"GR" (Contén)

1. Acción de ir para adiante.

2. 1. Proceso ascendente e positivo, mediante o que un ser, unha acción ou a humanidade en xeral pasa dun estado, forma ou grao a outro superior. Implica unha connotación claramente valorativa e cualitativa, ademais de cuantitativa.

   2. Proceso de transformación da humanidade en xeral cara a unha situación que se supón sempre mellor e que pode ser definida ou non de xeito anticipado. Foi unha idea desenvolvida por intelectuais entusiasmados cos primeiros descubrimentos científicos e que confiaban nas capacidades ilimitadas da razón humana. Comezou a crerse que a humanidade progresaría indefinidamente, e que cada un dos estadios sucesivos ía ser mellor ca o precedente. A idea de progreso está moi ligada ao desenvolvemento económico, á modernización e á civilización.

DEPARTAMENTOS

Departamento de Guatemala (1.922 km2; 143.197 h [estim 2000]). A súa capital é El Progreso (4.300 h [1981]).

SEMANARIOS

Semanario publicado en Ferrol a partir de marzo de 1899. Voceiro do PSOE nesa cidade, veu continuar o labor dos xornais socialistas El Obrero e La Voz del Obrero, desaparecidos naquel intre.

SEMANARIOS

Semanario publicado en Lugo a partir do 1 de marzo de 1867. Cesou o 5 de febreiro de 1868. Editada por Pedro Pujol, a partir do nº6 editouno Enríquez Villamarín. Dirixido por Heliodoro Cid, incluíu artigos doutrinais e crónicas locais. Tivo unha segunda época a partir do 1 de outubro de 1868, cun carácter político e cunha tendencia unionista.

DIARIOS

Diario fundado por Alejandro Lerroux en Barcelona o 29 de xuño de 1906. Anticlerical e obreirista, sufriu o boicot de Solidaridad Obrera impulsado polos anarquistas en 1908. Contribuíu á exacerbada campaña contra a Guerra de Marrocos, que favoreceu o estalido da Semana Tráxica. A partir de 1910 cambiou o seu anterior ton obreirista e en 1933 titulouse Renovación.

DIARIOS

Diario publicado en Lugo a partir do 17 de agosto de 1908. Tivo, entre outros subtítulos, “Diario Liberal”, “Diario político y de información” ou “Diario de información”. Fundado por Purificación de Cora y Mas Villafuerte e Fernando Pardo Suárez, o seu primeiro director foi Xosé Gayoso Castro; ocuparon este cargo sucesivamente os seus fundadores, diversos membros da familia Cora, como Antonio de Cora y Sabater, Purificación de Cora Sabater e José de Cora Paradela, ademais de reputados xornalistas, como Xosé Trapero Pardo, Pedro de Llano López, Fernando Salgado e Lois Caeiro. Desde o seu inicial compromiso co Partido Liberal e cunha marcada tendencia monterista, o xornal foi evolucionando cara a un compromiso coa información local, o que o converteu no periódico líder en Lugo e un dos máis importantes da provincia. Desde as primeiras edicións, Antonio de Cora creou o personaxe xornalístico de Pelúdez, un dos símbolos do xornal, que aparece polas festas do San Froilán. Tras varios cambios...

1. Obra literaria atribuída por erro de tradición ou por falsificación a quen non é o autor verdadeiro.

2. Libro non canónico do Antigo Testamento, de acordo coa nomenclatura protestante, e que corresponde, para os católicos, ao apócrifo.

1. Aplícase a unha obra ou escritura atribuída falsamente a quen non é o autor.

2. Persoa que falsifica unha escritura.

PERSOEIRO

Matemático estadounidense. Formouse na Harvard University, e creou a denominada teoría alxébrica K, que, por medio de cálculos xeométricos e topolóxicos, axudou a resolver importantes problemas alxebraicos. Recibiu a Medalla Fields (1978).

1. Unidade de masa no S I, do que é unha das sete unidades básicas. É a masa do prototipo internacional do quilogramo, construído en platino iridiado, e que é conservado na Bureau International des Poids et Mesures de Sèvres (Francia).

2. quilopond.