"An" (Contén)

PERSOEIRO

Político búlgaro. Deputado en 1881, accedeu á presidencia da cámara (1884) como xefe de partido nacional liberal. Rexente, logo da abdicación de Alexandre de Battenberg (1886), favoreceu a investidura de Fernando de Saxonia-Coburgo (1887), que o nomeou presidente do Consello de Ministros (1887-1894), onde executou unha política ditatorial no interior, e no exterior opúxose a Turquía e a Rusia. Destituído (1894), foi asasinado.

PERSOEIRO

Compositor alemán, pai de K. P. Stamitz. En 1745 converteuse en kapellmeister da corte de Mannheim, o que lle permitiu experimentar novos efectos sonoros que foron o estilo característico da escola de Mannheim. Compuxo sinfonías, un concerto para clarinete, música de cámara e outras pezas.

PERSOEIRO

Compositor e pedagogo musical. Profesor no Royal College of Music, compuxo a ópera The Canterbury Pilgrims (1884), a obra coral The Revenge (1886) e numerosas cancións.

PERSOEIRO

Militar e político, conde de Stanhope. Estudou en Oxford, pero decantouse pola carreira militar. Ascendido a xeneral, conquistou a illa de Menorca para Inglaterra (1708) e chegou a xeneral en xefe das forzas inglesas. En 1710 emprendeu unha campaña vitoriosa, xunto ao xeneral austríaco Starhemberg, e a súa vitoria en Almenara permitiulle ao arquiduque Carlos de Austria reconquistar Aragón. Foi secretario de estado de Xurxo I (1714) e membro do consello real. Interveu na formación da Tripla (1717) e Cuádrupla Alianza (1718).

PERSOEIRO

Actor e director dramático. De nome Konstantin Sergejevič Aleksejev, fundou o Teatro Artístico de Moscova, con V. I. Nemirovič-Dančenko, onde puxo en práctica as súas concepcións dramáticas e desenvolveu o seu prestixioso método de interpretación. O actor ten que evitar toda afectación non motivada, e a obra, para el, é un conxunto orgánico formado pola vontade estruturadora do director en que nada queda solto. A loita contra o divismo e a educación dos actores e do público tamén forman parte do seu sistema.

PERSOEIRO

Político británico, XIV conde de Derby. Formou parte da aristocracia whig e foi deputado (1820). Nomeado secretario para Irlanda (1830-1833), manifestou unha total incomprensión do problema irlandés. Como secretario de Colonias (1833-1834) conseguiu a abolición da escravitude. Foi primeiro ministro en diferentes ocasións (1852, 1858 e 1867-1868).

PERSOEIRO

Bioquímico estadounidense. Foi o fundador e director do Instituto de Viroloxía da Universidade de California. Conseguiu cristalizar o virus do mosaico do tabaco (1935) e investigou e preparou unha vacina contra o virus da gripe. En 1946 recibiu, xunto con J. H. Northrop e J. B. Sumner, o Premio Nobel de Química, polos seus traballos sobre a preparación dos enzimas e das proteínas dos virus en forma pura.

DISTRITOS

Distrito de Belize (2.554 km2 ; 26.965 h [estim 1998]). A súa capital é Dangriga (74.390 h [estim 1998]).

PERSOEIRO

Feminista. Casada co abolicionista Henry Brewster Stanton (1840), en colaboración con Susan B. Anthony escribiu The Revolution (1868-1870), e con Matilde Gage The History of Woman Suffrage (1881-1922).