"Bo" (Contén)

CABOS

Cabo de Sudáfrica, á beira do Atlántico, na península do Cabo. Descuberto por Bertomeu Díaz en 1486, Vasco da Gama dobrouno por vez primeira en 1497.

PERSOEIRO

Escritora en lingua francesa. Algunhas das súas novelas gañaron diferentes premios da Académie Française. Escribiu, entre outras, Rencontre à Grenade (Reencontro en Granada, 1956) e Les griffes du destin (Os selos do destino, 1959)

DEPARTAMENTOS

Departamento de Nicaragua (4.244 km2; 136.949 h [1995]). É unha rexión agrícola, gandeira, mineira e industrial. A capital é Boaco (7.757 h [1975]).

PERSOEIRO

Célebre barman que converteu o habaneiro ‘Floridita’ nun dos establecementos máis famosos do mundo no seu momento. En 1926 instalouse en Barcelona, fundou sete anos despois o Boadas Cocktail Bar. Tralo seu pasamento sucedeuno a súa filla María Dolores, autora do libro Los cócteles de Boadas Cocktail Bar.

PERSOEIRO

Mimo, actor e dramaturgo. Estudiou no centro dramático de Estrasburgo e no Instituto de Teatro de Barcelona. Interesouse polo mimo colaborando con P. Saragoussi e I. Ricardi. Dentro da Agrupación Dramática de Barcelona fundou en 1962 o grupo Els Joglars xunto con Carlota Soldevila e Antón Font. É o responsable das obras que montan, entre elas, Columbi lapsus (1991) e El Nacional (1993). Ademais dos espectáculos de Els Joglars dirixiu a montaxe do Teatro Libre Operació Ubú (1981).

MUNICIPIOS

Municipio da provincia de Palencia (646 h). Situada á beira do antigo canal de Castela. A súa base económica é o cultivo de cereais e legumes, xunto á produción de viño. Localízase no Camiño de Santiago, entre Frómista e Burgos. Destaca a súa igrexa parroquial do s XVI.

MUNICIPIOS

Municipio da comunidade autónoma de Madrid, situado ao O da cidade de Madrid (17.814 h [1991]). Está drenado polo río Guadarrama. As súas principais actividades económicas son a agricultura e a gandería (ovina) xunto con industrias de produtos lácteos e de materiais de construción (formigón). Dentro da vila destacan o palacio de don Luís de Borbón, obra de Ventura Rodríguez, realizada arredor de 1760, e a igrexa do convento do Carmelo (s XVI).

PARROQUIA

Parroquia do concello de Mesía baixo a advocación de Santiago.

PARROQUIA

Parroquia do concello de Xinzo de Limia baixo a advocación de san Pedro.

GALICIA

Militar e escritor. Publicou varias obras dedicadas ao estudo das armas, entre as que destacan Los fusiles Mauser adoptados en Europa y América (1894), El fusil Mauser español modelo 1893 (1897) e El acero y la fabricación de fusiles (1899).

GALICIA

Franciscano. Foi maxistral de Lugo e de Santiago de Compostela, reitor da Universidade de Santiago de Compostela (1656) e administrador do Gran Hospital Real (1664-1670). Foi elixido bispo de Valladolid e ingresou como franciscano en san Lorenzo de Santiago o 13 de decembro de 1670, días antes de morrer. É autor da elexía dedicada a Filipe IV titulada Oración fúnebre en las exequias que la majestad de nuestro rey y señor Felipe IV el Grande hizo la Santa Apostólica Iglesia del Señor Santiago, único y singular Patrón de las Españas (1666).

GALICIA

Político. Doutor en Leis. Participou no pronunciamento constitucional coruñés de 1820 e foi nomeado xefe político dos distritos de Tui e Ourense, e posteriormente da provincia de Ourense (1822). Fundou o Boletín Oficial de Ourense, de tendencia liberal. En 1823 marchou exiliado a Porto. Publicou Diálogo entre dos labradores gallegos afligidos y un abogado instruído, despreocupado y compasivo. Cuaderno primero al cual seguirá el segundo. Contiene las principales disposiciones eclesiásticas y civiles, relativas a lo que comunmente se llaman derechos de estola y pie de altar (1823). Trátase dunha obra bilingüe, na que os labregos falan en galego e o avogado en castelán. Morreu durante o incendio dun barco que o trasladaba de volta a España ou a Inglaterra.

IGREXAS

Igrexa da freguesía anexa á parroquia de Mogarde, no concello de Xinzo de Limia. De traza románica, a súa portada presenta unha arquivolta apuntada de inicios do gótico.

MUNICIPIOS

Municipio do Principado de Asturias, no baixo val do Navia, á beira do encoro de Doiras, nos contrafortes orientais da serra de Bobia (2.720 h [1996]). Está adscrito ao partido xudicial de Castropol e integrado polas parroquias de Boal, Castrillón, Doiras, Lebredo, Ronda Serrandinas e Vega de Ouría. A capital é a vila de Boal. As principais actividades económicas son as extractivas: hai minas de tungsteno e manganeso. Tamén é importante a gandería ovina e bovina. Posúe mananciais de augas cloruro-sódicas empregadas para tratamentos balnearios.

PERSOEIRO

Autor, actor e director teatral brasileiro formado na Universidade de Columbia en Nova York e no Actor’s Studio. En 1955 volveu a Brasil e asumiu a dirección do Teatro Arena de São Paulo, onde principiou unha longa traxectoria na procura de formas teatrais específicas para denunciar a opresión e a loita pola transformación social e pola mellora das condicións de vida das clases máis desfavorecidas. Este posicionamento foi a causa da súa estadía na cadea e do seu posterior exilio en Arxentina e noutros países europeos, onde desenvolveu unha intensa actividade pedagóxica centrada na análise e exploración dos seus modelos de “teatro invisible”, “teatro documento”, “teatro estatua” ou “teatro foro”. Entre os seus traballos teóricos cómpre sinalar Técnicas latinoamericanas de teatro popular (1975), o prontuario Duzentos e tal Exercícios e Jogos para o actor e o não actor con ganas de dizer algo através do Teatro (1978) e o volume Teatro do oprimido (1975), que segue...

PERSOEIRO

Dirixente sindicalista. Traballador de artes gráficas en Barcelona, militou na CNT, dentro da liña de Salvador Seguí. Colaborou en Tierra y Libertad. Foi elixido secretario nacional da CNT no ano 1920. Detido o mesmo ano, foi posto en liberdade na madrugada do 7.6.1921 e asasinado ao saír do cárcere Modelo de Barcelona.