"Jos" (Contén)

GALICIA

Economista e empresario. Licenciado en Ciencias Económicas pola Universidade de Santiago de Compostela. En 1989 participa na fundación de Viñedos do Rosal S A e Adegas das Eiras S A, fusionadas posteriormente en Bodegas Terras Gauda S A, empresa que preside xunto con Viñedos e Bodegas Pittacum S L. Foi presidente da Fundación Galicia-Empresa (1996-1998) e membro do consello de administración da Editorial Galaxia, da Irmandade dos Viños Galegos e do Capítulo Serenísimo do Viño Albariño. Foi galardoado co premio San Martiño (1995) e Centro Galego de Barcelona (2001). Pertence ao consello rexedor da Fundación Carlos Casares.

PERSOEIRO

Escritor portugués. Foi un dos fundadores da revista Presença, inicio do vangardismo na literatura portuguesa. Entre as súas obras destacan Poemas (1925), Mar coalhaldo (1932), Caminhos magnéticos (1938), Rio turvo e outros contos (1945), onde se incluíu o conto O barâo, e Bandeira preta (1956).

PERSOEIRO

Licenciado en Filosofía e Letras (1956) e doutor en Historia (1970) pola Universitat de Barcelona. Dedicouse sobre todo a traballar sobre os modelos de transición do Antigo Réxime ao capitalismo, a formación do mercado na Península Ibérica, as revolucións de 1820 e 1868 e as relacións entre o diñeiro público e o desenvolvemento económico. Da súa extensa bibliografía salientan La quiebra de la monarquía absoluta, 1814-1820 (1972), que foi a súa tese doutoral, Cambio económico y actitudes políticas en la España del s XIX (1973), La crisis del Antiguo Régimen (1808-1833) (1979), España bajo el franquismo (1986) e Europa ante el espejo (1994). Dirixiu a Historia Universal Planeta, composta por doce volumes, e foi o autor do volume La época de las revoluciones (1991).

PERSOEIRO

Obreiro portugués. Foi fundador da Aliança da Democracia Socialista, sección portuguesa da Internacional Socialista, e da Fraternidade Operária. Promoveu as primeiras manifestacións do Primeiro de Maio.

GALICIA

Avogado e escritor. Licenciouse en Dereito pola Universidade de Santiago de Compostela. Pertenceu ao comité executivo do Partido Galego Social Demócrata e contribuíu á constitución do Consello de Forzas Políticas, que defende a ruptura democrática e a instauración dun estado confederal. Participou na fundación de diversas iniciativas culturais como a editorial SEPT, A Nosa Terra, e a Asociación Cultural O Galo de Santiago de Compostela, da que tamén foi presidente. Preside a Associação Amizade Galiza-Portugal, a Associação Cultural Lusófona Irmandades da Fala da Galiza e Portugal e a Comissão Galega do Acordo Ortográfico da Língua Portuguesa. Fundador e director das revistas da lusofonía Nós, Cadernos do Povo, Temas do Ensino de Lingüística, sociolingüística e literatura, encabezou as delegacións de Galicia nos Encontros de Unificação Ortográfica da Língua Portuguesa en Rio de Janeiro (1986) e en Lisboa (1990). Forma parte do equipo investigador do Centro...

GALICIA

Filólogo. Doutorouse en Filosofía e Letras, sección de Filoloxía Semítica, pola Universidad Complutense de Madrid. Foi bolseiro na Universidade do Cairo (1955 e 1957) e, en 1970, gañou a praza de profesor adxunto de lingua árabe da Universidad Autónoma de Madrid. Desde 1973 é catedrático de lingua árabe e árabe vulgar na Universidad de Granada. Especialista no estudo da cultura árabe, o Islam e Al-Andalus, investigou, sobre todo, a filoloxía e os repertorios biobibliográficos e pertence ao equipo investigador da Escuela de Estudios Árabes, dependente do CSIC. Publicou, entre outros libros, Elencos biobibliográficos arábigoandaluces. Estudio especial de la “Fahrasa” de Ibn ‘A Palatino; ṭ iyya de Granada (1971) e, con Celia Álvarez de Morales, Las Kulliyyāt de Averroes (1987). Ademais cómpre destacar as súas traducións Reglas para la edición crítica de textos árabes (1958), de S. al-Dīn al-Munaŷŷid, La ciudad inicua (1963), do...

PERSOEIRO

Profesor. Doutor en Filosofía e Letras, na sección de Filoloxía Hispánica pola Universidad Autónoma de Madrid (1997) e profesor titular na Universidade de Santiago de Compostela (2002). Colaborou no seminario Menéndez Pidal da Universidad Complutense de Madrid e na Fundación Menéndez Pidal (1984-2000) e realizou o Curso Superior de Estudos Portugueses na Universidade Clássica de Lisboa (1988-1989). Colaborou en revistas como Agália, Boca Bilingüe, Estudos de Literatura oral, Euskera e Insula. Da súa produción destaca El romancero tradicional de Galicia: una poesía entre dos lenguas (2000) e unha colaboración no libro Romanceiro Xeral de Galicia I. Os romances tradicionais de Galicia. Catálogo exemplificado dos seus textos (1998).

PERSOEIRO

Realizador cinematográfico. Iniciouse no terreo do cine policíaco con Embajadores en el infierno (1956) e Amanecer en Puerta Oscura (1957). Posteriormente, a súa carreira consolidouse cunha filmografía constituída por comedias e series para televisión. En 1994 recibiu o Premio Nacional de Cinematografía.

PERSOEIRO

Matemático e físico. Dedicouse á arqueoloxía durante a expedición que fixo con Napoleón a Exipto. No campo da física destacan os seus estudios sobre a propagación da calor. Froito deste traballo foi o desenvolvemento das series matemáticas que levan o seu nome e que constitúen a base da análise harmónica. Publicou Théorie analytique de la chaleur (Teoría analítica da calor, 1922).

PERSOEIRO

Historiador e crítico da arte portugués. Nos seus escritos defendeu o surrealismo. Dende 1970 dirixiu a revista Colóquio/ Artes da Fundação Calouste Gulbenkian. Das súas obras destaca A arte em Portugal no século XX (1974), pola que recibiu o Prémio José de Figueiredo.

GALICIA

Avogado. Doutor en Dereito e en Filosofía, estudiou economía agrícola e socioloxía e realizou un master en Legal Institutions na University of Wisconsin. Foi delegado consular de España no estado de Mérida (Venezuela), profesor titular e xefe da cátedra de Dereito Agrario na Universidad de los Andes e profesor de dereito mercantil na Universidade de Vigo. Preside a asociación Amigos da Universidade de Vigo, da que foi fundador. Colaborou en Foro Galego ou Cuadernos para el Diálogo. Entre outras obras coordinou Universidade e Sociedade (1999) e escribiu Autonomía, agricultura e desenrolo de Galicia (1992).

GALICIA

Arquitecto. Catedrático da Escola Superior de Arquitectura da Coruña, da que foi director (1975-1986). Doutor en Arquitectura, especializouse en urbanismo e restauración de monumentos. Entre as súas obras destacan o Casino da Coruña (1982), o edificio de servicios múltiples da Radio Televisión de Galicia (1990) e o pavillón de Galicia na Exposición Universal de Sevilla (1992). Colaborador no Boletín Académico da ETSA da Coruña, Abrente e Obradoiro, foi autor de As catedrais de Galicia: descrición gráfica (1999) e A Arquitectura do Camiño de Santiago: descrición gráfica do Camiño Francés en Galicia (2000).

PERSOEIRO

Físico alemán. Descubriu que cada elemento químico ten un espectro característico, xa que absorbe ou emite determinadas lonxitudes de onda da luz con preferencia a outras. Investigou o espectro solar e descubriu as raias de absorción que levan o seu nome. Inventou diversos instrumentos ópticos, entre os que destacan un microscópio acromático, un micrómetro e un heliómetro.

GALICIA

Empresario. Dedicado ao sector armador de buques pesqueiros, foi presidente e vicepresidente da Asociación de Armadores de Pesca da Coruña (ARPESCO). Ocupou ademais os cargos de presidente da Confederación de Empresarios da Coruña (1984-2000) e vicepresidente da Confederación de Empresarios de Galicia.

PERSOEIRO

Preceptista portugués. Foi o teórico do neoclasicismo portugués e preceptista gramatical en Reflexões sobre a língua portuguesa e no Dicionário poético. Foi o autor dunha Arte poética asinada baixo o pseudónimo de Cândido Lusitano onde teorizou sobre os xéneros poéticos de acordo coa tradición clásica.

PERSOEIRO

Pintor e ensaísta portugués. Estudiou arquitectura na Escola de Superior de Belas-Artes de Lisboa, pero dende 1947 dedicouse á pintura. Ocupou, entre outros cargos, os de director do Instituto de Arte e Design (IADE) e o do Teatro Nacional D. Maria II. A súa obra, de raíz neorrealista, caracterizouse polo grafismo e pola actitude crítica. Escribiu, entre outros ensaios, Pintura incómoda (1965) e As imagens da imagem (1977).

GALICIA

Arqueólogo. Licenciado en Filosofía e Letras, escavou o palacio inca de Chinchero (1970) e exerceu como profesor de arqueoloxía americana na Universidad Complutense de Madrid (1973-1978). En 1978 trasladouse a Ecuador para traballar como arqueólogo do goberno no xacemento de Ingapirca. Participou en numerosos congresos de Historia de América nos que publicou, entre outros artigos, “Etnohistoria del Ecuador” (1975) e “Consideraciones etnohistóricas acerca de una tumba de pozo y cámara de Ingapirca” (1978).

PERSOEIRO

Artista visual. Participou, entre outras exposicións, en Primeiro Centenario do cómic (Bruxas, 1996), Unha de patos (Pontevedra, 1998), Kalkomanias (Pontevedra, 1998) e Novos Valores (Pontevedra, 1999). No eido das mostras individuais destaca No te importe… (Vigo, 2000). En 1999 recibiu a bolsa de axuda á investigación artística Caixa Pontevedra.

PERSOEIRO

Pintor, debuxante e gravador austríaco. Formouse en Praga e recibiu a influencia dos debuxos de A. Dürer e dos nazarenos. Durante a súa estancia en Roma (1827-1829) colaborou nos frescos de Vila Massimo. No eido do gravado realizou varios ciclos bíblicos.