIRO

Enxeñeiro sueco. Emigrou aos EE UU en 1901. Inventou alternadores de alta frecuencia para as comunicacións transoceánicas e foi (1930) un dos pioneiros da televisión.

PERSOEIRO

Tsarina de Rusia (1894-1917), filla do gran duque Luís IV de Hessen-Darmstadt. En 1894 casa co futuro Tsar Nicolao II de Rusia, sobre o que exerceu unha grande influencia. Introduciu na Corte o célebre Rasputin, a quen lle outorga unha gran confianza aumentando por iso o desprestixio do réxime tsarista. Na Primeira Guerra Mundial o Tsar déixalle a Alexandra a dirección da política interior. Ao estoupar a Revolución do 1917, foi arrestada e executada no 1918 con toda a súa familia en Ekaterinburgo.

FILOSOFOS

O Eséxeta (Afrodisia s II - III d C) Filósofo e matemático grego discípulo de Herminio e de Arsitocles de Messina. Ocupou entre o 198 e 211 a cátedra peripatética de Atenas. Destacou polos seus comentarios a Aristóteles, especialmente un que fixo á súa Metafísica, que influíron ata o Renacemento e orixinaron unha nova corrente dentro do aristotelismo: o alexandrismo, segundo o cal só o entendemento activo é separado e inmortal, a diferenza do pasivo (a alma individual). No seu Tratado sobre o destino e o libre albedrío combatía o fatalismo estoico.