"CIO" (Contén)

1. Acción e efecto de recristalizar.

2. Formación dunha nova cristalización no seo dunha rocha. Se é endóxena, ten lugar por accións internas químicas, térmicas ou mecánicas que produciron a fusión dalgúns dos seus elementos cristalizados, que, despois, unha vez variadas as condicións, cristalizan de novo. Se a rocha é esóxena, ten lugar por medio da diaxénese, onde intervén tamén a presión e a circulación de augas mineralizadoras que depositan substancias que logo cristalizan no seo da rocha.

3. Proceso de formación de novos cristais, iniciado nalgúns puntos dun metal ou dunha aliaxe deformada en frío, que acaba por absorber os cristais existentes antes da deformación e do inicio do proceso. Iníciase ao someter o metal ou a aliaxe a un quentamento a partir da temperatura inicial de recristalización; ao mantela, van aparecendo novos cristais que chegan a substituír totalmente os antigos.

4. Método de purificación de compostos cristalinos consistente na disolución destes en solventes apropiados quentes, para que, ao arrefriaren, subministren unha forma cristalina máis pura.

1. Acción e efecto de rectificar.

2. Recoñecemento dun erro ou corrección dun defecto do que podería derivarse algún prexuízo para un terceiro.

3. Conversión dunha corrente alterna a unha corrente unidireccional. Pódese suprimir unha das dúas alternancias (rectificación de media onda) ou ben cambiar de signo unha das dúas e deixar a outra como estaba (rectificación de onda completa). No primeiro caso, e para unha corrente monofásica, utilízase un só rectificador, mentres que para o segundo son necesarios dous (e un transformador con toma intermedia) ou ben catro. Para correntes trifásicas empréganse diversas montaxes (en estrela, en dobre estrela, en ponte) que necesitan tres ou seis rectificadores. Nos sistemas hexafásicos son necesarios seis ou doce, e nos dodecafásicos doce ou vinte e catro.

4. Determinación da lonxitude ou do arco dunha curva.

5. Operación de acabado, realizada nunha rectificadora, á que se someten as pezas mecanizadas, especialmente as que foron temperadas e teñen unha tolerancia permitida moi baixa. Esta operación ten como obxectivo corrixir definitivamente as irregularidades de carácter xeométrico das súas superficies, tanto se son planas como se son cilíndricas ou cónicas, ou tanto se son interiores como exteriores, pola acción dunha moa sobre elas.

6. 1. Destilación fraccionada á que se somete un líquido para purificalo ou separar os seus constituíntes.

   2. rectificación azeotrópica

      Rectificación que se realiza con mesturas que resultan difícil de separar por destilación simple. Consiste en engadir un axente separador que forme un azeótropo cun dos compoñentes da mestura, que teña un punto de ebulición menor ca os compoñentes da mestura.

7. Operación de acabado dos tecidos para poñer rectos os fíos da trama.

8. 1. ...

1. Acción e efecto de recuperar ou recuperarse.

2. Movemento de retorno dunha aeronave en voo horizontal, despois de facer un picado.

3. Movemento automático de retorno á posición de fogo do canón dunha arma de fogo despois de ser disparada.

4. Conxunto de métodos e procedementos destinados a extraer información referente a un tema determinado, dos datos contidos na memoria, nos sistemas de documentación automatizada.

5. Etapa do ciclo económico que enlaza a contracción coa expansión ou prosperidade. Despois dunha etapa caracterizada por unha diminución da velocidade de crecemento da renda e, polo tanto, de diminución do investimento, iníciase a fase de recuperación como resultado dun incremento do investimento.

6. Operación que aproveita a calor dos fornos industriais para quentar aire, gas combustible ou auga.

7. 1. Aumento da lonxitude dun fío tirado dun tecido ao desenlearse dos outros.

   2. Aumento de peso dunha materia téxtil por absorción da humidade.

8. Restablecemento da función dun órgano lesionado.

1. Acción e efecto de recusar.

2. Figura do dereito procesual que ten como fin excluír a petición da parte ao xuíz ou perito que, a causa das súas relacións coa parte contraria, pode considerarse como predisposto. En caso de que concorran unha das clases legais de recusación, o xuíz ou perito pode practicar abstención, se non o fixese, a parte prexudicada pode iniciar o incidente de recusación.

3. Facultade de demandar que un determinado funcionario se absteña de intervir nun procedemento baseado na existencia dun posible interese persoal do mesmo no asunto ou nas súas relacións cos interesados.

1. Acción e efecto de redactar.

2. Texto escrito, baseado nun tema determinado, que se redacta como exercicio.

3. 1. Lugar onde traballa o redactor.

   2. Conxunto de redactores dunha publicación ou dun medio de comunicación.

1. Acción de redargüír.

2. Argumento que se volve contra quen o utilizou primeiro.

1. Acción e efecto de redimir ou redimirse.

2. Liberación por medio dun rescate da condición de pecado, de infidelidade, de sufrimento e de morte, común á maioría das relixións. Así, o sacrificio dos primoxénitos dos animais redime os homes, que doutro xeito serían inmolados; e o sacrificio dunha soa persoa pode redimir a colectividade, como a Ifixenia da mitoloxía grega. Como liberación, confúndese coa salvación e é a base de todas as relixións universalistas e das antigas relixións dos misterios. Non obstante, a orixe xurídica do concepto de rescate permite determinar unha concepción da salvación propia da tradición xudeocristiá. A partir do Novo Testamento, a idea de redención ocupa un lugar central na mensaxe cristiá. Son numerosos os textos nos que a morte de Xesús Cristo se explica como un rescate para a liberación do home do poder do mal, que o ten sometido. De aquí provén o valor redentor da morte de Xesús Cristo na cruz, cuxa morte, segundo as teorías da satisfacción, foi a prestación equitativa, a redención condigna,...

3. 1. Recuperación dunha cousa ou dun dereito, e que se libera dunha determinada obriga ou mediante o pagamento dunha cantidade.

   2. redención da enfiteuse

      Facultade que se lle outorga ao enfiteuta de poder extinguir a enfiteuse mediante o aboamento ao señor do importe convido ao constituírse a enfiteuse ou en pacto posterior. Tamén pode ser da cantidade que resulta de capitalizar a pensión ao 3% e o importe dun laudemio de acordo co tipo pactado.

   3. redención de censos

      Forma de liberar a propiedade devolvéndolle ao censualista o capital do censo representado polo valor asignado á propiedade no momento de constituír o contrato e por unha cantidade equivalente aos laudemios que deixou de percibir, que varía segundo os costumes. Quen recibe o capital en diñeiro ou en propiedades gravando a propia ou a que lle transmiten co pagamento da pensión censual, libera a propiedade desta carga devolvendo o capital recibido.

   4. redención de penas por traballo

      Posibilidade de reducir a pena como contraprestación do traballo levada a cabo durante o tempo da condena.

   5. redención dunha servidume

      Forma de extinción dunha servidume mediante o pagamento dun prezo pactado con anterioridade. O código civil español prescribe a redención das servidumes de pasto e leña.

PUBLICACIÓNS

Publicación editada en Vigo a partir de 1900. Non cesou antes de 1913. Rexionalista con orientación cara ao agrarismo, funcionou como órgano do Directorio Redencionista. De periodicidade quincenal e dirixido por Arturo P. Alcaina, criticou o sistema foral e avogou pola liberación total do labrego. A publicación tivo unha segunda época, a partir de marzo de 1910. No I Congreso Agrario Provincial de Pontevedra foi nomeado voceiro da Federación Provincial de agricultores.

PUBLICACIÓNS

Publicación editada en Vigo entre xuño e decembro de 1931. Voceiro do Sindicato de Industria Pesquera y sus Derivados (CNT), editouse decenalmente baixo a dirección de Manuel Fandiño. Recolleu as preocupacións do sindicato marítimo e os seus movementos reivindicativos. A partir de 1931 foi substituído polo voceiro da Federación Nacional de Industria Pesquera, denominado Mar y Tierra.

1. Acción e efecto de redistribuír.

2. Sistema de intercambio en que os produtos de traballo dun grupo de individuos se centralizan, se clasifican e se reparten equitativamente entre produtores e non produtores.

3. Modificación que afecta a unha determinada distribución de bens ou rendas, como consecuencia da intervención do estado, que ten por finalidade diminuír a especulación, favorecer aos consumidores ou facer crecer a produtividade.

1. Acción e efecto de reducir ou reducirse.

2. 1. Conxunto de operacións ás que se someten os resultados dunha observación astronómica, a fin de eliminar os efectos de todos aqueles factores que poden influír sobre a exactitude da medida.

   2. redución á posición aparente

      Conxunto de operacións ás que se someten os valores das coordenadas dun astro tal como aparecen nun catálogo estelar, para atopar os valores actuais das coordenadas deste mesmo astro. Para atopar o valor destas coordenadas cómpre efectuar unha serie de correccións que corresponden a unha serie de factores: o movemento propio da estrela, a paralaxe, a precesión dos equinoccios, a nutación e a aberración da luz.

   3. redución no ecuador

      Diferenza entre a lonxitude astronómica do Sol verdadeiro e a súa ascensión recta, que coinciden unicamente cando o Sol está nos solsticios e nos equinoccios, únicos datos en que a redución no ecuador é nula. Esta magnitude presenta dous máximos positivos (un no verán e outro no inverno) e dous máximos negativos (primavera e outono).

3. Restitución, á súa posición anatómica, de fragmentos óseos desviados por unha fractura, ou de ósos luxados, ou ben órganos desprazados.

4. Diminución da contía dalgunha disposición entre vivos ou de última vontade para que se conforme coa lei.

5. Desaparición progresiva na escala filoxenética dun órgano que orixinalmente se desenvolvía na vida embrionaria e era funcional na adulta, e que, gradualmente, na escala evolutiva, chegou a ser vestixial no embrión e non se manifesta en estado adulto da especie.

6. 1. Institución colonial destinada aos indios e creada polos colonizadores españois, primeiro como contrapartida e despois como substitución das encomendas privadas ou señoriais. Foi promovida (1570) polo vicerrei de Perú Francisco de Toledo, que agrupou aos indíxenas en núcleos de vivendas para controlalos, favorecer a súa conversión ao cristianismo e controlar o pago do tributo e a mita. Cada núcleo posuía unha igrexa, cun sacerdote que podía exercer xurisdición e goberno, como nas reducións xesuíticas.

   2. ...

1. Relativo ou pertencente ao reducionismo.

2. Seguidor do reducionismo.