"SS" (Contén)

Organismo do Estado francés creado en 1945 para canalizar a busca fundamental e aplicada da enerxía nuclear. Dispón de diversos centros de estudios nucleares (Fontenay-aux-Roses, Saclay, Grenoble e Cadarache) e xerou algunhas sociedades filiais, de estatuto privado, para as actividades economicamente rendibles.

Forma musical característica do período barroco na que un grupo de instrumentos (concertino) rivaliza coa masa orquestral (concerto grosso, ripieno ou tutti). A Sonate di viole, de Alessandro Stradella (1644-1682), parece ser o primeiro concerto grosso coñecido. Entre os compositores que traballaron este tipo de concerto destacan, entre outros, Corelli, Torelli, Gemianini, Castruci, Sammartini ou Haendel. No s XX experimentou unha recuperación da man de compositores como Ernest Bloch (1880-1959) ou Paul Hindemith (1895-1963).

Figura dialéctica que consiste en recoñecer que a parte contraria ten razón nun aspecto do asunto sobre o que se discute e que a opinión propia está equivocada. Non obstante , esta aparente conformidade refútase a continuación, co que se rexeita máis rotundamente o exposto pola parte contraria.

Federación sindical estadounidense que xurdiu en 1935 como unha escisión da American Federation of Labor (AFL). En 1955 fusionouse de novo coa AFL e deu lugar á American Federation of Labor and Congress of Industrial Organizations (AFL-CIO).

Organización estadounidense de dereitos civís fundada en Chicago en 1942 por James Farmer. Xurdiu para promover as boas relacións entre os diversos tipos humanos e evitar a discriminación racial nos EE UU. Realizaron diversas accións non violentas, entre as que destacan o envío en 1961 dos freedom riders (‘xinetes da liberdade’) aos estados do sur para investigar a existencia de leis discriminatorias e a promoción da marcha sobre Washington en 1963.

Instrumento aerófono de lingüeta sinxela, modalidade de contralto do clarinete, afinado en fa. Está constituído por un cano que forma un ángulo obtuso na parte central e remata nunha campá. Inventouno o bávaro Mayrhofer (1770).

Manuel Bartolomé Cossío.

Francisco Gutiérrez Cossío.

Colectivo artístico formado en 1969 en Londres por Neal Andrew Megson, máis coñecido como Genesis P-Orridge, logo de traballar con algúns dos integrantes do grupo alemán Fluxus. Especializado na organización de accións destinadas a provocar a irritación da realeza, da aristocracia e das clases medias inglesas, na mesma época na que a banda dos Sex Pistols gozaba de maior popularidade, habería que destacar a súa instalación Prostitution, presentada entre o 16 e o 26 de outubro de 1976 en Londres, que supuxo un considerable escándalo. Nesas mesmas datas Genesis P-Orridge, xunto con dous integrantes do colectivo, Cosey Fanny Tutti e Peter Christopherson crearon Throbbing Gristle, unha banda de música industrial que tivo unha grande influencia na denominada música postindustrial e nas creacións musicais do grupo catalán La Fura dels Baus.

Xénero de anfibios da subclase dos laberintodontos, de ata 2 m de lonxitude, de corpo alongado e pisciforme, con ollos grandes e extremidades diminutas. Os seus fósiles localízanse en Escocia, en xacementos que no Carbonífero eran lagoas lamacentas.

Xénero de herbas da familia das crasuláceas. Presenta follas simples, enteiras e opostas, flores hermafroditas, trímeras ou tetrámeras, e froitos en polifolículo. Dun total de 250 especies, en Europa pódese localizar C. tillaea, que aparece formando tapices avermellados sobre substratos rochosos.

Fenda na rocha, estreita e fonda, causada por un glaciar.