"An" (Contén)

Club de remo fundado en Moaña en 1993 tras a fusión dos clubs San Xoán e Nosa Señora dos Remedios. Gañou tres campionatos de España de traiñeiras (1961, 1996 e 1997) e dous de traiñeiriñas (1997 e 1998).

Agrupación fundada en 1912 na Guarda coa finalidade de protexer o monte de Santa Tegra e dotalo de infraestruturas. Promoveu a escavación dos restos arqueolóxicos a partir de 1914 e a construción do museo. En 1929 ampliouse a agrupación para fundar o Patronato do Monte de Santa Tegra.

SABENA.

Entidade bancaria suíza fundada en 1872 con sede en Basilea. En 1997 fusionouse coa Union des Banques Suisses no Banque Unie de Suisse.

Entidade financeira belga constituída pola fusión en 1965 do Banque de la Société Générale de Belgica (1822), a Société Belge de Banque e o Banque d’Anvers. En 1988 acordou a súa fusión progresiva co Amrobank dos Países Baixos.

Empresa francesa dedicada á fabricación de automóbiles fundada en 1934 por Henri Pigozzi, a partir das instalacións da firma Donnet-Zedel, que adquiriu en 1933. En 1954 pasou a mans da Ford Motor Company, que a vendeu á Chrysler Corporation (1958). En 1963 foi asinado un acordo entre SIMCA Automobiles, Chrysler Corporation e Barreiros Diesel SA para a fabricación dos automóbiles SIMCA en España.

Compañía estatal francesa que ten o monopolio do transporte ferroviario de persoas e mercadorías.

Asociación secreta romana, fundada por Umberto Benigni en 1909 e posta baixo a advocación de San Pío V, que reunía persoas e grupos autodenominados integralmente católicos, con vista a recoller información sobre a ortodoxia e a disciplina de católicos sospeitosos de modernismo. O seu fundador foi expulsado da secretaría de estado polo cardeal Merry del Val, e a asociación pasou a depender da Congregación Consistorial (1911). Autodisolveuse en 1914, á morte de Pío X. Restablecida en 1915, foi definitivamente suprimida por Benedito XV en 1921.

Län de Suecia (6.062 km2; 256.033 h [estim 2000]). A súa capital é Nyköping.

(Damasco 560? - Xerusalén 638) Relixioso e escritor. Foi monxe en Exipto (580?) e Palestina (619) e patriarca de Xerusalén (634-638). Autor de numerosos escritos contra o monotelismo, destacaron tamén os seus sermóns e algúns dos poemas de Nadal, Epifanía ou Venres Santo, que pasaron á tradición litúrxica bizantina. A súa festividade celébrase o 11 de marzo.

Antiga provincia do Imperio Persa, en Asia central, comprendida entre Syr-Darja e Amudarja, fronteira natural con Bactriana e Margiana. Falábase o sogdiano. Sometida por Ciro II de Persia (s VI a C), foi conquistada por Alexandre o Grande. Despois pasou sucesivamente a mans dos seleúcidas, dos reis de Bactriana, dos partos, novamente dos persas, dos árabes (ss VII-VIII) e, finalmente, dos turcos.

Fylke de Noruega (18.620 km2; 107.300 h [2001]). A súa capital é Hermansverk (1.280 h [2001]).