"RAF" (Contén)

Compilador de opinións ou de sentencias doutros autores. OBS: A grafia <x> representa o son [ks].

Cerimonia que celebra a NBA (National Basket Association) para que os seus clubs elixan os xogadores menores de 22 anos que acceden por vez primeira á súa competición. Logo dunha ponderación das virtudes de cada xogador, establécese unha clasificación individual; para tentar garantir a competitividade na liga, os clubs van escollendo en función inversa ao posto acadado ao remate da tempada anterior.

Sistema de impresión semellante ao offset, do que se diferenza pola utilización dunha prancha especial que non hai que mollar con auga para manter sen tinta as zonas non impresas.

Técnica de observación da posición, a constitución e as funcións das cavidades cardíacas e das válvulas, por medio da ecografía. Emprégase principalmente para a diagnose de valvulopatías, tromboses intracardíacas, defectos do tabique, estado funcional do miocardio e patoloxía pericárdica.

Método que se empregaba para o estudo das estruturas intracraniais por medio do radar. Este termo introduciuno Leskell en 1956.

Relativo ou pertencente á ecografía.

Aplícase ao especialista que se dedica a facer ecografías.

Aparato que se utiliza para a realización dunha ecografía.

Integración de conceptos xeográficos e ecolóxicos para o estudo das paisaxes ou de rexións naturais dende o punto de vista da súa orixinalidade, cando as características edáficas, climáticas, hidrolóxicas, zoolóxicas e botánicas son únicas sobre a superficie terrestre.

Procedemento de reprodución de documentos no que o orixinal, mecanografado cunha tinta especial ou en papel carbón, se comprime sobre unha capa de xelatina que pode servir de forma para certo número de copias.

Estudio das correntes de acción do músculo cardíaco e o método de obtención do rexistro gráfico. A electroxénese cardíaca vai ligada ás modificacións físicoquímicas que ocorren no tecido miocardíaco pola propagación da onda de excitación, que vai seguida dun proceso inverso que restablece as condicións de repouso. A electrocardiografía permite facer un exame da función do corazón, proporciona información sobre a posible existencia de patoloxías cardíacas, e é útil no diagnóstico e control das arritmias, do infarto de miocardio ou da anxina de peito.

Aparello que se emprega para obter electrocardiogramas. Constitúese, basicamente, por un galvanómetro.

Técnica analítica de separación baseada na electroforese que se efectúa nun medio estabilizador. Os medios sólidos que se empregan son o papel, os pos de celulosa, os xeles de amidón ou as resinas de intercambio iónico, entre outros. Segundo as características físicas do sólido, as separacións fanse sobre tiras de papel, en columnas ou en capas delgadas que se sosteñen con vidro ou plástico. É unha técnica moi empregada en análise clínica e en bioquímica. A aplicación máis importante é a separación de proteínas e outras moléculas contidas nos diversos fluídos corporais. Tamén se emprega para separar antibióticos, ácidos nucleicos, vitaminas, pigmentos naturais, esteroides, aminoácidos, ácidos orgánicos e ións inorgánicos. Esta técnica desenvólvese con capilares, co que a resolución aumenta de xeito significativo.

Obtención e interpretación dos electroencefalogramas, que permite o estudo dos fenómenos eléctricos recollidos no electroencefalógrafo e que teñen lugar no encéfalo en condicións normais e patolóxicas. Foi introducida en 1924 por H. Berger, quen rexistrou por primeira vez o potencial de acción dun conxunto de neuronas cerebrais. Os electrodos colócanse normalmente en contacto coa pel da cabeza interpoñendo un xel condutor e, en condicións especiais, directamente sobre a codia cerebral (electrocorticograma) ou na profundidade do cerebro (estereoelectroencefalograma). Tendo en conta a colocación dos electrodos, distínguense dúas clases de derivacións: as monopolares e as bipolares, segundo haxa un ou dous electrodos activos, respectivamente.

Relativo ou pertencente á electroencefalografía.

Aparato que se emprega para a obtención do electroencefalograma. Consta dunha caixa de entradas á que se conectan os electrodos, un dispositivo conmutador para seleccionar as diferentes derivacións, un sistema de amplificación diferente para cada canle e un sistema de rexistro sobre banda de papel.

Procedemento de obtención de imaxes por alteración da carga dunha placa fotosensible que se expón á luz. É a base da fotocopiadora, e o procedemento da xerografía máis utilizado.