"Az" (Contén)

PERSOEIRO

Compositor. No conservatorio de Madrid formouse como director de orquestra con Pérez Casas e en 1955 ingresou no corpo de bandas de música da Armada. Dirixiu a orquestra de cámara de Xuventudes Musicais de Palma de Mallorca, a banda de música da Escola Naval (1968) e a Coral Polifónica de Pontevedra, cargo no que permaneceu ata 1976. A súa achega á música galega é notoriamente importante como compositor e como harmonizador de melodías. Acadou numerosos premios musicais dentro e fóra de España, e as súas obras son interpretadas por agrupacións sinfónico-polifónicas de varios países. Entre a súa produción coral destacan: Tres cantigas de Pontevedra, Estando cosendo, Aquel que saleu agora e Canta ti. Tamén harmonizou a melodía popular Ábreme a portiña.

PERSOEIRO

Política paquistaní. Educada en Oxford e Harvard, xunto á súa nai Nusrat, proseguiu a tarefa do seu pai Zulfikar Ali Bhutto á fronte do Partido Popular do Paquistán. Arrestada entre 1977 e 1984 polo réxime de Zia Ul-Haq, á caída deste converteuse en primeira ministra nas eleccións de 1988. Destituída no 1990 por un golpe de estado, pasou a encabezar a oposición á coalición de partidos islámicos no goberno. Ocupou novamente o cargo de primeira ministra dende 1993 ata 1996.

PERSOEIRO

Compositor e violinista austríaco. Traballou na corte do arcebispo de Salzburgo e despois en Múnic. Foi un dos principais virtuosos do seu tempo no uso das dobres cordas e do procedemento coñecido como scordatura, é dicir, un afinamento distinto para os instrumentos de corda. A súa obra caracterizouse polo gusto pola arte da variación e ornamentación, amais dunha certa preferencia pola música descritiva e de programa. É autor dunha colección de 16 sonatas e das coleccións Fidicinium sacro-profanum e Harmonia artificiosa-ariosa, publicada postumamente, así como de dúas óperas.

PERSOEIRO

Poeta. Está considerado como o máis importante poeta simbolista do seu país, influído directamente pola corrente do Parnasianismo. Colaborador asiduo do xornal A Noticia, publicou entre outras obras: Poesias (1888) e Tarde (1919). A súa obra máis destacada é O caçador de esmeraldas (1902).

PERSOEIRO

Arqueólogo. Catedrático de Historia Antiga da Universidad Complutense de Madrid. É autor de numerosos traballos e libros sobre as épocas prerromana e romana da Península Ibérica. Entre os seus libros cómpre salientar os seguintes: Religiones primitivas de Hispania (1961), Tartesos y los orígenes de la colonización fenicia en Occidente (1968), La romanización (1974) e Historia económica de la Hispania romana (1978).

XACEMENTOS

Xacemento arqueolóxico turco. Alí se atopan as ruínas de Hatti, a capital do Imperio hitita situada ao O do gran meandro do río Halis (Anatolia), coñecidas dende o s XlX debido ás súas murallas. As escavacións, que proporcionaron máis de 10.000 táboas escritas en xeroglíficos hititas e en cuneiforme acadio, comezaron en 1906 baixo a dirección de Hugo Winckler.

PARROQUIA

Parroquia de Teixeira baixo a advocación de santa María.

PUBLICACIÓNS

Publicación de tendencia nacionalista aparecida na década dos anos vinte, editada cada mes. Colaboraron nela varios intelectuais galegos, entre eles, Vicente Risco.

PUBLICACIÓNS

Publicación que xurdiu en Ourense, en abril de 1922. Na portada do primeiro número “O conselleiro supremo”, Vicente Risco expuña as bases da organización nacionalista, tamén mencionaba as entidades que prestaron a súa ratificación a todos os acordos da IV Asambreia Nazonalista: a Irmandade da Fala do Ferrol, Mocedade Galeguista d’Ourense, Irmandade Céltiga de Madrid, Grupo Nazonalista de Bayona, Irmandade da Fala de Santiago e Mocedade Galeguista de Vigo. Todas estas entidades constituíronse en delegacións da Irmandade Nazonalista galega.

PERSOEIRO

Mariño e militar. No 1246 preparou por encargo de Fernando III a escuadra que participou na conquista de Sevilla (1248).