"Alle" (Contén)

PERSOEIRO

Fisiólogo. Doutorouse na Universidade de Cambridge en 1909. Dirixiu os Wellcome Physiological Research Laboratories (1906-1914), nos que realizou estudios sobre a composición e os efectos do cornizó, e traballou no National Institute for Medical Research (1914-1942), centro do que foi director dende 1928 ata a súa xubilación. Foi presidente da Royal Society (1940-1945) e membro da Comisión de Enerxía Atómica. Descubriu a histamina e a acetilcolina, molécula implicada na transmisión nerviosa. No 1936 recibiu, xunto con Otto Loewi, o Premio Nobel de Medicina e Fisioloxía polo descubrimento da acción dos neurotransmisores no impulso nervioso. No ano 1932 concedéuselle o título de sir e no 1944 a Orde do Mérito.

DIARIOS

Diario en castelán aparecido en Ourense a principios de 1918 e que cesou probablemente no mesmo ano. Subtitulouse “Diario de la mañana” e contou coa colaboración de Vicente Risco e doutros intelectuais galegos. Incluíu información de carácter xeral, un “servicio telegráfico” e novas do estranxeiro.

1. Particularidade que non é indispensable, pero que completa algo embelecéndoo.

2. Cada un dos datos ou circunstancias que axudan a comprender ou coñecer algo.

3. Aspecto parcial ou ampliado de algo.

4. Lista detallada con todas as especificacións.

5. Cousa que se dá ou se fai como mostra de atención cara a unha persoa.

PUBLICACIÓNS

Publicación de periodicidade mensual que apareceu en xullo de 1988 na comarca do Val Miñor. Dirixida por Juan Miguel López Medina, contaba coa colaboración de Emilio A. Freiria, Víctor Iglesias Viqueira, Xoán do Tamuxe, Francisco González Martínez e Héctor Barreiro Troncoso, cronista oficial de Baiona. Incluíu información da comarca dirixida aos habitantes dos distintos concellos e á emigración galega no exterior. Dividiuse nas seccións: “Nigrán”, “Gondomar”, “Bayona”, “Tomiño”, “La Guardia”, “El Rosal”, “Humor”, “El Caminante”, “Historia del Valle”, “Cultura”, “Opiniones”, “Mujer”, “Pasatiempos” e “Deportes”. Na contraportada, titulada “Se ve, se oye, se comenta...”, inseriu novas de carácter breve.

PERSOEIRO

Diplomático. Director da Central Intelligence Agency (CIA, 1953-1961), que combateu o comunismo, no contexto da Guerra Fría. Foi cesado tralo fracaso do desembarco de baía de Cochinos.

PERSOEIRO

Físico. Estudiou nas universidades de Madrid, Estrasburgo e París. En 1934 acadou a cátedra de Xeofísica na Universidad de Madrid. En 1939 exiliouse a Inglaterra, onde exerceu como profesor de física nas universidades de Manchester e Londres (1939-1953). Ao finalizar esta etapa volveu a España para recuperar a súa cátedra. Destacou polas investigacións no eido da meteoroloxía e do magnetismo terrestre, e no estudo das radiacións cósmicas, materia que introduciu en España. Perfeccionou numerosos aparellos de medición que empregou nos seus experimentos. En 1958 foi nomeado académico numerario da Real Academia de Ciencias Exactas, Físicas y Naturales.

PERSOEIRO

Político. Estudiou nas universidades de Columbia e Wisconsin. Traballou no Banco Interamericano de Desarrollo nos anos sesenta e foi alcalde de Quito (1970-1978). Presidiu o Banco Ecuatoriano Nacional de la Vivienda y Junta Nacional de la Vivienda. En 1992 accedeu á presidencia de Ecuador á fronte da Unión Republicana (UR). Emprendeu un programa económico neoliberal e austero, afrontou un conflito armado con Perú no Alto Amazonas e viuse afectado polo escándalo da apropiación de fondos do vicepresidente Alberto Dahik. Participou no IX Cumio do Grupo de Río (4 e 5 de setembro de 1995), onde os presidentes do hemisferio definiron o establecemento dunha área de libre comercio común para o 2005. En 1998 foi elixido deputado nacional.

MUNICIPIOS

Municipio da provincia de Zaragoza, Aragón (15.227 h [1996]). É a cabeceira e o centro económico da comarca agrícola de Las Bajas Cinco Villas. As principais actividades económicas son a agricultura, especialmente os cultivos de cereais, a industria agroalimentaria e a fabricación de maquinaria agrícola. De orixe ibérica, foille conquistada aos musulmáns por Afonso I de Aragón o Batallador (1106), quen lle concedeu a carta de poboamento. Foi escenario das loitas civís que precederon ao compromiso de Caspe. Alí tivo lugar a reconciliación entre Xoana Enríquez e Leonor de Navarra (1467). As tropas de Filipe V sitiárona durante a Guerra de Sucesión. Do seu patrimonio cultural destacan a igrexa románica de San Salvador e a de Santa María, de orixe románica e modificada no s XVII, declaradas Ben de Interese Cultural en 1931 e 1984 respectivamente.

PERSOEIRO

Escultor. Discípulo de Juan Adán, formouse na Escuela de Bellas Artes de San Fernando. Foi primeiro escultor de cámara dende 1836 e director xeral da Real Academia de Bellas Artes de San Fernando (1840-1843, 1850-1853). As súas obras mostran o carácter clasicista. Traballou na restauración escultórica do palacio de Aranjuez. Da súa produción destaca o grupo El reto de don Rodrigo Téllez Girón al moro Albayaldos delante de sus padrinos e os retratos de Jovellanos e Argüelles. Realizou a figura da Constancia do Obelisco do 2 de Maio de Madrid (1840) e, no terreo da obra efémera, participou nos cenotafios das raíñas Isabel de Braganza (1919) e María Xosefa Amalia de Saxonia.

PUBLICACIÓNS

Publicación aparecida en Santiago de Compostela a partir de 1842 e subtitulada “Produciones económicas-administrativas dedicadas a la juventud escolar”. De periodicidade irregular, imprimiuse nos obradoiros tipográficos de Xosé Núñez Castaño. No seu equipo de redacción figuraba Bieito Amor Losada. Tratábase dunha publicación de carácter científico, partidaria da liberdade de ensino.