"bat" (Contén)

Enfrontamento que tivo lugar durante a Segunda Guerra Mundial nos arredores do arquipélago de Midway entre Xapón e EE UU. O plan xaponés pretendía atacar por sorpresa o arquipélago de Midway, despois de facer unha acción de engano nas illas Aleutianas, que comezou o 3 de xuño de 1942. O contraataque estadounidense impediu a toma do arquipélago e mostrou a superioridade naval estadounidense e a importancia dos portaavións na guerra naval. Foi a derrota máis dura de Xapón e supuxo o final do seu avance polo Pacífico.

Enfrontamentos armados librados na cidade húngara de Mohács. A Primeira Batalla de Mohács tivo lugar o 29 de agosto de 1526, entre as tropas do Sultán Solimán I e as de Luís II de Hungría. A causa do enfrontamento foi a negativa do monarca húngaro a pagar o tributo esixido polos otománs. Solimán I e as súas tropas invadiron entón as súas fronteiras e derrotárono, dándolle morte na batalla. A vitoria puxo fin á monarquía húngara e determinou a dominación otomá de dous terzos do territorio durante máis de século e medio. A Segunda Batalla de Mohács ocorreu o 12 de agosto de 1687, nas proximidades da cidade. Nela Carlos V de Lorena e o margrave de Baden enfrontáronse ao exército turco do Sultán Mehmet IV. Este feito supuxo a recuperación de Transilvania por parte dos húngaros, que se apoderaron de Belgrado.

Enfrontamento que tivo lugar entre o Rei Silo (774-783) e un grupo de nobres galegos, en Montecubeiro, no actual concello de Castroverde. A vitoria de Silo tivo como consecuencia o sometemento ao seu dominio da parte oriental da actual provincia de Lugo, aínda que sen que se establecesen vínculos sólidos coa monarquía astur.

Combate que tivo lugar arredor de Montiel en 1369 e que rematou coa vitoria do futuro Enrique II de Castela, axudado por Bertrand Du Guesclin, sobre o seu irmán Pedro I. Pouco despois, no curso das negociacións de paz, Pedro I foi asasinado.

Feito de armas ocorrido na montaña de Montjuïc, fronte a Barcelona, o 26 de xaneiro de 1641, durante a Guerra dos Segadores. As forzas catalano-francesas derrotaron o exército de Filipe IV, que atacara desordenadamente o castelo de Montjuïc. Desmoralizado, o exército castelán retirouse a Tarragona.

Combates librados nas proximidades de Moscova no inverno de 1941-1942, entre os exércitos alemán e soviético durante a Segunda Guerra Mundial. A toma de V’az’ma polo exército do mariscal Von Bock, o mes de outubro de 1941, levou a Wehrmacht a 200 km de Moscova, pero a resistencia soviética fixo fracasar a ofensiva final. Desde entón as iniciativas das operacións militares pasaron ao exército soviético, que en xaneiro de 1942 fixera retroceder aos alemáns.

Enfrontamento que tivo lugar en Munda, cidade da Bética (Hispania), en marzo de 45 a C, entre os últimos pompeianos, dirixidos por Cneo Pompeio e Caio Xulio César. Este conseguiu poñer en fuga aos seus inimigos, e a cidade, unha vez conquistada, foi saqueada e destruída.

Xénero de peixes condritios, da familia dos miliobátidos, que se caracteriza por ter os ollos en posición lateral e unha cabeza avultada e sobresaínte. A este xénero pertence o chucho.

Mu ḥ āfa ẓ a de Líbano (205.000h [estim 1996]). A súa capital é Al-Nabatīya (100.000 h [1985]).

Combate que tivo lugar en Naseby (Northampton, Inglaterra) o 14 de xuño de 1645, durante a Guerra Civil inglesa, en que os parlamentarios, dirixidos por Fairfax e Cromwell, venceron aos realistas.

Acción bélica que tivo lugar o 16 de xullo de 1212 no altiplano de Las Navas de Tolosa (La Carolina, Jaén). Os contendentes foron, dunha banda, o exército do califa almohade Mu ḥ ammad al-Nā ṣ ir, que foi derrotado, e doutra, unha coalición formada polos reis peninsulares Afonso VIII de Castela, Pedro I de Aragón e Sancho VII de Navarra. Os cristiáns saíron o 12 de xuño de Toledo en dirección ao porto de Muradal, na cima de Sierra Morena, e chegaron ao altiplano de Las Navas, onde obtiveron a vitoria. No ataque os casteláns ocuparon o centro, os navarros a á dereita e os cataláns e aragoneses a esquerda. Unha semana despois da batalla, os tropas de Pedro I apoderáronse tamén de Úbeda, o que lles deu un gran prestixio.

Calquera sal de ácido nióbico.

Combate armado acontecido en Olmedo o 19 de maio de 1445, entre as forzas de Álvaro de Luna e o Rei Xoán II de Castela, e as da liga de nobres e os seus aliados, os infantes de Aragón Enrique e Xoán, futuro Xoán II Aragón. O enfrontamento xurdiu a partir dunha escaramuza e significou a vitoria de Álvaro de Luna. O infante Enrique de Aragón, ferido de morte, e o seu irmán Xoán tiveron que fuxir a Aragón.