"Bo" (Contén)

1. Relativo ou pertencente ao colaboracionismo.

2. Que participa ou propugna o colaboracionismo. Ex: Foi un destacado colaboracionista na Francia ocupada.

3. Partidario do colaboracionismo. Ex: Ao rematar a guerra tomáronse duras represalias contra os colaboracionistas.

1. Que ou quen colabora. Ex: Os mestres colaboradores apoiaron o proxecto. Os colaboradores da Cruz Vermella participaron na organización do concerto.

2. Persoa que colabora nun xornal ou revista, aínda que sen pertencer ao seu cadro de persoal. Ex: O colaborador asinou un novo artigo para a Revista Galega do Ensino.

3. Persoa que realiza traballos para unha empresa, sen formar parte do seu cadro de persoal. Ex: O colaborador da empresa de pneumáticos non está contento co trato que recibe.

1. 1. Traballar en común con alguén para facer ou acadar algunha cousa.

   2. Contribuír, de modo altruísta, co propio traballo ou con algún donativo á consecuación ou execución de algo determinado. Ex: A ONG colaborou na reconstrución da vila que fora destruída pola guerra. Os veciños colaboraron con cadansúas mil pesetas para mellorar a canalización da auga.

2. Redactar artigos e outros escritos de modo habitual nun xornal ou revista. Ex: A miña irmá colaborou ao longo de dous anos nunha revista científica.

3. Realizar algún traballo para unha empresa, sen formar parte do seu cadro de persoal. Ex: Colaborou co concello para cambiarlles a instalación eléctrica da casa do concello.

1. Relativo ou pertencente aos colémbolos.

2. Insecto da orde dos colémbolos.

3. Orde de insectos de pequeno tamaño; as especies de maior tamaño acadan os 5 mm de lonxitude. A coloración das distintas especies é moi variable e presentan seis patas coas tibias e os tarsos soldados e, as máis das veces, rematadas nunha uña. O abdome aparece dividido en 6 segmentos. O primeiro segmento presenta un tubo ventral denominado colóforo, con dúas vesículas no extremo que producen unha secrección pegañenta, empregada para adherirse ao substrato. Esta estrutura ten a súa orixe nos vestixios dun par de patas abdominais, que utilizan tamén para a absorción da auga e para controlar os procesos de ósmose. No terceiro segmento abdominal teñen unha estrutura, denominada retináculo ou hámula, onde se prende a furca, presente no cuarto segmento, que permanece pregada e que, ao soltarse e golpear o substrato, lle permite realizar un gran salto, aínda que sen unha orientación definida; ademais, pódelle servir para evitar a depredación de pseudoescorpións, ácaros e formigas. No quinto...

PERSOEIRO

Político. Foi membro da Convención, da que foi elixido presidente en 1793, e do Comité de Salvación Pública. Trala toma de Lyon (1793), que se levantara en contra da Convención, foi enviado por Robespierre para executar as decisións que adoptara a Convención, feito que provocou unha durísima represión. Participou no golpe de estado de Termidor (27.7.1794), en oposición á política de Robespierre; sen embargo, non evitou a acusación de complicidade con Robespierre, feito polo que foi expulsado á Guyana.

1. Primate do xénero Colobus, da familia dos colóbidos, de tamaño grande, formas esveltas e rabo moi longo, pero non prénsil. A lonxitude do corpo, sen ter en conta o rabo, oscila entre os 56 e os 76 cm. Ten as extremidades anteriores e posteriores máis ou menos da mesma lonxitude, presenta calosidades isquiáticas e o seu pelame é de cores variables. De costumes arborícolas, aliméntase de follas e de talos tenros. Habita nas selvas da África tropical e ecuatorial.

2. Primate de ata 76 cm de lonxitude de corpo, de cor en xeral negra, cun manto branco que se estende dende os ombreiros ata o inicio da cola e polas patillas; a barba e a parte terminal da cola tamén son brancas. Vive nas selvas da conca do río Congo e dos Grandes Lagos. Tamén se coñece co nome de guereza.

3. Primate de ata 66 cm de lonxitude de corpo, de cor xeralmente negra, coas patillas e a parte dianteira agrisadas e coa cola enteiramente branca e sen guedella terminal. Vive nas altas selvas e na sabana de Guinea ao longo das ribeiras dos ríos.

4. Primate de ata 76 cm de lonxitude de corpo, de cor en xeral negra, cun conxunto de longos pelos brancos sobre os ombreiros, coas patillas brancas e a cola distalmente branca. Vive nas selvas e nas galerías da cubeta do río Congo.

5. Primate de ata 71 cm de lonxitude de corpo, de cor negra ou gris escura na parte superior e avermellada na inferior, co nariz dirixido cara a arriba sobre o beizo superior engrosado. Vive nas altas selvas de Guinea.

6. Primate de ata 76 cm de lonxitude de corpo, de cor enteiramente negra e cola sen guedella terminal. Vive nas altas selvas do S do golfo de Guinea. Tamén se coñece co nome de mvon.

7. Primate de ata 56 cm de lonxitude de corpo, de cor verdosa na parte superior e agrisada na inferior, coa cola como a parte superior pero máis agrisada por debaixo e con dúas manchas grises na fronte. Vive nas ribeiras dos ríos, nas selvas pantanosas e entre as matogueiras das altas selvas de Guinea.

8. Primate de ata 71 cm de lonxitude de corpo, de cor xeral entre avermellada e parda, cunhas manchas negras nos ombreiros e coa parte inferior que oscila dende a cor branca ata a gris. Vive nas altas selvas e galerías da cubeta do río Congo.

CAPITAIS

Capital de Sri Lanka e do distrito homónimo (615.000 h [1990]). Está situada na costa occidental da illa, no Océano Índico, ao S da desembocadura do río Kelani. É o principal porto da illa e escala das liñas de navegación de Europa cara ao Extremo Oriente; esta característica fai dela un centro comercial importante, tanto de exportación (principalmente de produtos como té, caucho, coco, grafito, cacao e pedras preciosas) como de importación (arroz, azucre e produtos lácteos). Non obstante , o tecido industrial da cidade non está moi desenvolvido. Foi colonizada no s XVI polos portugueses, que axiña a converteron no centro do comercio das especias, e en 1656 foi ocupada polos holandeses, que a mantiveron no seu poder ata que os británicos a conquistaron no ano 1796.

DISTRITOS

Distrito de Sri Lanka (699 km2; 2.062.000 h [estim 1994]). A capital é Colombo (615.000 h [1990]).

PERSOEIRO

Político italiano. Deputado da Democracia Cristiá desde o ano 1946, no ano 1970 foi nomeado presidente dun goberno de centro esquerda, cargo que ocupou ata o ano 1972. Membro do Parlamento Europeo dende 1976 a 1980, ocupou a súa presidencia durante o período 1977-1979. Nos anos oitenta volveu asumir tarefas de goberno, como a de ministro de Asuntos Exteriores (1980-1983 e 1992-1993) e de Finanzas (1988-1989).

PERSOEIRO

Militar de orixe galega. Capitán dos tres batallóns que integraban o rexemento da Morte ou da Victoria, creado por el en marzo de 1809 co obxecto de levantar a poboación da Terra de Montes fronte á ocupación francesa. Debido á falta de previsión do marqués de la Romana, xefe supremo do exército de Galicia, enfrontouse co xuíz de Cotobade, Manuel Taboada Cotón, no transcurso destas operacións. En marzo de 1809 participou, á fronte das súas milicias e xunto coas de Morillo e Cachamuíña, na conquista da cidade de Vigo, que estaba en mans francesas. Trala reconquista, a Xunta de Defensa da cidade nomeouno gobernador militar; sen embargo, a presión popular obrigou a substituílo poucos días despois por Cachamuíña.

PERSOEIRO

Médico italiano. Foi profesor nas universidades de Pisa, Roma e Padua; nesta útlima sucedeu a Vesalius na cátedra de Anatomía en 1544. Autor, entre outros, de diversos estudios sobre a anatomía da pelve e do oído, así como sobre a fisioloxía da dixestión, sinalou a existencia da pregadura do peritoneo e deu unha descrición exacta do mediastino. Son tamén notables os seus descubrimentos en fisioloxía circulatoria.

1. Relativo ou pertencente á columbofilia.

2. Persoa afeccionada á cría e mellora das pombas.