"RAG" (Contén)

GALICIA

Pintora, filla de Francisco Puy Muñoz. Licenciouse en Belas Artes na Universidad de Salamanca. Paisaxista, con doses de abstracción, recibiu a influencia do expresionismo e da pintura veneciana e pintou con manchas fugaces. Nas súas obras expresou un mundo persoal, humanizado, en violetas, azuis ou brancos. Participou en numerosas exposicións, tanto individuais como colectivas, e da súa produción destacan Carballo viejo (1996) e Estanque de los peces rojos (2001).

PERSOEIRO

Crítico e historiador da arte italiano. Recibiu a influencia de B. Croce e K. Fiedler. Cofundou, xunto con R. Longhi e R. Bianchi Bandinelli, a revista La Critica d’Arte (1935), que tamén dirixiu. Promoveu e organizou institucións dedicadas á arte e publicou I Carracci e la critica d’arte nell’età barocca (1933), Cinema, arte figurativa (1952) e L’arte nella paleostoria dell’uomo (1973).

PERSOEIRO

Escultor italiano. Coñecido como Il Lombardo, foi discípulo e colaborador de G. L. Bernini. Das súas obras destacan Noli me tangere (1649), La morte di Santa Cecilia (1660-1661) e os estucos da cúpula de Sant’Andrea al Quirinale en Roma.

1. Gabán con valoa cuxas mangas partían da base do colo en forma radial.

2. Mangas cortadas segundo a moda raglán.

PERSOEIRO

Mariscal británico. Durante as campañas napoleónicas foi axudante de campo do duque de Wellington. Comandou as tropas británicas na Guerra de Crimea (1853-1856) e faleceu no asedio a Sebastopol.

PERSOEIRO

Cantante e actriz. Coñecida como Patachou, abriu un pequeno restaurante en Montmartre onde se iniciou como intérprete musical. Axudada por Maurice Chevalier, comezou a cantar en diversos cabarets e triunfou coa canción “Mon homme”. Gravou diversos discos de gran difusión e contribuíu á renovación da canción francesa. Participou nos filmes Dans les rues (1933) e Faubourg Saint-Martin (1986).

CAPITAIS

Capital da provincia homónima, na illa de Sicilia, Italia, situada ao SL da illa (68.346 h [2001]). A parte vella (Ragusa Inferior) está situada no lugar onde antigamente existiu un castelo bizantino. Tras o terremoto de 1693 foi construída nun altiplano situado a máis altitude, a Ragusa Superior. Na cidade vella consérvase o portal da igrexa de San Giorgio Vecchio e na nova cidade consérvanse monumentos barrocos.

PERSOEIRO

Arquitecto. Chamado por Benedito XIII, trasladouse a Roma onde construíu Santa Maria della Quercia (1727-1731) e a praza de Sant’Ignazio (1727-1728).

MONTES

Monte situado na parroquia de San Martiño (O Bolo). O seu cumio acada os 1.225 m de altitude.