"AND" (Contén)

1. 1. Persoa que leva a culpa de todo o que os demais fan mal.

   2. Persoa de carácter feble que sofre o abuso dos demais.

2. 1. Persoa que no xogo da panda se anica para que os demais salten por riba dela.

   2. Persoa que no xogo das escondidas apanda e ten que atopar aos que se agocharon.

3. Buxaina que recibe os golpes das dos xogadores contrarios.

1. Caída repentina de fociños en que se bate con todo o corpo contra o chan.

2. Conxunto de pedras que se derruban dun muro.

PERSOEIRO

Compositor e director de orquestra. Formado en París e Londres, dirixiu as orquestras filharmónicas de Cracovia (1945) e Varsovia (1946). Despois de establecerse en Inglaterra (1954) e naturalizarse inglés, comezou a traballar na Birmingham Symphony Orchestra (1957-1959). Escribiu oito sinfonías, un concerto para piano (1962), a cantata Pregaria Universal (1968-1969) e música de cámara.

PERSOEIRO

Xeneral e político. Participou nas Guerras Balcánicas e durante a Segunda Guerra Mundial fomentou a resistencia contra o Eixe. Prendido e deportado a Alemaña, ao ser liberado, o goberno grego outorgoulle o rango de mariscal (1947). En 1949, con poderes especiais, rematou a guerra civil. Tres anos despois presidiu o goberno e impuxo en Grecia unha política filooccidental.

PERSOEIRO

Político e economista grego, fillo de Papandreu. Ocupou dous ministerios sucesivos no goberno de seu pai (1964-1965). Prendido pola Ditadura dos Coroneis, en 1967 exiliouse. En 1974 volveu a Grecia, onde fundou e encabezou o Panellino Socialistiko Kinima (Movemento Socialista Panhelénico, PASOK). Foi primeiro ministro de Grecia (1981-1989 e 1993-1996).

PERSOEIRO

Político grego, pai de Andreas Georgios Papandreu. Fundador do partido socialdemócrata, tivo que exiliarse durante a ditadura de I. Metaxas. Loitou contras os alemáns (1941-1944) e, en Exipto, foi o xefe do goberno grego no exilio. Como representante da Unión do Centro, foi primeiro ministro grego (1963), pero entrou en rivalidade con Constantino II, que o destituíu (1965).

PERSOEIRO

Matemático grego. É autor dunha Colección matemática en oito volumes. Enunciou, ademais, algúns teoremas xeométricos propios.

GALICIA

Actor e director teatral. En 1989 fundou o Teatro do Morcego coa intención de promocionar e profesionalizar o teatro en galego. Ademais, traduciu textos teatrais e foi coautor do Dicionario da Lingua Galega (3 vol, 1986). Coa súa compañía produciu Misterio cómico (1991), O lazariño de Tormes (1998), Os vellos non deben de namorarse (2001) e A gran ilusión (2002), e co CDG obras como A comedia do gurgullo (2004). Participou nos filmes Huidos (1992), A lingua das bolboretas (1999), O lapis do carpinteiro (2003) e O ano da carracha (2004) e en varias series de televisión. Recibiu o Premio Compostela ao mellor actor por Misterio Cómico (1992) e o Premio María Casares á mellor versión por o Lazariño de Tormes.

IGREXAS

Igrexa situada en Sarria. De estilo románico, data do s XII aínda que sufriu varias reformas e un incendio en 1934. Ten planta rectangular cunha soa nave e unha sancristía engadida en época posterior. No interior conserva un arco triunfal cunha arquivolta. Na fachada destaca a porta principal con arco de medio punto decorado con arquivoltas.

PERSOEIRO

Escritor polaco. Nas súas novelas e ensaios exaltou o humanismo e os valores da civilización occidental. Destacan as súas novelas Dysk olimpijski (O disco olímpico, 1932) e Niebo w plomieniach (O ceo en chamas, 1935), así como os ensaios Godzina śvódziemnomorska (Horas mediterráneas, 1949), Zegar slonenczwy (As horas do sol, 1953) e Petrarka (1954).

GALICIA

Relixioso e escritor liberal. Estudou filosofía e teoloxía en Salamanca e Roma. No seu regreso a España instalouse en Madrid, onde realizou diversos estudos literarios e científicos, ata que conseguiu a secularización en 1792. Precursor do xornalismo na Coruña, o seu primeiro proxecto de obradoiro e semanario, El Curioso Herculino, fracasou en 1797. Os seus escritos, baixo o pseudónimo de León de Parma ou Pardo de Xas, tiveron moita aceptación na prensa madrileña. Publicou diversos poemas, relatos e folletos de contido político e de carácter anónimo, dos que destacan Os rogos d’un gallego establecido en Londres dedicado aos seus paysanos para abrirlles os ollos sobre certas inorancias, e o demais que verá o curioso lector (1813), un romance ideolóxico e propagandístico en que ataca a Igrexa e o absolutismo monárquico. Foi director de Diario de La Coruña (1808), o primeiro xornal coruñés; do Semanario Político, Histórico y Literario de La...

PERSOEIRO

Fotógrafo, escritor e realizador cinematográfico. Traballou para a Farm Security Administration (1942-1943). En Life (1949-1970) realizou reportaxes sobre a situación da poboación negra e traballou en publicidade para Vogue, cun estilo directo e realista que o converteu nun recoñecido fotoxornalista. Cofundador do Essence Magazine, explorou diversos campos artísticos, como a música ou o cine, e realizou filmes como The Learning Tree (1969), baseado no libro autobiográfico homónimo, e Shaft (1971). Publicou os libros Flash Photography (1947) e Voices in the Mirror (1990).