"An" (Contén)

PERSOEIRO

Papa (314-335). Confesor da fe na última persecución, foi o primeiro papa despois do Edito de Milán (313). Segundo a tradición bautizou a Constantino. Viste de pontifical, con palio e tiara e cunha pía bautismal como atributo persoal. A súa festividade celébrase o 31 de decembro.

PERSOEIRO

Mártir. Segundo a tradición, foi un neno martirizado en tempos de Valeriano. Os seus restos atopáronse no cemiterio romano de Ciríaca en 1844 e o seu corpo foi doado por un prelado bieito a frei Rosendo Salvado en 1851, quen o cedeu a un monxe exclaustrado de San Martiño Pinario. En 1861 o seu corpo pasou ás mans do mosteiro de San Paio de Antealtares. Represéntase como unha figura xacente con ricas vestiduras. A súa festividade celébrase o 22 de novembro.

PERSOEIRO

Papa (498-514). Cando era diácono foi elixido sucesor de Anastasio II polos cregos e o senado romanos hostís a Constantinopla. Acusado de inmoralidade polo presbítero Lourenzo, foi sometido ao xuízo dun sínodo (501), que optou polo xuízo de Deus. Lourenzo, nomeado antipapa, ocupou violentamente Roma, onde durante catro anos reinou o terror. Restablecida a paz por Teodorico, o cisma non rematou ata a morte de Símaco. A súa festividade celébrase o 19 de xullo.

MUNICIPIOS

Municipio da provincia de Valladolid, Castela e León, situado a 9 km ao SO da capital, á dereita do Pisuerga (3.952 h [2001]). Antiga cidade vaccea, chamada polos romanos Septimanca, tras a conquista de Afonso I (753) foi unha fortaleza cristiá na fronteira do Duero. Reocupada polos árabes, Ramiro II conquistouna definitivamente (939). Despois da toma de Toledo (1085) uniuse a Valladolid. Afonso Enríquez reconstruíu a súa fortaleza, que foi cedida aos Reis Católicos en 1480. En 1508 foi convertida en prisión estatal, e Carlos V transformouna en arquivo real (1548). Confiscado e trasladado por Napoleón I a París, o Arquivo Nacional foi devolto a Simancas en 1815. Consta duns 5.200 volumes e 60.200 cartafoles.

1. Relativo ou pertencente aos simbranquiformes.

2. Peixe da orde dos simbranquiformes.

3. Orde de peixes, da clase dos osteíctios, con aberturas branquiais pequenas e fusionadas ventralmente nunha soa fenda transversal, e con branquias parcialmente atrofiadas, polo que a súa respiración é sobre todo bucofarínxea e intestinal. Son propios de pantanos, covas e augas estancadas, sobre todo das augas doces tropicais do SL de Asia e de Australia.

PERSOEIRO

Novelista belga. Desde 1928 cultivou a novela con diversos pseudónimos. Destacan as súas novelas policiais en que afondou na análise psicolóxica dos personaxes, dos que un dos máis populares foi o inspector Maigret, protagonista dunha longa serie con case 250 títulos, dos que destacan L’homme qui regardait passer les trains (1938), La neige était sale (1948) e Le train (1961). Publicou tamén Mémoires intimes (1981).

PERSOEIRO

Tsar dos búlgaros (893-927), fillo do príncipe Boris I. Sucedeu a seu irmán, o príncipe Vladimir I, e tomou o título de tsar. Admirador da cultura grega, reinou nun país de gran prosperidade comercial, contra a que atentaron uns editos do Emperador León VI. As reclamacións búlgaras non foron escoitadas e estalou a guerra, da que saíu vitorioso. Despois dun período de paz, en que floreceron as artes e as letras, ao morrer León VI continuou a guerra (912). O Emperador Constantino VII deulle o título de tsar e converteuse no seu tributario. Gobernou desde o mar Negro ata o Adriático, incluíndo a península Balcánica, Valaquia e parte de Transilvania.

PERSOEIRO

Personaxe bíblica. Coñecido como o vello Simeón, segundo o Evanxeo de san Lucas recibiu ao Neno Xesús no templo de Xerusalén. Represéntase vestido de vello cun neno no colo. A súa festividade celébrase o 8 de outubro.

IGREXAS

Igrexa parroquial situada en Meaño. Construída en estilo románico no s XIII, ten unha soa nave e ábsida rectangular cuberta con bóveda de canón. O arco triunfal é apuntado. Da fábrica románica só se conserva o presbiterio e a portada, que se organiza con arquivoltas tóricas apoiadas en columnas acobadadas. No tímpano inscríbese unha cruz potenzada.

PERSOEIRO

Historiador e economista francés. Estudou os salarios e as causas económicas e sociais da súa formación baseándose en rigorosas estatísticas e analizando a súa incidencia nos ciclos económicos. Publicou Le salaire, l’evolution sociale et la monnaie (1932) e Les Flutuations économiques à longue période de la crise mondiale (1933).

PERSOEIRO

Actriz. Da súa filmografía destaca Great Expectations (1946), Hamlet (1948), Guys and Dolls (1956), The Big Country (1958), Spartacus (1960) e The Happy Ending (1969), algúns deles dirixidos polo seu marido Richard Brooks. Recibiu un Emmy pola seu papel na miniserie The Thorn Birds (1977).

PERSOEIRO

Economista e especialista en ciencias sociais . Especializouse no estudo da toma de decisións nas organizacións económicas complexas. Das súas obras destacan Administrative Behavior (1947), Organizations (1958), Human Problem-Solving (1972), Models of Bounded Rationality (1982), Reason in Human Affairs (1983), Protocol Analysis (1984) e Scientific Discovery (1986). Recibiu o Premio Nobel de Economía en 1985.

FILOSOFOS

Filósofo e político francés. Foi o xefe da á moderada do partido republicano e un constante defensor das liberdades. Foi ministro de Instrución Pública (1870 e 1871-1873) e situouse á fronte do consello de ministros (1876-1877) durante a Terceira República Francesa. Os seus enfrontamentos co presidente Mac Mahon provocaron a súa caída.

PERSOEIRO

Comezou a súa penitencia de estilita aos sete anos, sobre unha columna situada nunha montaña coñecida co nome de Monte Admirable, preto de Antioquía. A súa festividade celébrase o 3 de setembro.

PERSOEIRO

Asceta sirio. Anacoreta nun convento abandonado de Antioquía e finalmente viviu durante corenta anos sobre unha columna, da que lle veu o sobrenome, e na que non se podía sentar nin deitarse. Con sona de taumaturgo, exerceu unha considerable influencia na causa da ortodoxia de Calcedonia. Representouse como un vello demacrado, esfarrapado e colocado de pé sobre o capitel dunha columna. A súa festividade celébrase o 5 de xaneiro para os latinos e o 2 de setembro para os orientais.