"Lac" (Contén)

Glícido que na súa forma dextroxira (+) é un compoñente da lactosa, dos glicolípidos e dalgúns oligosacáridos e polisacáridos, que se atopan en pectinas, gomas e mucilaxes. De propiedades iguais ás da glicosa, diferéncianse pola configuración do seu carbono 4.

Figura feminina en actitude de dar o peito. Aplícase ás representacións da Virxe María.

galactagogo.

Proceso do desenvolvemento embrionario que conduce á formación da gástrula.

Conxunto de fenómenos de glaciarismo que acontecen, desde o Precámbrico, en diversos períodos da historia xeolóxica, chamados tamén glaciacións, durante os que o xeo polar invadía periodicamente a superficie dos continentes. Entre 1821 e 1835 Venetz e Charpentier probaron que anacos pertencentes a rochas exclusivas dos Alpes Centrais se atopaban amplamente diseminados polas chairas suízas, e deduciron que foran transportados por ampliacións anteriores dos actuais glaciares alpinos; aínda que esta teoría foi despois rebatida. Posteriomente, J.L.R. Agassiz demostrou a asociación entre os bloques transportados e o puído existente no leito rochoso, sobre o que o antigo glaciar estivera, e probou tamén que esa asociación non puido ser causada pola acción da auga. Agassiz atopou fenómenos similares aos das chairas suízas en Escocia, Irlanda e América do Norte, e demostrou que as glaciacións foron un fenómeno xeneralizado. En 1909, A. Penck e E. Brückner determinaron que as rexións alpinas europeas...

Masa de xeo formada nunha rexión de neves perpetuas e que se despraza lentamente pola forza da gravidade. O glaciar alpino consta de dúas partes: o circo glaciario e a lingua glaciaria. No circo glaciario acumúlase a neve, que se mestura co aire atmosférico e, en virtude da forte presión e do constante arrefriamento ao que está sometida, transfórmase nunha masa granulosa, compacta e chea de burbullas de aire. O circo glaciario está rodeado de montañas, e queda separado destas por unha gran fenda, denominada rimaia. O circo comunica co val glacial, por onde se despraza a lingua glaciaria, formada xa por xeo. O val ten unha forma característica que, en sección transversal, é similar a un U. A lingua transporta pedras, area e lama, que se depositan no fondo e forman a morena de fondo, ou nos costados e forman as morenas laterais; tamén hai unha morena central, ou varias, se se unen diferentes linguas glaciarias. No extremo da lingua fórmase a morena frontal ou terminal....

Relativo ou pertencente aos glaciares.

Conxunto de movementos do nivel mariño provocados pola fusión ou a solidificación da auga mariña, que predominaron durante o Plistoceno. O eustatismo glacial pódese confundir con determinados movementos tectónicos ou epiroxenéticos motivados por un reaxuste isostático; estes movementos son, normalmente, locais ou limítanse a certas rexións, mentres que os movementos eustáticos pódense estender ao longo de centos de quilómetros, con independencia de unidades tectónicas ou estratigráficas. A elevación do nivel mariño como consecuencia da fusión de todo o xeo existente estimouse en 40-60 m, polo que as liñas de costa situadas a máis altura hai que atribuílas a deformacións tectónicas.

fluvioglaciar.

Ciencia que estudia a formación e o comportamento do xeo e as diversas formas en que este se presenta na natureza (inlandsis, glaciares, icebergs, etc). O xeo está formado por numerosos cristais con estruturas moi complexas; a causa da presión, que é moi elevada en determinadas concentracións de xeo, experimenta un tipo determinado de metamorfismo que o fai altamente consistente, e o seu comportamento non se afasta moito do observado nalgúns tipos de rochas. Pódense ver distintas capas, correspondentes a diversos períodos climáticos.

Disposición das glándulas secretoras.