"Alle" (Contén)

SEMANARIOS

Semanario aparecido en Pontevedra a partir do 7 de xullo de 1861. Cesou a súa edición en febreiro de 1862. Subtitulouse “Periódico de intereses morales, intelectuales, materiales y satírico”. Dirixido por Manuel A. Couto, imprimiuse nos obradoiros tipográficos de Pazos e Antúnez. Como substituto de El Ferro-Carril, incluíu informacións semellantes.

PUBLICACIÓNS

Publicación de tendencia carlista aparecida en Santiago de Compostela en 1887.

PERSOEIRO

Político e economista. Accedeu ás Cortes en 1854 como membro do Partido Progresista. No Sexenio Revolucionario, foi nomeado ministro de Facenda (1868-1870), desde onde levou a cabo reformas modernizadoras. Polo Decreto Figuerola (19.10.1868), quedou configurado o primeiro sistema monetario español, baseado nunha unidade fiduciaria denominada peseta. Con respecto ao comercio exterior, suprimiu o dereito diferencial de bandeira, co que igualaba a fiscalidade que afectaba aos barcos nos portos españois, e tivo gran repercusión a súa reforma arancelaria de 1869, de tendencia librecambista. Finalmente, cómpre destacar o seu labor no campo da educación, ao fundar en 1846 a Escola Normal de Barcelona, e publicar diversas obras que contribuíron á normalización e unificación do ensino en España, entre as que destaca Elementos de gramática castellana. Foi presidente da Real Academia de Ciencias Morales y Políticas desde 1898.

GALICIA

Profesor titular de Historia da Arte. É profesor de Historia da Cinematografía na Facultade de Xeografía e Historia da Universidade de Santiago de Compostela (USC) dende 1972. Nos anos 70 participou no movemento cineclubista de Compostela, impulsando a creación do Cineclube Santiago. Pertence á Asociación Española de Historiadores de Cine, da que foi un dos seus impulsores en 1988. Realizou estudios sobre a orixe do cine en Galicia que publicou na súa tese de doutoramento Aproximación a la historia del espectáculo cinematográfico en Galicia (1896-1920), (1987) ou aspectos como o recoñecemento do labor do fotógrafo coruñés Joseph Séller na implantación do cinematógrafo en España, en colaboración co profesor J. L. Castro de Paz, da Universidade de Vigo, e co investigador vasco Jon Letamendi. Tamén realizou análises de filmes que gardan algunha relación coa historia ou a cultura galegas, e dirixiu traballos de documentación televisiva no arquivo de Radiotelevisión Española en Galicia. Codirixiu...

PUBLICACIÓNS

Publicación mensual editada en Bos Aires a partir do 15 de agosto de 1909 como “Órgano de la sociedad Pro Escuela en Bandeira”. Cesou probablemente a súa edición en 1913. Dirixírona J. M. López e Antonio S. Freán. Incluíu, ademais de información societaria, novas sobre Galicia, artigos e colaboracións literarias. O 5 de febreiro de 1913 apareceu o xornal Lux que pretendía ser o seu continuador. No ano 2002, Ir Indo Edicións publicou unha edición facsimilar de ambos os dous xornais, coordinada por Xosé Manuel Ma-lheiro e acompañada dun estudo preliminar no que se analiza a situación educativa en Galicia a principios do s XX.

1. Lugar que está debaixo do forno onde se recollen a cinsa.

2. Lugar da forxa onde se acende o lume e se quenta o ferro para traballalo.

PUBLICACIÓNS

Publicación mensual editada na Coruña a partir de xullo de 1944 e subtitulada “Revista jurídica de Galicia”. Dirixida por Francisco Jiménez de Llano, incluía unha sección doutrinal, un resumo lexislativo, bibliografía e xurisprudencia comentada. Na súa segunda época, a partir de xaneiro de 1950, converteuse en bimestral e subtitulouse “Revista legislativa y jurisprudencial”. Contaba cun consello de redacción presidido por Luis Legaz Lacambra. Cesou a súa edición en decembro de 1953.

PUBLICACIÓNS

Publicación mensual editada en La Habana a partir do 5 de xullo de 1885. Cesou a súa edición o 18 de decembro de 1887. Reapareceu nunha segunda época, entre xullo e decembro de 1889, como suplemento de El Eco de Galicia. Fundada por Ramón Armada Teijeiro e Manuel Lugrís Freire, foi o primeiro periódico editado en América integramente en lingua galega. Incluíu narracións en prosa, algúns contos, poemas e fragmentos de O Catecismo do Labrego, de Lamas Carvajal. Caracterízase pola súa preocupación constante sobre a lingua galega.

PUBLICACIÓNS

Publicación humorística editada en La Habana a partir do 7 de xaneiro de 1872. Cesou a súa edición o 11 de febreiro do mesmo ano. Subtitulouse “Semanario humorístico habanero, editado por una infinidad de bolos y gandules bajo la inspiración de el Doctor Triquitraque”. O seu principal responsable foi Miguel Blanco Herrero. Incluíu artigos de costumes locais redactados de forma divertida.

CAPITAIS

Capital do distrito homónimo, Sri Lanka (84.000 h [1990]). A súa economía baséase na exportación dos produtos da rexión. Fundada polos portugueses e ocupada no s XVII polos holandeses, iniciou o seu declive trala ocupación británica da illa de Sri Lanka. Do seu patrimonio cultural destaca a torre fortaleza do reloxo (1663), a antiga casa do gobernador holandés (1684) e a igrexa de Groote.

DISTRITOS

Distrito de Sri Lanka (1.690 km2; 1.568.000 h [estim 1994]). A súa capital é Galle.

PERSOEIRO

Astrónomo alemán. Estudiou na Universität Berlin, onde se doutorou en 1845. Descubriu o planeta Neptuno en 1846 e foi director do observatorio de Breslau desde 1851. Elaborou un método para determinar a paralaxe do Sol.

RIOS

Río da Península Ibérica, afluente pola esquerda do río Ebro, en Aragón. Nace nos Pireneos, preto da fronteira con Francia, e desemboca no Ebro, en Zaragoza, despois dun percorrido de 215 km entre as serras dos Pireneos ata os Mallos de Riglos, onde penetra no Somontano. Está formado por dous brazos que se unen no Sallent de Gállego. Posúe un réxime nivopluvial e un caudal medio de 28 m3/s.

PERSOEIRO

Matemático, físico e xeógrafo. Foi profesor e director da Escola de Artes e Oficios de Santiago de Compostela. Realizou un mapa da provincia de Madrid (1901) e outro da de Ourense (1905). Publicou, entre outras obras, Guía del ciclista en España (1897), Técnica algebraica (1908), La atmósfera terrestre (1920) e Elementos de trigonometría xeral y rectilínea (1924).