"AVI" (Contén)

1. Relativo ou pertencente aos gaviálidos.

2. Réptil da antiga familia dos gaviálidos.

3. Antiga familia de réptiles da orde dos crocodilianos, da que o único representante era o gavial, actualmente incluído dentro da familia dos crocodílidos.

1. Ave rapaz de entre 28 e 38 cm de lonxitude e 60 e 80 cm de envergadura, de alas relativamente curtas e redondadas e cola longa. Teñen a plumaxe das partes superiores de cor cinsenta escura e as inferiores claras con manchas castañas transversais. As femias son de maior tamaño. Aliméntanse principalmente de pequenas aves. Aniñan en plataformas en árbores. Habitan zonas forestadas onde sorprenden as presas cun voo áxil e rápido.

2. Órgano vexetal con aspecto de talo moi delgado, de orixe foliar ou caulinar, que grazas ao seu acusado haptotropismo agárrase a calquera soporte e enróscase en hélice sobre el, de xeito que permite que a planta gabee.

1. Relativo ou pertencente aos gávidos.

2. Paxaro da familia dos gávidos.

3. Familia de paxaros da orde dos ciconiformes que ten como único representante a mobella.

PERSOEIRO

Político colombiano. Membro do Partido Liberal, foi ministro de Finanzas (1986) e de Interior (1987), antes de converterse en presidente da República en 1990-1994. Tras abandonar a presidencia foi elixido secretario xeral da Organización de Estados Americanos (OEA).

PERSOEIRO

Astrónomo e xeodesista escocés. Director do observatorio da Cidade do Cabo a partir de 1879, foi un dos primeiros en empregar o procedemento fotográfico para reproducir o aspecto do firmamento. Estableceu un sistema para calcular a distancia entre a Terra e o Sol e determinar a masa do planeta Xúpiter.

PERSOEIRO

Arquitecto alemán. Foi arquitecto maior da Pomerania e traballou en Berlín para a aristocracia. O seu fillo Friedrich Gilly (Altdamm 1772-Karlsbad 1800) foi un dos iniciadores do neoclasicismo e profesor na Academia de Arquitectura de Berlín. Das súas obras destaca o proxecto do monumento a Federico II o Grande.

PERSOEIRO

Militar, segundo duque de Ahumada e cuarto marqués de las Amarillas, fillo de Pedro Agustín Girón. Ascendeu a tenente coronel, coronel e mariscal de Campo, e foi nomeado Inspector do Segundo e Cuarto distritos militares (1843). Organizou e dirixiu o corpo da Garda Civil (1844-1854) e foi designado inspector xeral do corpo (1856-1858). Dende 1858 foi comandante xeneral do corpo de alabardeiros.

PERSOEIRO

Emperador romano (473-474). Proclamado en Ravenna co apoio do rei dos burgundios Gundebaldo, foi derrocado por Xulio Nepote. Ordenado sacerdote pola forza, chegou a bispo de Salona.

PERSOEIRO

Actor. De formación autodidacta, iniciou a súa carreira profesional coa compañía O Facho e logo participou en espectáculos de Teatro do Atlántico (Liberdade Brenana), Espello Cóncavo (Bailando en verán e As troianas) ou Teatro Galileo (A esperar por Godot e Caprichos de Cervantes).

PERSOEIRO

Realizador cinematográfico. En 1968 deuse a coñecer internacionalmente con La primera carga al machete, filme histórico esteticamente expresionista, ao que seguiron Los días del agua (1971), El señor Presidente (1983) e Gallego (1987).

GALICIA

Pintor e fotógrafo. Coñecido como Xavier Galiza, os seus inicios profesionais foron no mundo da fotografía. Colaborou en diversos xornais galegos e deste período destaca a exposición monográfica El arte prerrománico en Galicia, presentada no Museo de Ourense en 1973. Ese mesmo ano realizou a súa primeira exposición de acuarelas e debuxos en Ourense. As súas acuarelas, conseguidas a base de sucesivos lavados, caracterízanse pola luminosidade e por unha pincelada fina e rica en matices coa que representa paisaxes verídicas con cores, maioritariamente, complementarias. As masas de cor mestúranse e difumínanse de xeito que forman novos tons. Realizou e participou en exposicións en diversas cidades galegas e en Madrid, Valladolid, Oviedo, Berna, París, Laussane e Porto, entre outras.

PERSOEIRO

Historiador. Sacerdote dominicano, foi nomeado cronista de Filipe III en 1612. Das súas obras destacan Historia de la vida y hechos del rey don Enrique III de Castilla (1638), Teatro de las Iglesias de España (1643-1650) e Historia de Felipe III (1777).

GALICIA

Xornalista. Exerceu como director de relacións externas da TVG, director xeral de La Región Internacional, xefe do gabinete do director xeral da CRTVG e director da Axencia Galega de Noticias (AGN).

PERSOEIRO

Futbolista. Coñecido como Fran, debutou co primeiro equipo do Real Club Deportivo de La Coruña en 1987. Na tempada 1990-1991 conseguiu o ascenso a Primeira División. Proclamouse campión da Copa do Rei (1995, 2002) e campión de Liga (tempada 1999-2000). Coa selección española disputou 16 partidos (1993-2000) e participou na Copa de Europa de Nacións (2000).

PERSOEIRO

Emperador romano (375-383), fillo de Valentiniano I. Compartiu o Imperio de Occidente co seu irmán Valentiniano II, mentres que Oriente era gobernado polo seu tío Valente. Derrotou os alamanos preto de Colmar (378) e posteriormente outorgoulle ao xeneral Teodosio, futuro Emperador Teodosio I, o goberno de Oriente (379). Morreu nas Galias durante a loita contra o usurpador Máximo.

1. 1. Calidade de grave.

   2. Que é ou amosa unha actitude digna e seria.

2. 1. Forza de atracción que, a causa da gravitación, exerce a terra ou outro astro calquera sobre os corpos materiais e que os fai caer cunha aceleración, que se denomina aceleración da gravidade g, que é independente da súa masa. O valor de g varía coa distancia ao centro da Terra e, localmente, tamén varía pola presenza no subsolo de materiais de densidade apreciablemente diferente da medida (gravimetría). A composición da gravidade coas outras forzas presentes no contorno dun astro determina a pesantez. As diferencias entre os valores que se esperan e os que se observan da gravidade en certos lugares levaron a propoñer unha quinta forza repulsiva (antigravidade) e unha sexta forza atractiva.

   2. centro de gravidade

      centro de gravidade.

3. Teoría que se enunciou en 1938, segundo a que os dobramentos e os mantos de corremento son resultado do acercamento rápido dunha zona con cobertura que os provoca cando esta se separa e se despraza.