"GR" (Contén)

MONTES

Monte situado no SL da parroquia de Andreade (Paradela). O seu cumio acada os 500 m de altitude.

PERSOEIRO

Escritor ruso. A súa obra pon de manifesto a influencia de V. G. Belinskij, dos socialistas utópicos franceses e de M. V. Petraševskij. Dos seus escritos destacan Gubernskie očerki (Artigos de provincias, 1856) e Gospoda Golovl’ovy (Os señores Golovliovi, 1875).

PERSOEIRO

Lexicólogo, dialectólogo e romanista. Catedrático emérito de Lingua Castelá da Universidad Complutense de Madrid, presidiu a Sociedad Española de Lingüística. Especializouse en dialectoloxía, aínda que tamén traballou sobre semántica estrutural, lexicografía e crítica literaria. Publicou Comentarios estruturales a “Cien años de soledad” (1969), Semántica y lexicología del español (1985), Lengua española y lenguas de España (1987), alegación contra as linguas minoritarias no Estado español, Estudios dialectológicos (1987), Política lingüística y sentido común (1992), Historia de las letras (1996) e El destrozo educativo (2004). Membro da Real Academia Española desde 1986, en decembro de 1999 foi elixido vicedirector.

IGREXAS

Igrexa parroquial situada en Guitiriz. Construíuda no s XII en estilo románico, modificouse nos ss XVIII e XIX. Da primitiva construción consérvase un muro cun ventanal e canzorros. Ten unha nave rectangular e capela maior de planta cadrada, á que se accede por un arco triunfal de medio punto. A cuberta é de lousa a dúas augas na nave e a catro na capela.

IGREXAS

Igrexa parroquial situada en Sarria. Construída no s XIII en estilo románico, só conserva desta época a ábsida, precedida dun tramo recto e con planta semicircular no interior e pentagonal ao exterior. O arco triunfal é lixeiramente apuntado. No exterior destaca o campanario con baixorrelevos que forman rosetóns.

IGREXAS

Igrexa parroquial situada en Santiago de Compostela. Obra de Lucas Ferro Caaveiro (1754-1756), en orixe foi a capela das Angustias, erixida coas esmolas dos devotos. Ten planta central, dominada por unha cúpula de media laranxa, decorada con efectos de claroscuro. A fachada foi deseñada para ser vista desde o alto dado o desnivel que existe con respecto á praza do Obradoiro, polo que a decoración se concentra na parte superior. Sobre a porta ábrese unha fornela coa figura da Piedade e na parte superior o escudo de España. O campanario central atópase encadrado por catro esculturas que aluden ás virtudes: a prudencia, a xustiza, a fortaleza e a temperanza.

MONTES

Monte situado no S da parroquia de Filgueira de Barranca (Cesuras). O seu cumio acada os 500 m de altitude.

PARROQUIA

Parroquia baixo a advocación de san Martiño dividida entre os concellos de Lobeira, onde ten a súa cabeceira, e Lobios.

GALICIA

Parroquia do concello de Lobios. baixo a advocación de San martiño.

IGREXAS

Igrexa parroquial situada en Palas de Rei. De estilo románico, construíuse no s XII. Ten unha soa nave e capela rectangular. Destaca o arco triunfal con triplo arco abucinado, pero só o intermedio descansa sobre columnas, que teñen bases áticas e capiteis historiados. No capitel esquerdo atópanse tres figuras barbadas, con túnicas e aureolas arredor da cabeza; a do medio sostén un libro aberto diante do seu peito, agarrándoo coas dúas mans; e no dereito aparecen catro figuras humanas de características semellantes, pero unha está sentada e coas mans apoiadas sobre os xeonllos. Os cimacios están decorados con elementos fitomorfos moi estilizados. A porta principal ten dobre arquivolta de medio punto moldurada por medio de boceis e medias canas e rodeadas por unha chambrana de tacos. Están sostidas por catro columnas acobadadas que presentan capiteis de decoración vexetal.

PARROQUIA

Parroquia do concello do Vicedo baixo a advocación de san Miguel.

IGREXAS

Igrexa parroquial situada en Baralla. Construída sobre un castro aproveitando unha fortaleza medieval, conserva a ábsida románica, a bóveda de canón e capiteis historiados. Foi declarada BIC en 1996.

IGREXAS

Igrexa parroquial situada en Paderne. De orixe románica, construíuse a finais do s XII. Ten unha soa nave, pero non conserva a primitiva ábsida rectangular. Conserva a portada románica de dobre arquivolta de medio punto, apoiada en columnas acobadadas, e tímpano sen decoración,   apoiado en mochetas antropomorfas. Sobre ela sitúase un rosetón. Culmina nunha espadana de dous vans, construída posteriormente.

IGREXAS

Igrexa parroquial situada en Padrenda. A súa orixe atópase na ermida dun hospital da Baixa Idade Media. Ten planta de nave única, capela maior e sancristía cubertas con distintos tipos de bóveda en diferentes etapas construtivas: a capela maior ten bóveda de aresta (1674) e a nave ten bóveda de canón (1690), e nun tramo bóveda de oxivas (s XVIII). A fachada e a torre lateral construíronse a finais do s XVIII e a sancristía, cuberta con bóveda de aresta, en 1886.