"Sion" (Contén)

1. Acción e efecto de prever.

2. Reserva constituída para cubrir unha necesidade predeterminada.

3. Determinación anticipada, para un prazo máis ou menos longo, do comportamento e a magnitude de certas variables económicas, a partir das que se optimizan as decisións actuais e se planifica a súa execución.

4. predición do tempo.

5. Conxunto de normas legais en favor dos traballadores. En España intégrase no sistema da Seguridade Social, a través do Instituto Nacional de la Seguridad Social, as mutualidades laborais e as mutuas patronais. Comprende as pensións de vellez, invalidez, accidente de traballo, orfandade e paro forzoso.

PUBLICACIÓNS

Publicación editada na Coruña a partir de 1927. Subtitulouse “Órgano de la Federación de Cajas de Ahorro-Montes de Piedad de Galicia”. Cunha periodicidade trimestral, funcionou como voceiro desa sociedade, informando das súas actividades e incluíu noticias, bibliografía e lexislación de carácter económico.

1. 1. Lugar onde se está preso ou detido.

   2. prisión celular

      Prisión en que cada preso está separado nunha cela ou apartamento.

2. 1. Pena de privación de liberdade por un tempo determinado. Distínguese a prisión maior, que comprende de seis anos e un día a doce anos, e a prisión menor, desde os seis meses e un día aos seis anos. Ambas as dúas son penas graves e cúmpresen segundo un sistema progresivo, cos graos máximo, medio e mínimo, segundo a gravidade do delito cometido.

   2. prisión preventiva

      Privación de liberdade do procesado, sen carácter de pena, durante a tramitación da causa. Nun estado de dereito, ningún cidadán pode ser preso senón en virtude dun mandato xudicial. Só pode decretala o xuíz de instrución, e cómpre que conste na causa a existencia dun feito que presente as características de delito, que o xuíz instrutor estime necesaria a prisión preventiva, e que na causa aparezan motivos suficientes para crer responsable criminalmente do delito a persoa contra a que se ha ditar o acto de aprisionamento.

1. 1. Que ou quen está cativo.

   2. Que está recluído nunha prisión.

   3. prisioneiro de guerra /

      Soldado capturado polo inimigo. A súa condición xurídica, expresada nas convencións da Haia (1907) e de Xenebra (1929 e 1949), incapacítano a ser suxeito de represión. A Convención de Xenebra declara a nulidade das renuncias unilaterais dos belixerantes, e ordena a repatriación inmediata dos prisioneiros unha vez rematadas as hostilidades.

2. Que está privado de liberdade física ou moral.

1. 1. Conxunto de persoas que desfilan ordenada e solemnemente con algún fin público.

   2. Cerimonia relixiosa ou litúrxica en que un grupo de eclesiásticos e fieis desfilan solemnemente polas rúas ou polo interior dunha igrexa, acompañando unha imaxe, unha reliquia ou un personaxe, mentres pregan, cantan ladaíñas ou salmos. Entre elas destacan as de Corpus e as de Semana Santa.

   3. Conxunto de persoas, animais ou cousas que avanzan ordenadamente uns detrás doutros.

2. Acción pola que, na doutrina trinitaria, o Espírito Santo procede do Pai e, en consecuencia, atributo que o distingue das outras dúas persoas. Baseado no Evanxeo de san Xoán, este atributo forma parte do símbolo niceno-constantinopolitano e foi desenvolvido polos pais capadocios. En Occidente engadiuse que o Espírito Santo procede igualmente do Fillo.

1. Acción e efecto de profesar.

2. 1. Acto xurídico-relixioso polo que un cristián abraza publicamente e de xeito estable a vida relixiosa, e se compromete a cumprir os votos propios dun instituto. Se o compromiso é para toda a vida, a profesión pode ser perpetua, e constitúe un verdadeiro pacto entre o instituto e o individuo, ou simple, cando o instituto se reserva o dereito de despedida. Esta, ademais, pode ser só temporal, e supón unha segunda proba tras a que o relixioso pode profesar os seus votos perpetuos ou volver ao estado secular. A renovación da vida relixiosa substituíuna por unha simple promesa.

   2. profesión de fe

      Declaración de adhesión dunha persoa ou dunha comunidade a unha determinada relixión. Sintetiza o esencial da doutrina relixiosa nunha fórmula aprobada. Ten un carácter público e oficial na liturxia eucarística, no bautismo ou nos concilios.

3. 1. Actividade permanente, que require un título ou unha preparación, e que serve como medio de vida, e ademais determina o ingreso nun grupo profesional concreto.

   2. Conxunto de persoas que teñen o mesmo oficio.

   3. profesión liberal

      Actividade de tipo intelectual que se exerce de maneira independente.

PUBLICACIÓNS

Publicación inicialmente mensual editada a partir de 1999. Subtitulouse “Revista galega de información educativa”. Promovida pola secretaría de Imaxe de FETE-UGT-Galicia e coordinada por Juan Pais Andrade, inclúe informacións relacionadas co mundo do ensino, especialmente referidas ao sistema educativo galego, onde trata aspectos sindicais, profesionais, institucionais e lexislativos, ademais de artigos de opinión sobre actualidade docente. Tamén recolle numerosas experiencias pedagóxicas e didácticas de diversos centros educativos galegos.

1. Relativo ou pertencente á profesión ou ao oficio.

2. Que ou quen exerce unha profesión.

3. Que ou quen exerce como profesión unha actividade que normalmente non se considera como tal.

4. Que está feito por persoal especializado. 

5. Persoa que exerce a súa profesión con gran capacidade e calidade.

1. Dar carácter de profesión a unha actividade que normalmente non o é.

2. Converter en profesional a unha persoa que realiza unha actividade como afeccionado.

3. Converterse en profesional unha actividade ou unha persoa.

1. Acción e efecto de progresar.

2. 1. Sucesión de números a 1 ,a 2 ,a 3 ,...,a n , chamados termos, en que cada un deles está relacionado co anterior segundo unha lei simple. Se cada termo é superior ao anterior, a progresión denomínase ascendente (ou crecente), e se é inferior, descendente (ou decrecente).

   2. progresión aritmética

      Progresión en que cada termo, a k , é igual ao anterior a k-1 , máis unha cantidade constante d que se denomina diferenza ou razón da progresión: a k =a k-1 +d. Un termo calquera, a n, pode ser calculado directamente mediante a fórmula a n =a 1 +(n-1)d.

   3. progresión xeométrica

      Progresión en que cada termo, a k , é igual ao anterior, a k-1 , multiplicado por unha cantidade constante r que se denomina razón da progresión: a k =a k-1 r. Un termo calquera, a n , pode ser calculado directamente mediante a fórmula a n =a 1 r (n-1) .

   4. progresión harmónica

      Progresión en que cada termo, a k, é o inverso do termo correspondente dunha progresión aritmética, b k : a k =1/b k .

3. Sucesión simétrica de sons musicais segundo unha lei ou fórmula determinada.

1. Acción de prometer unha cousa e de obrigarse a cumprila.

2. terra prometida.