"An" (Contén)

PERSOEIRO

Poeta e historiador portugués. Tras catro anos en Roma, trasladouse en 1631 a Madrid. Destacan Epitome de historias de Portugal (1628), El gran iustitia de Aragón don Martín Batista de Lanuza (1650) e Asia Portuguesa (1666).

GALICIA

Compositor e editor de música. Director de Arte Tripharia, foi fundador e presidente das Juventudes Musicales de Vigo, e fundador do grupo Letrinae Música. Publicou o proxecto Escuela Internacional de Música Nuevo Baztan e as obras Borobó (1999) e Tálamo e túmulo (2000).

DISTRITOS

Distrito unitario de Escocia, Reino Unido, (1.771 km2; 156.245 h [2001]).

GALICIA

Filólogo. Doutorado en Filoloxía Galega pola Universidade de Santiago de Compostela, as súas liñas de investigación céntranse na lírica galego-portuguesa, na edición de textos medievais e do s XVII, coa edición de textos como Crónica de Santa María de Iria / [atribuida a] Rui Vasques (2001), ou, en colaboración, Livro de Tristan e Livro de Merlin (2001), na dialectoloxía histórica “Do luns à sexta-feira, contribuiçom ao estudo do sistema dos dias da semana na história e na actualidade” (1993); e, sobre todo, na pesquisa de antigos documentos galego-portugueses, dos que destaca o descubrimento do que parece ser, ata o momento, o documento en galego-portugués con datación máis antiga; o Pacto de Gomes Pais e Ramiro Pais (1173?), publicado en Nas origens da expressão escrita galego-portuguesa. Documentos do séc. XII (2003), e uns dos de datación máis antiga en Galicia, Venda dunha herdade en Sequeiros (1231), publicado en “Dinâmicas da escrita romance...

IGREXAS

Igrexa parroquial situada en Muíños. Con características tipicamente barrocas, destaca especialmente a súa fachada, que remata cunha espadana de dous corpos. No interior destacan as imaxes da Inmaculada, a Virxe de Carme, san Antonio, san Blas e da Anunciación.

GALICIA

Músico e escritor. Coñecido como Xurxo Souto, foi vocalista do grupo Os diplomáticos de Monte Alto. Desde 1987 traballou en diferentes medios de comunicación, como o xornal La Opinión de A Coruña. Dirixiu o programa A tropa da tralla en Radio Coruña e publicou A tralla e a arroutada (1995), Fumareu (1997), O retorno dos homes mariños (1999) e Contos da Coruña (2001).

GALICIA

Xeógrafo e historiador. Doutor en Xeografía coa tese Desartellamento social e caos urbanístico. Vigo, 1960-1980 (1990). As súas principais liñas de investigación son a didáctica da xeografía e a ordenación do territorio e o urbanismo en Galicia. Colaborou na redacción de plans de ordenación urbana de Vigo e Cangas. Autor de numerosas obras relacionadas coa didáctica da xeografía, publicou, entre outras obras, Xeografía humana (1988), Vigo: cen anos de historia urbana, (1880-1980) (1990), As Parroquias (1995), Vivendas e cidades (1997) e Planeamento estratéxico e mercadotécnica territorial (2001).

GALICIA

Xurista e político. Foi decano da facultade de Dereito da Universidade de Santiago de Compostela (1975-1979) e catedrático da UNED (1982-1993). Foi alcalde de Santiago de Compostela (1979-1981), presidente da Asemblea de Alcaldes de Galicia (1979) e deputado (CDS) no Congreso pola Coruña (1989-1993). Publicou El consentimiento informado (1999), Los derechos de los enfermos (2000) e Derecho matrimonial (2000).

PERSOEIRO

Arquitecto. Foi autor dos planos do santuario da Virxe da Peregrina e da Porta da Vila, neoclásica, que se colocou posteriormente como portada monumental no edificio de Facenda de Pontevedra, que se estableceu nun antigo convento de franciscanos.

IGREXAS

Igrexa parroquial situada en San Cristovo de Cea. Presenta unha soa nave e conserva elementos decorativos medievais, como a serie de canzorros que sustentan a cuberta. Destaca o arco apuntado da portada principal e os capiteis historiados.

IGREXAS

Igrexa parroquial situada en Paderne. Realizada en estilo románico durante o s XII, a principios do s XIX sufriu unha importante reforma. Presenta nave rectangular con nave e ábsida únicas e cuberta a dúas augas. Do primitivo templo só queda o arco triunfal apuntado, a través do que se accede á ábsida e do que destaca a decoración dos capiteis sobre os que se apoia. Tamén destaca a fachada, con escasa decoración, portada alintelada, un pequeno ollo de boi e unha cruz branca pegada á parede. Remata cunha espadana de dous corpos.

IGREXAS

Igrexa parroquial situada en Castroverde. De orixe prerrománica, foi restaurada en época barroca. Destaca a fiestra da ábsida, cuns barrotes verticais labrados en pedra e a fachada, barroca.

IGREXAS

Igrexa parroquial situada en San Cibrao das Viñas. Orixinalmente, foi construída en estilo románico, do que só se conserva a decoración con canzorros do beiril. Sufriu varias modificacións en época barroca (ss XVII-XVIII), que afectaron especialmente á cabeceira do templo e á fachada, en que destaca especialmente a torre-campanario rodeada, nun dos seus corpos, por unha balconada. As molduras que rodean a portada, alintelada, recordan ao barroco de placas, e as cornixas curvas rematadas en volutas son de influencia portuguesa.

GALICIA

Músico e compositor. Recibiu as primeiras nocións musicais e aprendeu a tocar o cornetín co seu pai, que era director da banda municipal de Ponteareas. Con catorce anos dirixiu o Orfeón de Tui e, pouco despois, ingresou como músico graduado no Rexemento Murcia da cidade de Vigo. Nesta época comezou a compoñer diversas obras para a Banda Municipal do Porriño e outras agrupacións. En 1899 estudou no Conservatorio Superior de Música de Madrid, onde recibiu clases de Bretón e Chapí, e obtivo o primeiro premio de harmonía. Rematou os seus estudos cun premio de Composición e unha bolsa do Concello de Vigo para ampliar os seus coñecementos en Francia, Italia e Alemaña. Ao seu regreso comezou a escribir zarzuelas e sainetes que acadaron un notable éxito, como El regreso, La paloma del barrio, El capricho de una reina e Guitarras y bandurrias. A partir de 1916 iniciou unha intensa actividade compositiva que o levou a crear importantes zarzuelas como La leyenda...

PERSOEIRO

Pintor cubista francés. Estivo influído por M. Denis, P. Sérusier e G. Braque. A partir de 1930 realizou decoracións murais e creou un taller de pintura monumental. Das súas obras destacan Le char d’ Apollon (1935) e Assiette de fruits au journal (1955).