"ROM" (Contén)

Tubo membranoso que vai dende o ángulo superior do útero ata o ovario do lado correspondente e que está situado entre as follas do ligamento ancho. A extremidade externa, chamada pavillón, é libre e recolle o óvulo para transportalo ata o útero. Descrito polo anatomista italiano G. Falloppio, tamén se coñece co nome de trompa uterina.

Trompa de Fallopio.

Enfermidade, adquirida ou herdada, que se caracteriza por un transtorno dos túbulos proximais do ril, de causa descoñecida. A forma hereditaria provoca acidose tubular renal, glicosuria, fosfaturia, aminoaciduria, hipopotasemia, raquitismo, poliuria e polidipsia; asociada á cistinuria aparece, ademais, retraso do crecemento e insuficiencia renal.

Artrite reumatoide na que aparece esplenomegalia e leucopenia con neutropenia.

Tumor que se desenvolve a partir das células cromafínicas, que son as encargadas de sintetizar, almacenar e secretar a adrenalina e a noradrenalina, e que se localizan na medula suprarrenal ou en lugares aberrantes. A súa sintomatoloxía débese a un aumento importante das catecolaminas no sangue, e dá lugar a hipertensión, hiperglicemia e transtornos cardíacos, entre outros síntomas. Os tumores que derivan de células cromafínicas extramedulares denomínanse feocromocitomas extra-adrenais ou paragangliomas.

Substancia química segregada ao exterior por un organismo, que inflúe no desenvolvemento, a reprodución e o comportamento social doutros individuos pertencentes á mesma especie, especialmente dos insectos e dos mamíferos. Empréganse amodo de sinal específico, como atractivo sexual, para marcar o territorio e para promover a cohesión social. As feromonas son xeralmente ácidos orgánicos ou alcohois moi volátiles.

Aliaxe de ferro e cromo, cun 60 a 75% de Cr, que se emprega na fabricación de aceiros especiais para a construción, resistencias eléctricas e aceiro inoxidable. Obtense no forno eléctrico a partir de minerais de Cr, coque e cuarzo. Forma carburos e mellora as propiedades da ferrita.

Aplícase ao mineral que contén ferro e magnesio como catións principais. Son exemplos as micas, os anfíbolos, os piroxenos e as olivinas.

Propiedade que teñen algunhas substancias de posuír unha susceptibilidade magnética positiva moi grande. Nestas substancias, o campo de indución magnética B é, polo tanto, moito máis intenso que no baleiro, para un mesmo valor da excitación magnética H. Os metais Fe, Co, Ni, Gd, Dy e algúns minerais e aliaxes metálicas son ferromagnéticos. As substancias ferromagnéticas teñen unha permeabilidade relativa moi elevada, ao redor de 1.000, variable en función do campo H e das condicións ás que se someteu o material, e se se anula o campo H, non se anula o B, e así permanecen magnetizadas (magnetismo remanente), polo que se poden empregar para fabricar imáns. Para cada substancia ferromagnética existe unha temperatura denominada de Curie que, unha vez sobrepasada, a substancia se volve paramagnética. Non existen líquidos nin gases ferromagnéticos. É un fenómeno que se debe a propiedades non atómicas nin moleculares, senón á estrutura cristalina. O...

Aliaxe de ferro e manganeso, cun 75 a 92% de Mn, que se emprega na fabricación de aceiros especiais para a construción, de aceiro inoxidable e para recubrimento de electrodos, e tamén como desoxidante e desulfurante. Obtense no alto forno ou en forno eléctrico.

Aliaxe de ferro e molibdeno, cun 58 a 75% de Mo, que se emprega na fabricación de aceiros de alto tempero, aceiro inoxidable e aceiros refractarios, e tamén en certos aceiros de corte rápido. Obtense por aluminotermia ou silicotermia do óxido de molibdeno.

ariedade de condroma no que os lóbulos cartilaxinosos están separados por tecido fibroso abundante.

Tumor de forma nodular, que pode chegar a ter grandes dimensións, constituído por tecido conxuntivo. É un tumor benigno e de crecemento lento.

Estado caracterizado pola presenza de moitos fibromas.

Tumor formado por fibras musculares lisas, xunto con vasos e tecido conxuntivo abundante. Localízase xeralmente no útero.

Mixoma no que abundan fibroblastos maduros e tecido conectivo.