prisión

1. [DER]
   1. s f

      Lugar onde se está preso ou detido.

      Sinónimos: cadea, cárcere, presidio, cadea.
   2. prisión celular

      Prisión en que cada preso está separado nunha cela ou apartamento.

2. [DER]
   1. s f

      Pena de privación de liberdade por un tempo determinado. Distínguese a prisión maior, que comprende de seis anos e un día a doce anos, e a prisión menor, desde os seis meses e un día aos seis anos. Ambas as dúas son penas graves e cúmpresen segundo un sistema progresivo, cos graos máximo, medio e mínimo, segundo a gravidade do delito cometido.

   2. prisión preventiva

      Privación de liberdade do procesado, sen carácter de pena, durante a tramitación da causa. Nun estado de dereito, ningún cidadán pode ser preso senón en virtude dun mandato xudicial. Só pode decretala o xuíz de instrución, e cómpre que conste na causa a existencia dun feito que presente as características de delito, que o xuíz instrutor estime necesaria a prisión preventiva, e que na causa aparezan motivos suficientes para crer responsable criminalmente do delito a persoa contra a que se ha ditar o acto de aprisionamento.

Refráns

• Cárceres e camiños fan moitos amigos.
• O cárcere e a Coresma para os pobres se fixeron.
• Ó carcere nin por lurne.
• O cárcere non come os homes.
• Preso, oín por un pelo.