"AND" (Contén)

Enfrontamento que se produciu na ría de Vigo o 23 de outubro de 1702, durante a Guerra de Sucesión Española, entre a escuadra española que transportaba a prata desde América co apoio dunha escuadra francesa dirixida por Château-Renault, e unha frota anglo-holandesa ao mando de G. Rooke. A presión anglo-holandesa impedira a descarga en Cádiz e o xeneral español Manuel de Velasco Tejada buscou refuxio na ría de Vigo. As embarcacións franco-españolas refuxiáronse na enseada de San Simón desde o 22 de setembro. Construíuse unha barreira no estreito de Rande e instaláronse 38 canóns no forte de Corbeira (Domaio, Moaña) e 17 na batería de Rande e comezou o desembarco do ouro que traía a frota. Parte das defensas desmontáronse cando parecía que os anglo-holandeses ían permanecer lonxe, pero o 21 de outubro esta frota apareceu na ría mentres se tentaban reconstruír as defensas. O 23 de outubro, despois de desembarcar as forzas anglo-holandesas, que destruíron as fortificacións e aniquilaron as...

Paso marítimo entre as beiras S e N da ría de Vigo que se estende entre punta Aradoiro (Moaña) e Cabanas (Redondela).

Construción situada sobre o estreito do mesmo nome entre Vilaboa e Redondela. A súa construción iniciouse en 1973 e rematou en 1977 aínda que non se inaugurou ata 1981. Supuxo a maior obra de enxeñaría de Galicia e por ela discorre un tramo da AP-9. Foi obra de Florencio del Pozo Frutos, coa colaboración de Fabricio de Miranda e Alfredo Passaro. Trátase dunha ponte atirantada cunha lonxitude no tramo central de 695 m e unha anchura de 23,46 m, suspendida sobre dous piares que acadan os 128 m de altura sobre o nivel do mar, e cunha luz de 400 m.

arrandear.

arrandeadoiro.

Tratamento estatístico utilizado para distribuír os individuos ao azar en distintos grupos de ensaio.

Construción situada en Santa Comba. Trátase dunha vivenda de planta cadrada, coa fachada principal realizada en cantaría e cun portalón de entrada con arco de medio punto con grandes doelas. No seu interior conserva restos dunha antiga escalinata. Ten unha fiestra nunha esquina e o balcón da parte posterior sitúase sobre tres canzorros de granito. Estivo vinculada ao pazo de Cícere. Foi declarada BIC en 1994.

Institución fundada en Madrid pola Real Cédula de Filipe V o 13 de xullo de 1744, para promover o estudo e cultivo da pintura, escultura e arquitectura. En 1747 someteuse ao patrocinio de san Fernando e coa celebración da súa apertura oficial en 1752 na Casa de la Panadería, erixiuse como a primeira academia oficial de España, instituída por Fernando VI como Real Academia de las Tres Nobles Artes de San Fernando. En 1773 Carlos III trasladouna a un palacio barroco, propiedade de Juan de Goyneche, que foi posteriormente reformado en estilo neoclásico por Diego de Villanueva. A súa actividade centrouse no ensino das artes e en 1845 naceu, baixo o seu amparo, a Escuela Superior de Bellas Artes. Organízase nas seccións de Pintura, Arquitectura, Música e Escultura y Artes de la Imagen. Dela depende a Calcografía Nacional, creada en 1789. Desde 1996 está composta por 54 membros numerarios, ademais dos académicos correspondentes e honorarios. Está integrada no Instituto de España e conta co Museo...

Anaco delgado e uniforme que se obtén cortando unha cousa dun lado a outro.

  (A Coruña?) Arquitecto. Formouse na Escola Superior de Arquitectura de Barcelona. Desde 1977 é profesor na Escola Técnica Superior de Arquitectura da Coruña. Os seus primeiros traballos dirixíronse ao planeamento urbano e á ordenación do territorio, como o estudo sobre o impacto sobre o territorio da Autopista de Atlántico. Realizou a rehabilitación do cuartel da rúa do Hórreo para sede do Parlamento de Galicia en Santiago de Compostela (1987, Premio Julio Galán Carvajal en 1991) e, xunto con Albert Pineda, o Hospital Marítimo de Oza na Coruña (1995-1997, Premio Julio Galán Carvajal en 1998).