"Vedra" (Contén)

PUBLICACIÓNS

Publicación aparecida en Pontevedra en 1845 e que cesou no número oito. O seu director e único redactor foi Xosé B. Armada. Impresa, de xeito irregular, nos obradoiros tipográficos da Viúva de Pintos, tratábase dunha obra por entregas, redactada en verso, que tiña como obxectivo dar a coñecer as interioridades da vida local pontevedresa. Algúns estamentos sociais da cidade tentaron censurar a publicación e o seu responsable decidiu pechala.

GALICIA

Xornalista e escritor. Fundou, xunto con Manuel Pardo Becerra, o semanario A Monteira, que tamén dirixiu. Foi un poeta non moi novidoso no tratamento dos temas, pero claro na súa expresividade artística. Autor de numerosos contos populares publicados en xornais da época, da súa produción literaria cómpre salientar Muxenas (1888), Fábulas y epigramas (1892) e Fábulas galaico-castellanas (1897). Postumamente, editáronse Fábulas galegas e outros poemas (1991) e Lugo en el pasado (1994). O seu labor como compilador de folclore valeulle a obtención de diversos premios.

PERSOEIRO

Político nicaraguano. Membro de diversos movementos clandestinos de resistencia contra o réxime de Anastasio Somoza, co triunfo sandinista de 1979 foi nomeado membro da xunta do goberno revolucionario. Foi elixido presidente da República de Nicaragua en 1984. As guerrillas, o embargo económico de EE UU e a inflación crecente foron a causa da súa derrota nas eleccións de febreiro de 1990, que concederon a presidencia do país a Violeta Chamorro.

PARROQUIA

Parroquia do concello da Bola baixo a advocación de Santiago.

GALICIA

Pedagogo. Profesor (1980) de Teoría e Historia da Educación da Universidade de Santiago de Compostela, as súas liñas de investigación centráronse fundamentalmente na dimensión educativa e cultural da emigración transoceánica e continental (ss XVII-XXI), na educación popular na Galicia rural, no museísmo pedagóxico, e na historia e actualidade da educación en Galicia. Foi membro da sección de cultura galega no exterior do Consello da Cultura Galega (1993-1999) e do consello científico do Centro Ramón Piñeiro (1999-2001). Vén formando parte da comisión técnica do Arquivo da Emigración Galega (1993-1999 e 2000-2005), dirixiu o proxecto MUPEGA e colaborou na recuperación do patrimonio bibliográfico, hemerográfico e documental galego en América. Desde 2001 exerce como coordinador científico do MUPEGA. Presidiu o Primeiro Foro Ibérico de Museísmo Pedagóxico (2001), onde se aprobaron as “Bases para unha Rede Ibérica de Museísmo Pedagóxico”. Cofundador (1995) da revista Estudios Migratorios, das...

PARROQUIA

Parroquia baixo as advocacións de san Bartolomeu e santa María que dá nome ao concello de Pontevedra onde se localiza a capital municipal.

GALICIA

Concello capital da comarca e da provincia homónima, situado ao SO da Comunidade Autónoma de Galicia. A súa posición xeográfica é 42° 26’ 2” de latitude N e 9° 21’ 8” de lonxitude O. Limita ao N cos concellos de Barro e Campo Lameiro (comarca de Pontevedra), ao L cos de Cotobade e Ponte Caldelas (comarca de Pontevedra), ao S cos de Soutomaior (comarca de Vigo), Marín (comarca do Morrazo) e Vilaboa (comarca de Pontevedra), e ao O co de Poio (comarca de Pontevedra) e coa ría de Pontevedra. Abrangue unha superficie de 118,3 km 2 , en que acolle unha poboación de 80.202 h (2001), distribuída entre as parroquias de Alba, Bora, Campañó, A Canicouva, Cerponzóns, Lérez, Lourizán, Marcón, Mourente, Ponte Sampaio, Pontevedra, Salcedo, San Xosé, Santa María de Xeve, Tomeza, Verducido, A Virxe do Camiño e Xeve. A capital está na cidade de Pontevedra, localizada a 59 km de Santiago de Compostela. Está adscrito á arquiarquidiocese de Santiago e ao partido xudicial de Pontevedra.
Xeografía...

PUBLICACIÓNS

Publicación editada na Guarda a partir de 1985 como voceira do grupo de arqueoloxía Alfredo García Alén. Dirixida por Ramón Patiño, no seu consello asesor participaron algúns dos máis destacados investigadores de Galicia no campo da arqueoloxía, a prehistoria, a historia e a antropoloxía. Incluíu diferentes artigos sobre escavacións, sondaxes estratigráficas, prospeccións arqueolóxicas e notas etnográficas, acompañadas de debuxos, mapas, fotografías e abundante bibliografía.

GALICIA

Comarca situada no centro da provincia do mesmo nome e no SO da Comunidade Autónoma de Galicia. Esténdese desde os 43° 10’ aos 43° 25’ N e desde os 8° 10’ aos 8° 35’ O. Limita ao N coa comarca do Salnés, a de Caldas e a de Tabeirós-Terra de Montes, ao O co Salnés, a ría de Pontevedra e O Morrazo, ao S coa comarca e ría de Vigo, e ao L coas comarcas do Carballiño e do Ribeiro. Abrangue unha superficie de 623,9 km2, en que acolle unha poboación de 114.206 h (2001), distribuída entre os concellos de Barro (37,6 km2, 3.468 h), Campo Lameiro (63,8 km2, 2.235 h), Cotobade (134,7 km2, 4.687 h), A Lama (111,7 km2, 2.947 h), Poio (33,9 km2, 14.271 h), Ponte Caldelas (87 km2, 5.921 h), Pontevedra (118,3 km2, 74.942 h) e Vilaboa (36,9 km2, 5.735 h). Esténdese en sentido O-L desde o fondo das rías de Pontevedra e Vigo cara ao límite da provincia. Na xerarquía funcional dos núcleos de poboación, destaca...