"RM" (Contén)

CAPITAIS

Capital do condado metropolitano de West Middlands, en Inglaterra, Reino Unido (1.024.118 h [1991]). É o centro da aglomeración urbana do Black Country, convertida en núcleo manufactureiro do ferro grazas ao carbón das proximidades. O esgotamento das minas marcou o decrecemento da súa importancia industrial. Na actualidade é aínda un gran centro metalúrxico, con fábricas de motores, maquinaria e automóbiles. Ademais constitúe un importante centro de ensino superior, grazas ás dúas universidades que acolle, a University of Birmingham, fundada en 1900, e a University of Aston in Birmingham, fundada como escola técnica en 1895 e convertida en universidade en 1966. Birmingham tamén é un nó ferroviario e posúe un aeroporto internacional. Nacida nunha encrucillada de camiños, a primeira mención histórica aparece no Domesday book, datado no s XI. Xogou un papel importante durante a Guerra Civil (s XVII), ao aliarse cos parlamentarios. En 1643 foi ocupada e destruída parcialmente polas...

CIDADES

Cidade do estado de Alabama, EE UU, ao pé das montañas Beaver Creek (258.543 h [1996]). Debe o seu desenvolvemento industrial (baseado no sector siderometalúrxico) á existencia de minas de ferro e de hulla no contorno. Encrucillada das liñas do ferrocarril, foi fundada en 1871 pola compañía urbanizadora Elyton Land, financiada pola compañía ferroviaria oficial, que desexaba contar neste punto cun centro loxístico. O seu aeroporto posúe categoría internacional. Tamén é un destacado centro de ensino superior, sede de tres institucións universitarias: a Samford University, fundada en 1841, o Birmingham Southern College, fundado en 1918, e a University of Alabama in Birmingham, fundada en 1966.

GALICIA

Ensaísta e crítica literaria. Profesora de Literatura Galega na Facultade de Humanidades de Lugo da Universidade de Santiago de Compostela. Formou parte do movemento feminista galego dende os seus comezos nos anos setenta e coordina, xunto con Claudio Rodríguez Fer, a publicación libertaria Unión Libre. Cadernos de vida e culturas. Publicou Conversas con Carballo Calero (1989), Carballo Calero: política e cultura (1991), e fixo, en colaboración con Rodríguez Fer, as edicións de Con pólvora e magnolias de X. L. Méndez Ferrín (1989) e de Os eidos de Uxío Novoneyra (1990). Como ensaísta ocupouse especialmente da problemática feminista e libertaria, combinando a temática galega coa universal, e como crítica tratou en particular as relacións entre xénero sexual e literatura, sendo pioneira en Galicia destes estudios. Nesta liña publicou os libros: Literatura galega da muller (1991), Escritoras galegas (1992), Libros...

GALICIA

Xornalista. Licenciada en Ciencias da Información pola Universidade Complutense de Madrid, realizou estudios de Interpretación na Real Escuela Superior de Arte Dramático (Madrid) e de Psicoloxía na Universidade da Coruña. Dende 1988 traballa no gabinete de prensa da CRTVG. Coordinou e colaborou na Revista de RTVG (1991-1994). No eido da literatura infantil publicou Tres nenos nas alturas (1993).

PERSOEIRO

Poeta. Coas súas obras El cantar de la noche (1935) e Sonetos amorosos (1936) contribuíu á formación do movemento poético garcilasista, caracterizado pola volta ás composicións clásicas. Cómpre subliñar tamén a publicación de Más allá de las ruinas (1947) e La mutua primavera (1948).

PERSOEIRO

Poeta. É autor de diversas obras como Poesías (1854) e Armonías (1884).

PERSOEIRO

Monxe indio adepto ao Budismo mahāyāna. Príncipe de Sri Lanka, cara ao ano 500 chegou a China como misioneiro budista. Venéraselle como o introdutor da escola budista de meditación (dhyāna) na China e como fundador do Budismo Chan (en xaponés Zen).

PERSOEIRO

Médico holandés. Profesor na escola de Leiden (1701) de Botánica, Química e Medicina. Foi o precursor do ensino clínico, impartindo as clases ao pé da cama do enfermo, o que levou a esta escola a ser a primeira entre as do seu tempo, e a Boerhaave a ser considerado como o mestre máis eminente; as súas leccións congregaban a numerosos alumnos, chegados de toda Europa. Non se decantou polos sistemas teóricos extremos que se impuñan, ocupándose unicamente da terapéutica e da clínica, seguindo unha liña de volta ao hipocratismo. Creou escola, e un dos seus discípulos, Van Swieten, foi o iniciador da escola clínica de Viena. Entre os seus escritos cómpre subliñar as Institutiones medicae (Institucións do médico, 1708), os Aphorismi de cognoscendis et curandis morbis (Aforismos sobre a curación e o coñecemento das enfermidades, 1709), texto moi coñecido e dunha grande influencia durante todo o s XVIII, o Index plantarum (Índice de plantas), do xardín botánico de Leiden...

PERSOEIRO

Arquitecto. É o autor do castelo de Lunéville (1703-1706), de estilo clásico. Rematou a Catedral de Nancy (1742), iniciada polo seu mestre Jules Hardouin-Mansart. Na igrexa de Saint-Jacques de Lunéville (1730-1749), aproximouse ao Barroco alemán. Construíu diversos hôtels parisienses, como o Amelot (1710-1712) ou o Torcy (1714). Foi un dos creadores da ornamentación rococó: interior do hôtel Soubise (1735-1740), hoxe sede dos arquivos nacionais. Traballou para o duque de Lorena (châuteau de Lunéville, 1702 e 1706) e para o elector de Baviera. Publicou Livre d’architecture contenant les principes généraux de cet art (Libro de arquitectura que contén os principios xerais desta arte, 1745).

PUBLICACIÓNS

Publicación aparecida na cidade de Vigo e editada pola Cámara Oficial de Comercio, Industria e Navegación de Vigo. Trataba temas relacionados coa Economía, o Dereito, o comercio exterior e a propiedade industrial, entre outros.

PUBLICACIÓNS

Publicación aparecida en Vigo a mediados do s XX, editada pola Cámara oficial de Comercio, Industria y Navegación que presidía José Nogueira Dalmas. Nel (nº 105-1972) ofrécense informacións de carácter económico, comercial e xurídico, amais de novidades arredor do funcionamento da propia Cámara. Inclúe as seccións: “El caso y sus normas”, “Actividades de la Cámara”, “Información Económi ca”, “Información Jurídica” e “Información Comercial”.

PUBLICACIÓNS

Publicación que tivo diferentes etapas históricas con importantes interrupcións e periódicidade irregular. Nos anos coarenta apareceu en formato de revista e foi dirixido entre outros por José Posada Curros e Lalo Vázquez Gil. No ano 1985 iniciou a súa etapa de maior difusión baixo as sigras de BIM con 40.000 exemplares e periódicidade mensual, en formato tabloide e dirixido por María Xosé Porteiro. Editouse nos talles de Faro de Vigo e a difusión foi gratuíta repartida en tódolos buzóns da cidade.