"Hel" (Contén)

PERSOEIRO

Artista plástico. Fundou, na súa cidade natal, o proxecto Cittadellarte, lugar de produción, exposición e residencia de artistas. Participou en happenings e na súa obra, próxima á arte pobre, amosouse preocupado pola busca espacial e por motivar a participación do espectador. Destacan as súas composicións Palla di giornali (Mappamondo) (1966-1968) ou Persone Nere (1984).

DISTRITOS

Distrito de Mauricio, situado na illa Mauricio (202 km2; 358.182 h [2000]).

1. Relativo ou pertencente aos platihelmintos.

2. Metazoo do filo dos platihelmintos.

3. Filo de animais metazoos triploblásticos que teñen o corpo alongado e achatado dorsiventralmente. Presentan simetría bilateral e non son segmentados, e divídense en turbelarios, trematodos, cestodos e monoxéneos. Poden vivir no mar, en augas doces e na terra húmida; neste último caso a súa superficie ventral está recuberta de cilios vibratorios. Tamén poden moverse por medio das secrecións mucosas, e certas especies teñen glándulas cutáneas produtoras que crean unha especie de fíos que lles facilitan o desprazamento en sentido vertical. Outros, pola contra, son parasitos e poden ter un, dous ou tres anfitrións sucesivos.

PERSOEIRO

Futbolista francés. Co Nancy (1972-1979) conquistou a Copa de Francia (1978) e co Saint-Etienne (1979-1981) gañou a liga francesa (1981). Na Juventus de Turín (1982-1987) conseguiu a Recopa de Europa (1984), a Copa de Europa (1985) e a Copa Intercontinental (1985). Participou nos Xogos Olímpicos de Montreal (1976) e nos campionatos mundiais de Arxentina 1978 e España 1982, e gañou a Eurocopa de Francia 1984. Foi Balón de Ouro (1983, 1984 e 1985) e seleccionador francés (1988-1992).

PERSOEIRO

Político, duque de Richelieu. Despois da derrota de Napoleón I Bonaparte, sucedeu a Charles Maurice de Talleyrand-Périgord como primeiro ministro (1815). Dimitiu pola oposición do conde de Artois, o futuro Carlos X de Francia (1818). En 1820 volveu ao cargo, que abandonou un ano despois.

PERSOEIRO

Estadista e cardeal. Coñecido como o cardeal Richelieu, estaba destinado á carreira militar pero abandonouna para ocupar o beneficio familiar do bispado de Luçon (1606). Deputado do clero nos Estados Xerais de 1614 e apoiado polo partido “devoto”, conseguiu a través de Concino Concini, home de confianza da raíña rexente María de Medici, ser nomeado secretario de Estado (1616). Proclamada a maioría de idade de Luís XIII, foi nomeado cardeal en 1622, e posteriormente xefe do Consello Real (1624). Durante o seu ministerio político sufocou as conspiracións da alta nobreza e enfrontouse aos hugonotes, que conseguiu eliminar de La Rochelle e Languedoc (1627-1629). Fomentou o absolutismo rexio fronte ao poder da aristocracia e cimentou o prestixio de Francia como potencia europea. Creou unha frota de guerra para enfrontarse a Inglaterra (Guerra de La Rochelle), controlar os portos da coroa francesa e protexer o gran comercio. A combinación dunha política antihugonotes no interior do estado,...

GALICIA

Entallador flamengo. Traballou en Santiago de Compostela, Lugo e Ourense, onde realizou un antepeito do órgano da catedral. Elaborou diversos retablos para, entre outras, as igrexas de San Bieito do Campo (Santiago de Compostela, 1575?), Santa María de Corvelle (Sarria, 1586) e Santa María de Cela (Outeiro de Rei, 1590). Traballou no cadeirado alto do coro de San Xián de Samos (Sarria, 1588) e puido participar tamén no mosteiro de San Salvador de Celanova, vila onde estaba aveciñado en 1603.

PERSOEIRO

Escritora inglesa. Comezou de moi nova a se interesar polos animais que, humanizados, protagonizaron máis tarde as súas narracións para rapaces. Das súas obras, en que mestura humor e fantasía nunha prosa sinxela, destacan The Tale of Peter Rabbit (1900) e The Tailor of Gloucester (1903).

PERSOEIRO

Político sudafricano. Fundou a República de Natal, despois de aniquilar os zulús na Batalla de Blood River (1838). Anexionado este estado por Reino Unido, fracasou no seu intento de independizar Orange (1848), pero conseguiu facelo co Transvaal (1852).

PERSOEIRO

Escultor francés. Discípulo de G. Pilon, traballou para a familia Montmorency e para Enrique IV na fachada da Petite Galerie do Louvre. Foi o autor, entre outras, da estatua orante de Marie de Brabançon-Cany.

PERSOEIRO

Escritor alemán. Autor de numerosas novelas e libros de narracións, empregou inicialmente o pseudónimo de Jakob Corvinus. Obtivo un enorme éxito con Die Chronik der Sperlingsgasse (A crónica da canella dos pardais, 1857), e está considerado un dos novelistas alemáns máis destacados do s XIX.

PERSOEIRO

Militar e economista alemán. Impulsor do cooperativismo, fundou Heddesdorfer Darlehenskassen-Verein, unha cooperativa de consumo en Weyersbusch (1846) e cooperativas agrarias (Raiffeisenvereine) e de crédito. Fundou o xornal Landswirtschaftliches Genossenshcaftblatt (1879) e publicou Die Darlehenskassenvereine (A unión das caixas de préstamo, 1866).

PERSOEIRO

Psicanalista austríaco. Estableceu unha relación entre o pensamento psicanalista e o marxismo, que reflectiu en Dialektyscher Materialismus und Psychoanalyse (1934). Na súa teoría do carácter, Charakteranalyse (1933), destacou a función represiva e autoritaria da sociedade obtida coa represión sexual. Escribiu tamén Die Funktion des Orgasmus (A función do orgasmo, 1927), Die Massenpsychologie des Faschismus (Psicoloxía de masas do fascismo, 1933) e Die Sexuelle Revolution (A revolución sexual, 1936-1945).

PERSOEIRO

Pintor alemán. A súa amizade con Paul Klee influíu na súa obra, visionaria e poética. Relacionouse tamén con Rilke e Kandinskij. En 1928 estableceuse en París e cultivou sobre todo a acuarela.

PERSOEIRO

Pedagogo alemán. Organizou a escola primaria alemá e considerou o primeiro obxecto de ensino estimular debidamente o interese do alumno. É autor de Theorie und Praxis der Volksschulunterricht (Teoría e práctica do ensino primario, 1878-1885), Pädagogik in systematischer Darstellung (Sistema de Pedagoxía, 1902-1906), Grundriss der Ethik (Fundamentos da ética, 1902) e Schulpolitik (Política escolar, 1926).

PERSOEIRO

Pintor, debuxante e gravador alemán. Proxectou un gran ciclo de frescos sobre a vida de Carlomagno para a sala da coroación do palacio comunal de Aquisgrán, que acabou Kehren. En 1849 publicou a serie de xilografías Danza dos mortos.

PERSOEIRO

Escritora australiana. Coñecida como Henry Handel Richardson, gran parte da súa produción trata sobre as condicións de vida na Australia do s XIX, en particular a novela The Getting of Wisdom (1910) e a triloxía The Fortunes of Richard Mahoney (1917-1929). En 1948 publicouse a súa autobiografía inacabada, Myself when Young.