"Aw" (Contén)

(? - 593) Rei dos saxóns occidentais ou de Wessex (560-592), fillo e sucesor de Cynric. Venceu os bretóns (556 e 571-577), aos que expulsou de Cornualla e Devon. No 591 o Rei Ceol conquistou as súas terras e derrotouno en Woddesbeorg. No 592 exiliouse e morreu asasinado ao ano seguinte.

Remate das patas dos mobles que reproduce unha garra que suxeita unha bóla. É característico do estilo da Raíña Ana dos mobles ingleses do s XVIII.

Festival publicitario de carácter privado que ten lugar anualmente en EE UU.

Locución que designa a fonte máis antiga do dereito común inglés. Trátase dunha síntese e selección de usos e costumes locais de Inglaterra e doutros países nórdicos xunto coa herdanza do dereito romano, unificadas a través das prácticas dos tribunais e que se basean na regra dos precedentes (case law), ata conformarse como a base do dereito nos países de fala inglesa. Malia as transformacións que sufriu pola aparición da equity law, é a fonte máis importante do dereito inglés e serviu de base para o sistema xurídico dos países de colonización británica.

Leis promulgadas en Inglaterra no s XVII, que regulaban a exportación e a importación de gran. Eran de tipo proteccionista e tentaban favorecer a súa propia produción de cereais. A aplicación desta lexislación provocou graves problemas de abastecemento e no s XIX ocasionaron importantes revoltas urbanas. A partir de 1838, iniciouse un movemento de protesta contra o proteccionismo arredor da Anti-corn Law League, fundada por Richard Cobden. En 1846 revogáronse estas regulacións.

Estilo de natación no que, mantendo a cara e o ventre enfrontado ao fondo (boca abaixo), o impulso se obtén pola acción combinada de xiros alternativos dos brazos e batemento simultáneo das pernas, mergullando a cabeza na auga o maior tempo posible. É o estilo que adoitan empregar os nadadores nas probas de estilo libre.

Club de baloncesto feminino fundado en Riga (Letonia) no seo da compañía de transporte urbano. É o equipo que en máis ocasións gañou a Copa de Europa en calquera disciplina deportiva, con 18 títulos, e tamén posúe a plusmarca de triunfos consecutivos no campionato, os 12 que acadou entre as tempadas 1963-1964 e 1974-1975. A súa primeira vitoria obtívoa na segunda edición do torneo, na tempada 1959-1960, nun ano no que os equipos da capital letona lograron o dobrete, pois o ASK conseguiu o seu terceiro triunfo na terceira edición do campionato masculino. As dúas seguintes tempadas (1960-1961 e 1961-1962) rexistraron novamente a vitoria das campionas soviéticas. Dous anos despois (1963-1964) principiou o seu paseo triunfal por Europa. Completou o seu palmarés na máxima competición continental cos títulos de 1976-1977, 1980-1981 e 1981-1982. Ademais proclamouse campión da Copa Lilliana Ronchetti na tempada 1986-1987.

Informe elaborado en 1923 por Charles Gates Dawes, e publicado ao ano seguinte. Acordado no Tratado de Versailles, a súa finalidade era estimar a capacidade de pagamento de Alemaña e determinar tanto os medios de reparación económica coma as correspondentes obrigas. Supuxo, de feito, a redución no importe dos pagos impostos a Alemaña en concepto de reparacións de guerra, xunto á colaboración económica dos EE UU na súa recuperación.

Necrópole exipcia da dinastía VI onde foron enterrados, entre outros, os adalides do nomós XII do Alto Exipto. Comprende dous grupos de tumbas rupestres: o meridional (52), onde a mala calidade da pedra provocou que se decorase con gravados e non con pinturas, e o setentrional, cos gravados de Hemre e Henku, datado no primeiro período intermedio.