"qu" (Contén)

Conxunto de regras e convencións das corridas de touros orixinadas en Castela e establececidas a finais do s XVII que rexen nas prazas de touros españolas e de diversos países de América Latina. A corrida está composta por varios terzos, no primeiro a misión do toureiro é a de parar o touro, chamando a súa atención para que reduza a velocidade e turre contra o capote. A seguinte fase é a dos picadores, no segundo terzo, na que interveñen os banderilleiros. No terceiro terzo vén o toureo de muleta, que é a parte central do espectáculo, na que o toureiro efectúa as mellores posicións de lucimento, para acabar coa estocada da espada.

Serie de gravados de temática taurina realizados por Francisco de Goya á augaforte e augatinta. Foron feitos entre 1815 e 1816 e publicados en 1816. Baséanse en sanguinas, e consérvanse maioritariamente no Museo del Prado.

Serie de augatintas de Pablo Picasso editadas en Barcelona en 1959, acompañando o texto da obra homónima de José Delgado. Realizada en 1957, considérase unha das principais series de gravados realizados polo artista.

Relativo ou pertencente á tauromaquia.

Grupo artístico formado en Londres en 1932 por Berthold Lubetkin ao que pertencen Anthony Chity, Lindsay Drake, Michael Dugdale, Val Harding, Denis Lasdun e G. Samuel. Reformaron o zoolóxico de Londres e, das súas obras, dun racionalismo ortodoxo, cómpre destacar o Centro Sanitario (1938), as vivendas Spa Green e Priory Green (1951), en Finsbury ou os bloques Flats (1954), en Paddington.

Espazo natural protexido declarado Parque Nacional en 1954. Situado na illa de Tenerife, Canarias, abrangue 18.990 ha distribuídas nos municipios de La Orotava, Los Realejos, San Juan de la Rambla, La Guancha, Icod de los Vinos, Garachico, Santiago del Teide, Guía de Isora, Adeje, Vilaflor, Granadilla de Abona e Fasnia. Comprende o volcán Teide, de 3.718 m de altitude, e a caldeira volcánica de Las Cañadas. Xeomorfoloxicamente, toda a estrutura conta cunha gran variedade de formas como   covas ou domos. En canto á fauna as aves son o grupo máis representativo. Pódese atopar o lagarteiro, o pimpín azul do Teide, o canario, que forma grandes bandos en primavera e outono, o picanzo, a pomba brava, que habita de forma permanente, e a migratoria rula. Na primavera e no verán chegan bubelas, cirrios e outras especies. Existen unhas 400 especies de insectos, moitas delas endémicas, un único réptil (o lagarto tizón), e algunhas especies de morcegos e ourizos, que son os únicos mamíferos autóctonos....

Revista fundada en 1960 en París, publicada por Éditions du Seuil ata 1983. Reuniu, ao redor de P. Sollers e J. Lristeva, un grupo de intelectuais, como Jean Ricardou, Denis Roche e Marcelin Pleynet, que, desde perspectivas diferentes, se interrogaron sobre os problemas da creación literaria, a función do intelectual e a posibilidade de romper cos moldes ideolóxicos e lingüísticos, coa crenza de que para renovar a humanidade era necesario, inicialmente, transformar a súa linguaxe.

Fase inicial do crecemento das mamas.

Teleférico en que o pasaxeiro se agarra a uns cabos elásticos que penduran do cable tractor para ser transportado á parte máis alta da pista de esquí.

Título nobiliario concedido por Filipe IV en 1462 a Juan Fernández de Lima y Brito , vizconde de Vilanova de Cerveira e marido de Francisca Luisa de Sotomayor. Permaneceu unido ao ducado de Sotomayor e ao condado de Crecente ata o falecemento da VI duquesa de Sotomayor, Mariana Nin Zastrillas Sotomayor y Lima en 1847. Herdouno entón o seu neto Vicente de Alcántara y Vera de Aragón , VIII marqués de Tenorio (1867) e, sucesivamente, os seus descendentes: Santiago de Alcázar y del Nero (1879) e María de la Concepción del Alcázar y del Nero (1892). Unha das fillas desta, María de la Concepción Blanca de Collado y de Alcázar converteuse na XI marquesa de Tenorio en 1898. Morta sen descendencia, o título permaneceu vacante entre 1955 e 1984, cando foi rehabilitado pola súa sobriña--bisneta, María Eugenia Fitz-James Stuart , XII marquesa de Tenorio.

Nome xenérico das loitas entre deuses nas antigas mitoloxías.