"An" (Contén)

MUNICIPIOS

Municipio da provincia de Cuenca, Castela-A Mancha, situado á dereita do Júcar (1.789 h [2001]).

PERSOEIRO

Rei visigodo (631-636), duque da Narbonesa ou Septimania. Rebelouse contra o Rei Suintila e destronouno (631), despois de invadir a Tarraconense ata Zaragoza. No IV Concilio de Toledo (633) demandou a confirmación do seu título real e fíxose unxir por insinuación de Isidoro de Sevilla.

PERSOEIRO

Historiador e economista suízo. Defensor da intervención estatal nos asuntos económicos, foi precursor da política social en prol dos traballadores.

PERSOEIRO

Bispo de Santiago de Compostela. Recibiu importantes doazóns do Rei Afonso III. Conseguiu a construción dun novo templo para o Apóstolo Santiago (899) e a dos mosteiros de San Paio de Antealtares, San Martiño Pinario e San Fiz de Lovio.

PERSOEIRO

Bispo de Iria, fillo dos condes Hermenexildo e Paterna. Foi elixido baixo o reinado de Ordoño III, pero coa subida ao trono de Sancho I o rei substituíuno por san Rosendo. Volveu de novo ocupar o seu posto e morreu en loita contra os normandos.

IGREXAS

Igrexa parroquial situada en Cospeito. Construíuse entre mediados do s XVIII e o s XIX. O edificio, de cachotaría de granito e cuberta de lousa a dúas augas sobre a nave, a catro sobre o presbiterio e a tres sobre o pórtico semipechado da entrada, ten planta de cruz latina, cos brazos ocultos polas sancristías anexadas. Na fachada principal destaca a porta alintelada e o campanario de dous corpos. No seu interior destacan dúas lápidas sepulcrais da familia Verdes--Montenegro, así como o retablo maior do s XVIII e os laterais dos brazos do cruceiro (s XVIII) e da nave (s XIX). No atrio atópase a antiga casa reitoral e un cruceiro.

TERRITORIOS

Territorio fronteirizo situado entre Irán e Afganistán e constituído por unha depresión desértica entre os lagos Daryācheh-ye Hāmūn e Gaud-e Ziräh (30.000 km2; 250.000 h [estim 1995]). A poboación dedícase ao pastoreo nómade e á agricultura. Antiga Drangiana, tomou o nome medieval (Sakastān) e moderno (Sistān) dos invasores escitas ou saka en 128 a C. Formou parte do Imperio sasánida e, desde o s VII, do islámico. Rexida por efémeras dinastías locais, foi devastada por Tamerlán (1388). Obxecto de disputa entre Persia e Afganistán, foi partida (1872) por medio dunha arbitraxe británica que favorecía o goberno qajarita.

IGREXAS

Igrexa parroquial situada en Dozón. Realizada en cantaría de granito, presenta planta rectangular e cuberta a dúas augas. A zona do presbiterio atópase máis elevada e, ao lado N deste, anexouse a sancristía. Na fachada destaca a portada alintelada, sobre a que se abre unha pequena fiestra abucinada e a espadana de dous vans. Colocáronselle contrafortes nas esquinas, aínda que con carácter decorativo e rematados por pináculos.

ILLAS

Illa de Dinamarca, a principal do arquipélago danés (7.450 km2; 2.248 h [estim 2001]). Situada entre o mar do Norte e o estreito de Kattegat, está separada de Suecia ao L polo estreito de Øresund e da illa de Fun, ao O, polo Gran Belt. É a zona máis poboada de Dinamarca, concentra case a metade da súa poboación e nela atópase a capital, Copenhaguen.

PERSOEIRO

Caudillo albanés. De nome Gjergj Kastriota, ocupou Croia (Epiro) e promoveu o alzamento dos seus súbditos contra os dominadores. Converteuse en xefe da Liga dos Pobos Albaneses (1444). Resistiu os continuos ataques dos turcos e aliouse cos venecianos (1463). En 1466 recibiu a bendición e a axuda do Papa Paulo II.