"To" (Contén)

Periódico informativo mensual que publicou o Centro Gallego de Toronto dende xaneiro de 1975. O director, Manuel Janeiro, tiña como colaboradores a Xavier Fernández, Estrella Janeiro e Roberto X. Fernández. Aínda que nun principio só recollía información relativa á institución, co tempo foi incorporando novos temas. Así, inseriu nas súas páxinas novas de Galicia, España ou América Latina artigos de economía, cultura, política, sociedade e deporte; seccións de ocio e anécdotas; e fotos de Galicia.

Organismo creado na década dos oitenta por Fernández Cid dentro da Universidade de Santiago de Compostela, coa finalidade de formar profesionais de cine e televisión.

Tipo de ovo no que o vitelo, ou protoplasma nutritivo, forma o núcleo central, envolto de plasma xerminativo. Típico de artrópodos, presenta segmentación parcial e superficial.

Consello dos centunviros.

Excipiente para pomada constituído por unha substancia cérea e un aceite vexetal.

Forma prefixada que se emprega na composición de palabras co significado de ‘corno’ ou ‘córneo’.

Xénero de herbáceas gabeadoras anuais, da familia das papaveráceas, de talos de ata 1 m de lonxitude, látex acuoso e follas bipinnatisectas rematadas en gabián. As flores, dispostas en acios, son brancas, tubulares e bilabiadas, con dous sépalos diminutos, dous pétalos externos con espora, dous pétalos internos estreitos e dous estames trilobulados. Os froitos son cápsulas oblongas de ata catro sementes. En Galicia é común a especie C. claviculata en valados e bosques húmidos.

Xénero de árbores perennifolias, monoicas ou poligamodioicas, da familia das cesalpináceas. Caracterízanse por presentar follas paripinnadas, de ata 20 cm de lonxitude, con grandes folíolos coriáceos ovados, de ata 7 cm de longo. As súas flores son sinxelas e dispóñense en acios que polinizan moscas e bolboretas nocturnas e dan lugar a froitos alongados de ata 20 cm, que constitúen legumes grosos de cor escura. A especie C. siliqua, que pode acadar os 12 m de altura, é orixinaria de Siria pero está localizada en gran parte do S de Europa, Asia e África. Cultívase dende a Antigüidade polo interese dos seus froitos na alimentación do gando, especialmente dos cabalos. As sementes, chamadas ervellas de Ceratonia, duras e ricas en azucres, serven para a elaboración de licores. Empregáronse como pesos por xoieiros e farmacéuticos e constituían os quilates ou unidade de peso. Na Península Ibérica está presente nas partes máis cálidas da rexión mediterránea.

Xénero de plantas acuáticas perennes da familia das ceratofiláceas, co talo de ata 150 cm, sen raíces e con follas filiformes, divididas dicotomicamente e dispostas en verticilos. As flores son unisexuais e poden aparecer cos dous sexos no mesmo pé; presentan ata 12 pezas sepaloides: de cor verde nas flores femininas e branca nas masculinas, que presentan ata 20 estames. A polinización ten lugar dentro da auga e dá lugar a un froito en aquenio. A reprodución vexetativa por xemas ou propágulos é frecuente. Viven somerxidas en cursos de auga lentos. En Galicia está presente a especie C. demersum.

Xénero de pulgas propio das aves. As larvas desenvólvense entre o material do niño, alimentándose de restos de plumas e excrementos, mentres que os adultos pican as aves. Pasan o inverno no interior dos niños agardando o retorno das aves ao ano seguinte. Se a densidade destes parasitos é moi alta poden afectar á niñada.

Xénero de peixes da familia dos mitófidos ao que pertencen as lanternas madeirenses.

Construción nobre situada en Santa María de Cullergondo (Abegondo). A súa construción (s XVI) relaciónase con García Sanjurjo Montenegro e María Yáñez de Ramil. Declarouse Ben de Interese Cultural en 1994.