"To" (Contén)

Psicofármaco ansiolítico, derivado benzodiazepínico. Emprégase no tratamento da neurose con tensión e ansiedade, na abstinencia alcólica e como anticonvulsivo.

Composto formado pola adición de ácido clorhídrico sobre unha base orgánica nitroxenada. Os clorhidratos son, polo xeral, sólidos cristalinos.

Silicato alumínico de ferro, magnesio e manganeso, de fórmula (Fe,Mg,Mn)2(AlFe+3)Al3O2 SiO4(OH)4. Cristaliza no sistema monoclínico. É moi semellante ao grupo das cloratitas tanto pola súa cor e composición coma pola súa estrutura en follas. Encóntrase case sempre en forma de masas compactas, follas ou escamas. De cor verde ou verde escura, a súa dureza é 5,56 e a súa densidade é 3,52-3,56.

Orgánulo propio da célula vexetal, onde ten lugar a fotosíntese. Ordinariamente é de cor verde, pola clorofila que contén, aínda que pode estar enmascarado por outros pigmentos (carotenos, ficobilinas). Ten formas variables nas algas, pero nos briófitos e nas plantas superiores é biconvexo, cunhas dimensións de 3-10 μm de diámetro e 1-2 μm de grosor. A miúdo, os cloroplastos circulan polo citoplasma e incluso poden orientar as súas superficies de acordo coa luz. No seu interior adoita presentar unhas estruturas moi refrinxentes, como os pirenoides (que conteñen amidón) e gránulos de amidón independentes. O cloroplasto está limitado por unha dobre membrana, constituída por dúas membranas unitarias. A membrana interna continúa no interior do cloroplasto nun sistema membranoso de lamelas ou tilacoides, onde se concentra toda a clorofila. As lamelas fusiónanse terminalmente por parellas formando uns sáculos, que se amontoan e constitúen os granas....

Calquera sal do ácido cloroplatínico ou hexacloroplatinato(IV) de hidróxeno. Contén o radical divalente [PtCl6]2-.

Club de baloncesto feminino fundado en Vigo no verán de 1997 por José Manuel Gómez Carballo. Accedeu directamente á Liga de División de Honra e antes de principiar a tempada 1997-1998 fusionouse co Club Baloncesto Vigo, que viñera participando na máxima categoría nos anos anteriores, e renunciou dese xeito á súa praza. Na tempada 1998-1999 acordou co Real Club Celta de Vigo levar o seu nome, pero mantendo a personalidade do club. Con esta denominación proclamouse campión da Liga nas edicións de 1998-1999 e 1999-2000 e da Copa da Raíña na 2000-2001. Participou na Liga Europea da campaña 1999-2000.

Club de baloncesto masculino fundado en Lugo en 1966 polos irmáns Varela Portas e Pardo. Naceu coa vocación de constituírse no equipo que liderase o baloncesto da cidade lucense, e na tempada 1969-1970 acadou o seu primeiro ascenso á máxima competición española, a Primeira División. Nesa categoría militou nas catro temporadas seguintes, ata a 1973-1974, que rematou co descenso. Un ano despois volveu á Primeira División, na que permaneceu dúas temporadas máis, a 1975-1976 e a 1976-1977, na que perdeu a categoría. Á conclusión da tempada 1983-1984 obtivo un terceiro ascenso á, denominada entón, División de Honor. Nesta ocasión mantívose na elite tres tempadas consecutivas (1984-1985, 1985-1986 e 1986-1987). Foi nesta última etapa cando conseguiu clasificarse por primeira vez para disputar un torneo internacional, a Copa Korac da temporada 1985-1986, da que foi eliminado na liguiña de cuartos de final. Nesta época, Manel Sánchez converteuse no primeiro xogador breoganista que formou parte...

Organización Atlética Recreativa.

ou Club 49 Agrupación fundada en Barcelona (1949) que tomou o seu nome da revista de arte Cobalto (1947-1948). Creouse coa finalidade de dar a coñecer as novas manifestacións artísticas. Entre outros actos, organizou a exposición retrospectiva de Miró, nas Galerías Laietanes de Barcelona, a primeira exposición conxunta de Ponç, Tàpies e Cuixart, sesións de jazz e conferencias. Posteriormente, decantouse polas artes visuais e a música, campo no que creou o grupo Música Oberta. Publicou a revista Cobalto 49.

Club de baloncesto masculino fundado en Ourense en 1979 co nome de Club Bosco-Salesianos. Principiou a súa traxectoria deportiva militando na Terceira División. Ao remate da tempada 1983-1984 conseguiu o ascenso á Segunda División. Dúas campañas máis tarde proclamouse subcampión de Segunda División, feito que lle permitiu acceder á Primeira División “B”. Permaneceu nesta categoría ata a conclusión da tempada 1988-1989, na que conseguiu o título de campión e o dereito a participar na Liga ACB. A súa primeira etapa na elite prolongouse durante nove campañas consecutivas, ata a do 1997-1998, na que descendeu. Logo de dúas tempadas na Liga LEB, ascendeu de novo á ACB (1999-2000). A tempada 2000-2001 foi a súa décima participación na máxima categoría.

Asociación teatral creada en Madrid arredor de 1933 por Pura Ucelay e María Martínez Sierra, integrantes da Asociación Feminina de Cultura Cívica. O club naceu co obxectivo de promover a posta en escena de La zapatera prodigiosa de Federico García Lorca, pero ao pouco tempo o colectivo decidiu iniciar unha andaina en solitario e desenvolver un interesante programa orientado á renovación da escena madrileña, con Lorca como director de escena. Entre os espectáculos máis celebrados figura Peribáñez, a partir da obra de Lope de Vega, Peribáñez y el Comendador de Ocaña, e tamén hai que destacar os traballos preparatorios do espectáculo Así que pasen cinco años, sobre un texto do propio García Lorca, proposta que non se estreou.

Plancto propio das augas pouco iluminadas, que se atopa a unha profundidade que oscila entre os 30 e os 500 metros.

Nome que reciben os cnidocitos durante o seu desenvolvemento.

Estrutura existente nalgunhas dinofíceas, en forma de cavidade, cun líquido tóxico a presión e un filamento enrolado en espiral, moi semellante ao nematocisto.

Célula urticante característica dos cnidarios, que ten unha función ofensiva e defensiva. Distínguese, ademais do núcleo e do citoplasma, o nematocisto, composto dunha cápsula que contén un líquido urticante e un filamento enrolado no seu interior. O contacto cun corpo estraño fai que se desenrole o filamento e que, por un buraco que hai no extremo, lle inxecte o líquido urticante á presa ou ao atacante.