"Das" (Contén)

Nome que reciben os sete fillos de Helios e da ninfa Rodo. Eran expertos astrólogos e atribuíaselles a división do ano en estacións e do tempo en días e horas.

Cadeas montañosas formadas durante o Herciniano.

Cúmulo aberto da constelación de Tauro. Contén 132 estrelas coñecidas, que se arredan do centro do cúmulo. As estrelas máis brillantes adoptan a forma de V e pertencen á clase espectral K.

Enzima da clase dos hidrolases que aumenta a permeabilidade dos tecidos pola acción lítica que exerce sobre o ácido hialurónico do tecido conxuntivo.

Home máis forte e ousado segundo a Ilíada. É curmán dos dióscoros e participou na expedición dos argonautas a carón de Xasón.

Espacio natural e artístico situado na ribeira do Lérez, en Pontevedra. O proxecto, ideado por Xosé Antón Castro e Rosa Olivares, reúne obras de doce artistas nunha área de 70.000 m2 que se mantén sen urbanizar, coa flora e fauna autóctonas, e á que se accede por medio de pontes e pasarelas. Baseándose nas propostas da land art (‘arte da terra’), as obras relaciónanse coa paisaxe, as tradicións autóctonas, a historia da escultura, a pedra e a relación das persoas coa natureza. Xunto a outros artistas internacionais, atópanse obras dos galegos Fernando Estarque Casás, Francisco Leiro e Enrique Velasco.

Organismo creado en 1989 pola Consellería de Cultura da Xunta de Galicia coa finalidade de potenciar manifestacións escénicas como o teatro, a danza e a música. Na súa estrutura organizativa conta cun Consello Rector no que están representadas as forzas políticas do Parlamento de Galicia e outras persoas de libre designación, amais dun xerente e un presidente. As súas actividades están moi diversificadas. Conta con estruturas permanentes, como o Centro Dramático Galego, o Ballet Galego Rei de Viana, o Centro de Documentación Teatral e a Escola de Altos Estudios Musicais. Organiza o Premio Álvaro Cunqueiro de textos dramáticos, patrocina a edición de varias coleccións de teatro, subvenciona a produción e distribución de espectáculos de teatro, música e danza e promove e coordina a Rede Galega de Teatros e Auditorios.

Centro estatal español, con carácter científico e técnico, creado en 1942 e dedicado a tarefas de estudio, desenvolvemento, inspección e normalización en temas aerospaciais.

Congregación relixiosa fundada en Reims (1682) por Jean-Baptiste de La Salle. Foi aprobada en 1725, suprimida en 1792 e restaurada definitivamente en 1802. Dedicada sobre todo ao ensino primario, secundario, técnico e profesional, estendeuse por numerosos países de Europa e América. Introduciuse no Estado español en 1878 e con poucos meses de diferenza fundaron casas en Madrid e Barcelona.

Mostra de teatro, organizada polos integrantes da compañía Esperpento Teatro Joven e dirixida por Xulio Lago e Dorotea Bárcena, que contaba co apoio financeiro da Caixa de Aforros Municipal de Vigo. Entre 1972 e 1977 por Vigo pasaron compañías de teatro independente, como Aquelarre, Els Joglars, Els Comediants, Esperpento de Sevilla, Teatro de la Ribera, Caterva, TEI de Madrid, PTV de València, Ditirambo ou Teatro del Mediodía. A Mostra complementábase con seminarios de formación, coloquios e conferencias. A súa desaparición estivo motivada pola oposición do movemento nacionalista galego ao uso do castelán como idioma de representación dos espectáculos.

Obra de Karl Marx subtitulada Kritik der politischen Oekonomie (Crítica da economía política) É a principal obra económica de Karl Marx (1818-1883). O primeiro volume publicouse en 1867, o segundo e o terceiro publicounos F. Engels postumamente en 1885 e en 1894. Entre 1905 e 1910 Karl   J. Kautsky publicou, a partir de manuscritos de Marx, Teorías sobre a plusvalía, que para algúns está considerada como o cuarto volume da obra. O estudo que realiza do capital, a propiedade territorial, o traballo asalariado, o estado, o comercio exterior e o mercado mundial, constitúe o corpo central da teoría económica do marxismo. Analizou a estrutura da sociedade capitalista traballando nun amplo volume de documentación histórica, nos que, usando un método analítico, estableceu as bases da crítica científica da economía política clásica, da sociedade e das superestruturas capitalistas. Estableceu os conceptos de mercadoría, valor, forza do traballo, salario e plusvalía, descubriu as...

Pequeno afluente pola dereita do río Xallas, que nace e desemboca na parroquia de Mallón (Santa Comba).

Libro da Biblia, atribuído tradicionalmente a Xeremías, en que se recompilan cinco elexías sobre a destrución de Xerusalén en 586 a C. Agás a derradeira, cada unha consta de 22 estrofas que comezan por orde alfabética coas letras hebreas.