"alt" (Contén)

Teoría elaborada por J. Dalton coa finalidade de poder interpretar todo un conxunto de feitos experimentais, como por exemplo as relacións ponderais sinxelas entre os compostos químicos. Unha das principais proposicións da teoría afirma que todos os elementos químicos están constituídos por partículas moi pequenas, os átomos, que permanecen indivisibles durante as reaccións químicas. Tamén postula que o átomo ten un conxunto de propiedades, entre as que se atopa a masa atómica que é característica de cada elemento. Sostén, así mesmo, que cando dous ou máis elementos se combinan, o composto resultante está formado por átomos dos elementos reaccionantes. Finalmente, di que a cantidade mínima dun composto é a molécula e que esta ten que estar constituída, como mínimo, por un átomo de cada un dos elementos que a orixinan. Esta teoría foi o fundamento de posteriores hipóteses físicas e químicas.

Aplícase á substancia que ten unha composición constante, por oposición a bertholido.

Discromatopsia na que hai unha cegueira conxénita para algunhas cores, descrita e sufrida por J. Dalton. Caracterízase pola falta de percepción dunha ou dúas cores, mentres se conservan as outras funcións oculares. As cores máis afectadas son a vermella e a verde. Polo xeral aféctalle aos dous ollos e é máis frecuente no home ca na muller, xa que se transmite por un xene recesivo ligado ao cromosoma X.

Operación de desasfaltar a fracción residual da destilación de petróleo que se leva a cabo no refinamento. O residuo da destilación ponse en contacto cun solvente a contracorrente nunha columna de entre 30 e 60 °C, e a unha presión de 3 a 4 MPa. Os produtos da cima, aceite e solvente, e do fondo, asfalto e solvente, da columna sepáranse, e o solvente volve ao proceso.

Separar as substancias asfálticas que contén a fracción residual da destilación de petróleo en bruto, para obter aceites de lubrificación libres de asfalto.

Limpar ou desatascar algo que está atascado ou entupido.

Ungüento preparado fundamentalmente con raíces de altea ou malvarisco.

Que fai contraer os músculos.

Principio activo da valeriana que ten propiedades citotóxicas nalgúns casos de neoplasmas.

Grupo musical pioneiro do rock bravú que se caracteriza por unir o idioma galego e mais o rock e a cultura popular de Galicia. Integrado por Rómulo Górriz Sanjurjo, acordeón; Juan Guni Varela, guitarra; Mangüi Martín, baixo; Marcos Viascón, batería, voz, acordeón diatónico; e Xurxo Souto, vocalista, as súas influencias musicais son moi variadas: punk, ska, heavy, hardcore, a música das bandas, a muiñeira, a pandeirada, etc. Entre as súas composicións destacan Aí vos quedades, Lume de biqueira, Estrume e Berbés, e da súa discografía Arroutada Pangalaica (1991), Parrús (Arroutada 2) (1993), Avante toda! (Arroutada 3) (1995) e Capetón (Arroutada 4) (1999).

Antiga cidade maia situada na península de Yucatán. O seu nome significa ‘onde hai escrituras sobre pedras planas’. Entre as estruturas arquitectónicas conservadas destacan o Templo de las Siete Muñecas e El Reloj, onde no solsticio de verán e no equinocio de primavera se produce un fenómeno de luz e sombra durante o amencer. En 1987 foi declarada Parque Nacional.