"An" (Contén)

ILLAS

Illa cantábrica que pecha a Ría de Lieiro, na parroquia homónima do concello de Cervo, ao O do cabo de San Cibrao.

CIDADES

Cidade da provincia de Henan, China, nos contrafortes dos Taihang Shan (420.333 h [estim 1991]). Centro mineiro (hulla), siderúrxico e agrícola. Capital da dinastía Shang, instituída por Pangeng contra o 1300 a C. As escavacións do s XX revelaron o extraordinario desenvolvemento da cultura do bronce chinesa (son reputadas as pezas de ‘bronce Shang’). Descubriuse o interesante arquivo das inscricións mantiques sobre cunchas de tartaruga (máis de 100.000 pezas), as mostras máis antigas conservadas da escritura chinesa.

CIDADES

Cidade da provincia de Kyonggi, na República de Corea do Sur (590.996 h [1995]).

PERSOEIRO

Militar explorador mexicano. Nas expedicións que dirixe na península de California (1774-1776) funda o que sería a cidade de San Francisco.

PERSOEIRO

Escritor austríaco. De orixe modesta, o éxito de De Pfarrer von Kirchfeld (O Rector de Kirchfeld, 1870) permítelle entregarse ao teatro. Destaca na súa produción a novela Der Sternsteinhof (A facenda de Sternstein, 1885) que, como o resto da súa obra, desenvolve unha temática rural de intencións didácticas.

CIDADES

Cidade da oblast’ de Kemerovo, en Rusia (107.000 h [estim 1991]). En 1928 fíxose a unión das poboacións de Anžero e de Sudžensk. Centro hulleiro desenvolvido na conca de Kuznetsk, preto de Novosibirsk, a súa importancia aumentou coa construción do ferrocarril transiberiano. Posúe industria química, do vidro e de equipamentos.

PERSOEIRO

Xurista italiano. Foi vicesecretario xeral da Sociedade das Nacións (1919); fixo parte do seu Comité Consultivo (1920) para a constitución do Tribunal Permanente de Xustiza Internacional da Haia, do cal foi membro (1922) e presidente (1929-1930).

LOCALIDADES

Localidade do Lacio, Italia (32.101 h [1991]). É un porto pesqueiro do mar Tirreno e centro de veraneo. Corresponde á antiga Antium, que foi conquistada por Roma, chegando durante a Época Imperial a ser unha famosa estación de ocio. Nas escavacións realizadas atopáronse numerosas obras de arte, entre elas a Moza de Anzio, estatua probablemente grega do s III a C, o Apolo do Belvedere e o Gladiador Borghese.

PARROQUIA

Parroquia do concello de Lalín baixo a advocación de san Xoán.

IGREXAS

Igrexa románica da parroquia de Anzó (Lalín). De nave única e ábsida de planta rectangular, destaca o tímpano da porta sur, decorado con motivos xeométricos (círculos e cruces). Algúns dos capiteis do interior mostran unha clara influencia do románico compostelán da primeira metade do s XII, aínda que a súa edificación sexa posterior.

1. Pequeno arpón ou gancho farpado, de ferro ou doutro metal, que vai atado ao sedal ou á liña, para a pesca a cordel e para a composición dos grandes aparellos da pesca con palangre, no que se pon o engado para pescar.

2. Aquilo que unha persoa discorre para enganar a outra.

LIÑAXES

Liñaxe orixinaria de Viveiro. Pode aparecer tamén coa variante   Anzó. As súas armas levan en campo de azul un anzol sobre ondas de azul e prata.