"Ea" (Contén)

MONTES

Monte situado na parroquia de Rubiás dos Mixtos (Calvos de Randín). O seu cumio acada os 1.358 m de altitude.

MONTES

Monte situado na parroquia de Vilacova (Lousame). O seu cumio acada os 504 m de altitude.

PARROQUIA

Parroquia do concello de Arteixo baixo a advocación de san Tomé.

GALICIA

Arqueólogo. Foi director do Museo de Arqueología de Burgos e do Museo Arqueolóxico e Histórico da Coruña. Realizou estudos sobre a toponimia galega, pero destacou polo estudo da metalurxia en Galicia e a definición tipolóxica dos seus elementos máis característicos. Publicou Hachas de talón (1951), Nombres de túmulos y dólmenes en Galicia y Portugal (1954), Hispania Germánica (1966) e Hacha de tope tipo Senra A (1975).

PERSOEIRO

Arquitecto. Estivo moi en contacto con Santiago de Compostela e coas novidades barrocas que alí se produciron; de feito foi un dos primeiros e principais seguidores das propostas de José de Vega y Verdugo. Foi autor da igrexa do mosterio de Santa María de Sobrado dos Monxes.

GALICIA

Erudito. Introdutor do esperanto en Galicia, foi secretario do Grupo esperantista coruñés e vogal do Comité da Hispana Societo por la Propagando de Esperanto. Publicou varios artigos e traballos na Revista Gallega (1905-1906), dos que destacan “El presente y el porvenir del esperanto” (primeiro premio no Certame Pedagóxico de Santiago, 1906) e “El esperanto y los ciegos”.

GALICIA

Avogado. É secretario de Administración Local nos concellos de Mazaricos, Santiago de Compostela e Muros. Foi presidente da Asociación de Funcionarios pola Normalización Lingüística desde a súa fundación en 1984. Publicou “A oficialidade da lingua galega: o marco legal” en Grial (1990) e os libros Formularios de organización e funcionamento das entidades locais (1996) e Regulamentos municipais (1998). Ademais, foi coordinador dos libros Contos da Xustiza (2002) -onde participou co relato “Unha cousa non ten que ver ca outra”- e Palabra por palabra. Contos da Policía (2003). Tamén colaborou na elaboración dos guións da serie de televisión Mareas Vivas.

GALICIA

Filólogo. Foi o co-coordinador do Informe sobre Política Lingüística e Normalización en Galicia da Sección de Lingua Galega do CCG. Publicou traballos sobre literatura galega medieval, historia externa, planificación lingüística e gramática e lexicografía galegas. Foi coautor de Aspectos sociolingüísticos do bilingüismo en Galicia (1985) e Gramática galega (1986), editor de Estudios de sociolingüística galega (1995) e autor de Historia Social da Lingua Galega (1999). É investigador do Instituto da Lingua Galega, coordinador da Sección de Lingua Galega do Consello da Cultura Galega (CCG), director do Arquivo de Planificación e Normalización Lingüística e secretario do CCG desde 2000. Recibiu o Premio da Crítica Galicia de investigación (1987), o 1º Premio de Ensayo sobre las lenguas y literaturas gallega, vasca y catalá da Universidad Nacional de Educación a Distancia (1998) e o Premio Antón Losada Diéguez de investigación (2000).

ILLAS

Illa pertencente ao arquipélago das Illas Cíes, cunha dirección N-S. É a máis setentrional e extensa, e a súa máxima altitude acádase no alto das Cíes (188 m), no sector N. Está unida á illa de Faro por unha formación sedimentaria areosa, Barra de Rodas, onde se atopa o lago dos Nenos, pechado no seu lado L pola praia de Rodas e ao O por un dique artificial. Na punta SO atópanse as praias máis destacadas, Figueiras e Cantareira.

IGREXAS

Igrexa parroquial situada en Arteixo. Pertenceu a un antigo mosteiro beneditino homónimo, que dependía do priorado de Cambre. Presenta planta basilical de tres naves, rematadas en tres ábsidas semicirculares. Empregou para a separación das naves columnas anexadas a piares, na parte da entrada, e piares compostos na zona das ábsidas. A cuberta é a dúas augas. Sufríu algunhas reformas que afectaron especialmente á fachada, á que se lle engadiu unha espadana barroca como remate. No lateral dereito construíuse unha sancristía. Da fachada románica só se conserva a zona das ábsidas, decoradas con canzorros.

MONTES

Monte situado na serra de Meira, entre as parroquias de Meira, no concello homónimo, e San Xurxo de Piquín (Ribeira de Piquín). O seu cumio acada os 863 m de altitude.

PARROQUIA

Parroquia do concello de Ourense baixo a advocación da Milagrosa.

MUNICIPIOS

Municipio da provincia de Albacete, Castela-A Mancha, delimitado ao L por Murcia (2.213 h [2001]). A economía baséase na agricultura de regadío e nas industrias derivadas. Dentro do termo destaca o santuario ibérico de Cerro de los Santos e o acueduto, declarado Ben de Interese Cultural en 1980.

GALICIA

Actor e director teatral. Foi un dos membros fundadores de Artello, onde desenvolveu a súa traxectoria profesional no campo da interpretación, a produción e a dirección de escena, realizando os espectáculos Gulliver FM, Gran Venta 10º Aniversario, Batea e A matanza dos Seixas. Tamén dirixiu Almas perdidas, coprodución do Centro Dramático Galego e Artello; After Shave, de A. R. Reixa; e Mangantes, da compañía de teatro infantil TBO. Desde 1994 traballou como actor e director na compañia Teatro Alla Scala 1:15, centrada no teatro de monicreques e obxectos, con espectáculos como A de libro.

GALICIA

Pintor. De formación autodidacta, cultivou o debuxo e a pintura de paisaxes, bodegóns, nus e retratos nun estilo impresionista. Entre 1978 e 1985 a súa obra calificouse de construtivista e desde entón achegouse ao expresionismo abstracto para orientarse despois cara á abstracción pura. O seu trazo é amplo e enérxico e o cromatismo sobrio. Destaca o seu libro de debuxos Calles y rincones de Vigo (1981).