"ALE" (Contén)

PARROQUIA

Parroquia do concello de Brión baixo a advocación de san Salvador.

PARROQUIA

Parroquia do concello de Brión baixo a advocación de san Xulián.

IGREXAS

Igrexa parroquial situada en Brión. Foi construída na segunda metade do s XVII sobre un templo románico anterior. O proxecto atribúeselle a Francisco A. Fernández Sarela, mais nela traballaron os mestres locais Juan A. Nogueira e Tomás do Río. No interior destaca o retablo maior barroco do s XVIII e unha cruz parroquial de 1826. O campanario construíuse en 1827.

GALICIA

Cantautor. Simultaneou a súa profesión de médico co mundo da canción. Dende que gravou o seu primeiro disco, Ahí vén o maio (1975), a súa obra vén sendo referente obrigado na historia da canción galega. O repertorio inclúe poemas musicados dun amplo abano de autores da nosa literatura (Álvaro Cunqueiro, Ramón Cabanillas, Manuel Curros Enríquez, Celso Emilio Ferreiro e Rosalía de Castro) e producións propias. Posteriores gravacións son Ballet da nena (1990), Eres un fármaco (1993), con textos en galego e castelán, Tu retrato (2007), Había que chegar (2014) e 70 y 29 (2016)

PERSOEIRO

Filósofo. Pertenceu á escola filosófica de Leibniz e Wolff, e foi profesor en Halle e en Frankfurt do Oder. Está considerado como o fundador da moderna estética como disciplina filosófica autónoma e sistematizada pola súa contribución con Aesthetica (1750-1758), na que diferenza a ciencia do fermoso e do belo do resto da Filosofía.

PERSOEIRO

Médico ucraíno. É autor de traballos básicos sobre a estrutura das capas corticais do cerebro. No ano 1874 describiu un tipo de células piramidais coñecidas como células de Bec.

PERSOEIRO

Físico. Sucedeu o seu pai Antoine-César Becquerel na cátedra do Musée d’Histoire Naturelle, onde se dedicou ao estudo da luz. En 1842 fotografou por primeira vez a unidade do espectro solar. A partir de 1857 estudiou a fosforescencia e as radiacións infravermellas. Publicou La lumiére, ses causes et ses effets (A luz, as súas causas e os seus efectos, 1869).

PERSOEIRO

Escritor ruso. O tema central da súa creación é o traballo como contido da existencia do home. Entre as súas obras destaca: Zizn’ Berežkova (A vida de Berežkov, 1956).

PERSOEIRO

Lingüista serbio. Foi profesor na Universidade de Belgrado. É o creador da Lingüística do serbocroata, onde cobre un terreo inmenso, desde a dialectoloxía e a comparación co resto do eslavo do indoeuropeo xeral ata a descrición sincrónica e o establecemento das normas da lingua literaria actual.

PERSOEIRO

Físico e inventor británico. Abandonou os estudios musicais para dedicarse á Fonética. Emigrou a Canadá (1871) e, posteriormente, aos EE UU. Fundou unha escola para mestres de xordos en Boston e en 1873 acadou a cátedra de Fisioloxía Vocal na Universidade de Boston. Os seus traballos sobre o son, motivados polo problema do ensino dos xordos, sobre o que escribiu varias obras, leváronlle a construír un telégrafo harmónico. En 1876 inventou o teléfono, aínda que lle foi negada a prioridade do invento, o que lle levou a defendela en diversos procesos. Despois de diversas melloras no seu aparato, obtivo o Premio Volta do Instituto de Francia. Tamén ideou un enxeño para detectar balas no corpo humano, empregado ata o descubrimento dos raios X e unha balanza de indución, entre outras innovacións.

MUNICIPIOS

Municipio da provincia de Jaén, Andalucía, drenado polo río Jandulilla, afluente do Guadalquivir (2.011 h [1996]). Situado na serra de Mágina, o terreo é moi accidentado. As principais actividades económicas son as agropecuarias, fundamentalmente a gandería lanar. Hai tamén canteiras de xeso.

PERSOEIRO

Compositor e pianista inglés. Realizou estudios de violín, piano e composición na Royal Academy of Music, onde posteriormente (1837) exerceu como profesor. En 1849 fundou a Bach Society, de Londres, coa que organizou en 1854 a primeira audición en Inglaterra da Paixón segundo San Mateo. Sucedeu a Wagner na dirección da Philharmonic Society (1855) e foi profesor en Cambridge (1856). En 1866 foi nomeado presidente da Royal Academy of Music. Compuxo unha sinfonía en sol menor (1865), música para piano, de cámara e coral.

PERSOEIRO

Filósofo. Expulsado do seu país (1922), foi a Berlín e a París (1925), onde fundou a revista Put. Pensador cristián afastado de toda ligadura dogmática e influído polo idealismo poskantiano, fixo unha crítica despiadada do cristianismo institucional e do comunismo; interesouse polo home como espírito -a actividade creadora, a historia e a liberdade-, e na súa última época situouse na liña do pensamento existencialista alemán. Cómpre destacar Filosofia svobody (A filosofía da liberdade, 1911), Novoe srednevekovie (A nova Idade Media, 1924), De la destination de l’homme (Sobre o destino do home, 1931), De l’esclavage et de la liberté de l’homme (Da escravitude e da liberdade do home, 1946) e Samopoznanie: opyt filosofskoj autobiografii (Autocoñecemento: ensaio de autobiografía filosófica, 1949).

PERSOEIRO

Poeta e novelista occitano. Dentro do Realismo escribiu as novelas Bagatoni (1894) e Li bomians (1906-1907). Entre a súa poesía, baseada no ritmo da linguaxe, cómpre destacar Li baladas d’aram (1883).