"Obre" (Contén)

Conxunto de sociedades obreiras non afiliadas a UGT que simpatizaban coa práctica da acción directa e o apoliticismo. Uníronse nunha xuntanza celebrada promovida polo Centro de Sociedades Obreras de Vigo en 1911 co nome de Confederación Regional Solidaridad Obrera de Galicia. O seu comité tiña sede na Coruña. Despareceu despois da folga xeral promovida pola CNT en outubro dese mesmo ano e tras a que o goberno suspendeu diversos colectivos integrados nela.

Organización fundada a raíz dos encontros que desde 1901 reuniron a traballadores galegos e do norte de Portugal para solucionar o problema da contratación dos portugueses polos patróns galegos como man de obra máis barata e pouco consciente do ideario obreiro. Entre as sociedades galegas afiliadas, a maior parte delas tiñan a súa orixe no sur da provincia de Pontevedra, cun marcado predominio dos socialistas. No segundo congreso (1902) adoptáronse unha serie de acordos que revelaron a súa orientación internacionalista e prosocialista. Entre os seus líderes destacou Heraclio Botana. O proceso de decadencia iniciado despois do congreso de Braga (1903), levou á súa desaparición en 1904.

Sociedade de socorros mutuos integrada por obreiros e artesáns, constituída no seo da Asociación Tipográfica en Santiago de Compostela en 1892. Cofundada polo canteiro socialista Nicolás Pardo e polo tipógrafo republicano Santiago Fraga, entre os seus obxectivos figuraban proporcionar asistencia médica e pensións temporais aos seus socios, no caso de enfermidade ou accidente de traballo. As súas actividades perderon importancia coa xeneralización da Seguridade Social, e desapareceu oficialmente en 1973.

Sindicato obreiro, fundado en Asturias en 1960 a raíz do aumento do nivel de conciencia obreira producido pola conflitividade laboral nas minas asturianas. Malia a incorporación de sectores de militancia cristiá (Juventud Obrera Católica), foi sempre un sindicato aconfesional. Inicialmente colaborou con Comisiones Obreras. Deu moita importancia á autonomía sindical con relación aos partidos políticos, e impulsou un socialismo de autoxestión que intentou recoller unha corrente socialista diferenciada do PSOE e de UGT. En 1977 conseguiu a legalidade e celebrou en Madrid o seu primeiro congreso federal. Pese a unha escisión, dirixida polo antigo secretario xeral, José María Zufiaur, integrouse en UGT (1977).

Xornal publicado na Coruña entre 1912 e 1914. De carácter anarquista e obreirista, tivo unha saída irregular e funcionou como voceiro das sociedades obreiras coruñesas. Informou dos movementos sindicalistas en España e no estranxeiro, ademais de incluír biografías, noticias e enquisas.

Parroquia do concello da Pobra do Caramiñal baixo a advocación de santa María.

Construción situada sobre o río Morto en Xobre (A Pobra do Caramiñal). Trátase dunha ponte de cantaría do s XVI con vans oxivais e ancheada con trabes de formigón. Atópase no camiño da Pobra a Xobre.