"Icía" (Contén)

Nome que recibiu durante o levantamento de 1846 un dos dous corpos do exército establecidos na asemblea do 15 de abril en Santiago de Compostela. Dirixiuse cara á Coruña baixo o mando do comandante Miguel Solís y Cuetos, que levaba como segundo a Manuel Buceta. O segundo corpo dirixiuse cara a Ourense.

Empresa dedicada á distribución e venda de compoñentes electrónicos e automatismos. Creada en 1962 e integrada nun grupo empresarial nacional, independizouse como Electrosón Galicia SA en 1985. Posúe delegacións en Ourense, Vigo, Pontevedra, A Coruña, Lugo e Gijón, e a súa área comercial abarca Galicia, Asturias, Cantabria e o N de Portugal.

Revista aparecida en Santiago de Compostela no outono de 1989. Dirixida por Lois Rodríguez, contou coa colaboración de Xosé L. Blanco Vila, Xosé Castro, Francisco Conde e J. Víctor Sueiro. Incluíu información sobre rutas de viaxes, turismo, música e libros, e incorporou unha axenda que contiña datos sobre restaurantes, hoteis e outros lugares de ocio.

Xornadas de análise e debate sobre o feito teatral que se celebraron en Cangas do Morrazo (1997, 1998 e 1999) e Viana do Castelo (1997, 1998), organizadas polo Teatro do Noroeste de Viana, pola Mostra Internacional de Teatro Cómico e Festivo de Cangas e polo Instituto Galego de Estudios e Investigacións Teatrais (INGAT), e baixo a dirección de José Martins e Manuel F. Vieites. Participaron actores, directores, escenógrafos, dramaturgos, críticos, programadores e outros creadores vinculados á creación teatral. Os relatorios e debates publicáronse en Ensaio, Revista de Teatro de Galicia e do Norte de Portugal.

Grupo político que xurdiu en 1997 coa escisión de Esquerda Unida dun grupo, liderado por Anxo Guerreiro, desconforme coa dirección do partido, que non aceptaba presentarse en coalición co PSdG nos comicios autonómicos dese ano, aos que EdG se presentou finalmente en coalición co PSdG-PSOE e Os Verdes. Obtivo dous representantes no Parlamento, que lle permitiron constituír un grupo parlamentario propio. Definiuse como un partido socialista, democrático e republicano e as súas propostas estiveron vinculadas á defensa dos postulados da esquerda nacionalista. Nas eleccións de 2001 ofreceulle ao PSdG-PSOE un pacto para concorrer de novo xuntos aos comicios. A negativa dos socialistas, que só estaban dispostos a admitir a EdG se se integraba totalmente no partido, levounos a acudir en solitario aos comicios nos que non acadaron representación parlamentaria. Disolveuse en maio de 2002.

Revista aparecida na Coruña en xullo de 1988. Cesou a súa edición no 2001. Dirixida por Carlos Marcos Blanco e editada por Estilo Galicia SL, imprimiuse nos obradoiros tipográficos de Publicaciones de Galicia. Incluíu información e entrevistas referidas á política, á moda e á sociedade de Galicia.

Nome que lle outorgaron á institución militar galega os republicanos federalistas que se sublevaron en Ferrol o 11 de outubro de 1872. Na sublevación participaron arredor de 1.500 soldados e oficiais da mariña xunto a outras 1.000 persoas, fundamentalmente traballadores e gardas do estaleiro, obreiros doutras fábricas e os profesionais liberais republicanos da cidade, liderados polo brigadier Pozas, autoproclamado comandante xeneral, e polo capitán de fragata retirado, Montojo. O seu obxectivo era proclamar a república federal. Oito días despois, o levantamento foi sufocado e perseguidos e condenados os seus líderes.

Que non é oficial.

Que se fai ou se tramita fóra da vía xudicial.

Antropónimo de orixe clásica, histórica e literaria, derivado a finais da Idade Media do antigo xentilicio latino Fabricius ‘relativo ao artesán’, procedente, á súa vez, da voz común faber ‘artesán’. A forma feminina correspondente é Fabricia.

Revista xurídica aparecida na Coruña en 1880. Reapareceu nunha segunda época o 30 de outubro de 1892 co subtítulo de “Revista jurídico-administrativa. Órgano de todas las colectividades judiciales y administrativas de Galicia”. Dirixiuna Manuel Rodríguez Bermúdez e imprimiuse cada dez días nos obradoiros tipográficos de Vicente Abad. Incluíu traballos xurídicos, unha sección de consultas e información sobre oposicións a notarías e outros postos da Xustiza.

Organización estudantil creada en Santiago de Compostela en 1990. Ten como obxectivos, ademais do labor reivindicativo, a formación de asociacións xuvenís, a divulgación dos dereitos e deberes dos alumnos nos centros educativos, a organización de asembleas, conferencias e congresos (política educativa, política lingüística, etc) e a defensa dos alumnos galegos diante das diferentes administracións educativas. Foi a primeira forza estudantil de ensino secundario en Galicia con preto de 350 conselleiros escolares adscritos. Membro activo do Consello Escolar de Galicia e do Consello da Xuventude de Galicia, foi pioneira na celebración de encontros sobre política lingüística entre asociacións estudiantís, en colaboración co Colectivo de Estudiantes Vascos (CEV-EIK) e coa Associació de Joves Estudiants de Catalunya (AJEC). Integrouse na Unión de Estudiantes de España (UDE), e posteriormente no Colectivo de Asociaciones de Estudiantes Progresistas (CAEP), e no ámbito internacional pertence á...

Federación fundada durante o primeiro congreso galego de empresarias de Galicia, celebrado o 27 de abril de 1989, na Coruña. Ten a súa sede en Santiago de Compostela e está integrada, no 2002, polas Asociacións de Empresarias da Coruña (AECO), Pontevedra (APE), Ourense (AME) e Lugo (AELU). A través dun convenio coa Consellería de Familia, Promoción do Emprego, Muller e Xuventude, conta desde 1999 cun servizo gratuíto de asesoramento para a creación e consolidación de empresas. Proporciona, ademais, asesoría xurídica e laboral e información socioeconómica de carácter xeral, e organiza cursos de formación, congresos e xornadas sobre temas de interese para as mulleres empresarias.