"Ava" (Contén)

1. de oitavar.

2. Que ten oito lados ou caras.

1. Dar a algo forma octogonal.

2. Dividir algo en oito partes iguais.

3. Tocar na oitava superior ou inferior dun son en certos instrumentos de vento.

1. 1. Período de días en que se celebra unha festa relxiosa.

   2. Función relixiosa que se celebra durante os oito días consecutivos dunha festa.

2. Conxunto de pregarias, feitas xeralmente por cristiáns de diversas confesións, para pedir a unidade das igrexas. A práctica foi iniciada por dous anglicanos, Spencer Jones e Lewis Watson (1908), e foi fomentada entre os católicos por Paul Couturier (1935). Celébrase do 18 ao 25 de xaneiro.

PERSOEIRO

Escritor e músico. Na súa obra alternou o ton melancólico cunha crítica satírica da sociedade contemporánea. Aproveitou a súa faceta de cantautor para poñer música ás súas creacións poéticas, das que destacan Lirika (1956) e Ostrova (Illas, 1959). Tamén publicou a novela autobiográfica Bud zdorov, skoljar (Boa sorte, alumno, 1963), a novela histórica Bednyj Avrosimov (O pobre Avrosimov, 1969) e Mersi, ili pochoždenija Sipova (Grazas, ou a aventura de Sipou, 1975).

CIDADES

Cidade da Moravia Setentrional, República Checa, situada próxima á fronteira con Polonia (61.771 h [2001]). É o centro dunha rexión agrícola e forestal. Entre 1849 e 1918 foi capital da Silesia austríaca.

RIOS

Río de Eslovaquia, formado pola conxunción dos dous ríos Orava, o Branco e o Negro (112 km). Nace en Beskidy e é subafluente do Danubio a través do Váh, no que desemboca en Kral’ovany.

MUNICIPIOS

Municipio da provincia de Santa Cruz de Tenerife, Canarias, situado no centro da illa, na vertente N do Teide (37.738 h [2001]). A economía baséase na agricultura, que conta con grandes extensións de plátanos, e no turismo.

CAPITAIS

Capital de Moravia Setentrional, República Checa, situada á dereita do Oder (327.553 h [1991]). Formada pola unión de Moravská Ostrava e Slezská Ostrava, no SL únense coa cidade satélite de Havířov. É o centro da rexión carbonífera máis importante do país.

DINASTIAS

Dinastía india que reinou en Kānci (actual Kānchīpuram), desde principios do s V a finais do s IX. Orixinaria do Deccan, os seus membros impulsaron o comercio e expandíronse limitadamente polo SL de Asia. Foron eclipsados pola dinastía támil dos Chola.

MUNICIPIOS

Municipio da provincia de Palencia, Castela e León, situado no val de Retortillo e regado por diversos afluentes do Carrión (2.342 h [2001]). É un mercado comarcal con agricultura e gandaría. Posúe industria alimentaria e téxtil.

1. Documento expedido polo xefe das forzas navais dun estado en guerra que permite navegar con seguridade a unha nave inimiga, especialmente un barco hospital ou un barco mercante que por razóns especiais efectúa un tráfico determinado entre portos inimigos.

2. Documento provisional expedido polo cónsul dun porto estranxeiro que permite a habilitación de bandeira do seu estado a unha embarcación, desde o porto de expedición do documento, en que se efectuou a compra, ata o momento do seu abandeiramento.

1. Danza cortesá aparecida en Europa cara a 1525, posiblemente orixinaria de Padua. Xeralmente de ritmo binario e pausada, era un baile de cerimonia ou de introdución a outras danzas. As coleccións de Petrucci e D’Attaingnant recollen exemplos desta variante. Desapareceu a mediados do s XVII como danza, pero mantívose como música instrumental.

2. Música que acompaña esa danza.

PERSOEIRO

Tenor italiano. Considerado un dos intérpretes operísticos máis importantes de finais do s XX, debutou en 1961 no papel de Rodolfo na ópera La Bohème, de G. Pucini. Dotado dunha voz ampla, tecnicamente moi segura, e cunha gran capacidade para a interpretación escénica, especialmente nos papeis cómicos, actuou nos escenarios máis importantes do mundo, como La Scala de Milán (1965) ou a Metropolitan Opera de Nova York (1968), cun repertorio que abrangue óperas, recitais e cancións napolitanas e italianas. Realizou numerosas gravacións discográficas e compartiu cartel con José Carreras e Plácido Domingo no espectáculo Os tres tenores, que presentou en distintas cidades do mundo, como Roma (1991) e Los Angeles (1994). Rodolfo, Radamés (Aida), Manrico (Il Trovatore), Nemorino (L’elisir d’amore) e Cavaradossi (Tosca) foron algúns dos seus papeis máis destacados. Recibiu varios premios Grammy, a Commendatore di Gran Croce da República de Italia e a Légion d’Honneur en Francia.

PERSOEIRO

Nadadora. Foi campioa de España no estilo de bolboreta en 100 m (1992, 1997 e 2003), 200 m (1997 e 2003) e 500 m (1997). Conseguiu a medalla de ouro en 200 m bolboreta nos Campionatos de Europa de Sevilla (1997) e en 100 m bolboreta na Copa do Mundo de Moscova (1997). Tamén gañou a medalla de prata en 200 m bolboreta na Copa do Mundo de Moscova (1997), nos Campionatos de Europa de Istambul (1999) e na Copa do Mundo de París (2001). Olímpica en Barcelona (1992), Atlanta (1996), Sydney (2000) e Atenas (2004), recibiu a medalla de prata da Real Orden del Mérito Deportivo (1998).

MONTES

Monte situado no O da parroquia de San Fiz de Monfero (Monfero). O seu cumio acada os 685 m de altitude.