"Alle" (Contén)

MUNICIPIOS

Municipio da provincia de Barcelona, Catalunya (7.748 h [2001]). A agricultura está en lixeira regresión e hai granxas de gando bovino e aves de curral. A partir de 1960 iniciouse un proceso de industrialización do que destacan as fábricas téxtiles, as de xoguetes e as alimentarias.

GALICIA

Euxenista, nai de Carme Rodríguez Carballeira. De familia acomodada, coidou o seu sobriño X. Rodríguez Arriola, de quen fixo un neno prodixio na música. En 1907 decidiu fundar un falansterio como unha colonia de selección humana para a mellora da especie con individuos anteriormente seleccionados. Abandonou o proxecto para tentar ter un fillo despois de elixir o home apropiado que cumprise cos requisitos necesarios. Co nacemento da súa filla comezou unha férrea educación racionalista para convertela nun ser excepcional que redimiría o mundo. Despois de conseguir convertela nunha nena prodixio e, debido ás súas discrepancias, asasinouna mentres durmía.

PERSOEIRO

Política e feminista, filla de Aurora Rodríguez Carballeira. Coñecida como Hildegard (‘Xardín de sabedoría’) pola súa nai, quen a educou baixo unha estrita disciplina e a converteu nunha nena prodixio, foi vicepresidenta das Juventudes Socialistas madrileñas e vogal do comité nacional (1932). De tendencia republicana, ingresou no Partido Republicano Federal (1932) e foi secretaria da Liga para la Reforma Sexual. Defendeu a igualdade de mulleres e homes en La rebeldía sexual de la juventud (1931), Malthusismo y Neomalthusismo e El control de la natalidad (1932) e loitou polos dereitos da muller, a súa liberación sexual e reprodutiva e a transformación social, loita que reflectiu en Tres amores históricos (1929) e Historia del movimiento sexual en España (1932). Publicou tamén Se equivocó Marx? (1932). Debido ás súas discrepancias, foi asasinada pola súa nai mentres durmía.

GALICIA

Arquitecto. Foi arquitecto dos Servicios Provinciais da Coruña de Urbanismo (1981). Das súas obras, caracterizadas pola simplificación e a orde, destacan os edificios para a sede da Cruz Vermella na Coruña (1979-1981), o centro de saúde de Culleredo (1994-1997) e o edificio para a redacción de La Voz de Galicia, en Arteixo. Recibiu o primeiro premio no Concurso de Ideas Vivendas para Marxinados (1987) da Xunta de Galicia.

MUNICIPIOS

Municipio de Nafarroa (28 h [2001]), situado á beira do Camiño Navarro de Peregrinación a Santiago. Álzase a 962 m de altitude, na vertente S do porto de Ibañeta, onde conflúe a tradición xacobea coa carolinxia. Durante o s VIII foi motivo de enfrontamentos entre os musulmáns e o reino cristián dos francos, dos que destacou a Batalla de Roncesvalles. Dista 762 km de Santiago de Compostela e está considerado como a porta do Camiño en España. Do seu patrimonio destaca a Colexiata (s XIII), o claustro (s XIV), as capelas de San Agustín, Santiago e do Espíritu Santo, a casa prioral, o hospital (s XIX), convertido en albergue, a casa dos Beneficiados e o Museo de Roncesvalles.

PERSOEIRO

Compositor e director de orquestra. Formouse en Madrid, onde dirixiu a banda do corpo de enxeñeiros (1897). Director da banda municipal de Donostia, compuxo cincuenta zarzuelas, das que destacan Los amarillos y El naranjal, piezas para piano e música instrumental.

PERSOEIRO

Pintor estadounidense. Foi situado dentro dun novo clasicismo, pero polo seu estilo formalista foi relacionado tamén con artistas como J. Pollock e J. Johns. As súas obras incorporaron o humor nun encadeamento de imaxes compostas como unha colaxe de diversos elementos e fragmentos. Destacan Comedy (1995) e Tragedy (1995), e dirixiu o filme Search and Destroy (1995).

PERSOEIRO

Bailarina francesa. Considerada unha das mellores e máis innovadoras bailarinas do seu tempo, actuou na Opéra de París desde 1721 e posteriormente en Londres. Realizou tamén a coreografía de diversos ballets.

MUNICIPIOS

Municipio da provincia de Barcelona, Catalunya (7.004 h [2001]). Os principais cultivos son o millo, a forraxe, as hortalizas e as oliveiras. A extracción de sales potásicas foi a actividade económica principal.

MUNICIPIOS

Municipio da provincia de Cádiz, Andalucía, situado ao SL de Jerez de la Frontera (4.268 h [2001]). A base da súa economía é a agricultura, onde destacan os cultivos de trigo, cítricos e oliveiras.

MUNICIPIOS

Municipio da provincia de Zaragoza, Aragón, situado ao N da capital e atravesado polo río Gállego (2.212 h [2001]).

PERSOEIRO

Militar. Liberal, foi ministro de Estado (1822) e, ao producirse a invasión dos Cen Mil Fillos de San Luís, foi xefe de estado maior de F. Espoz y Mina. Foi ministro da Mariña e da Guerra (1837). Despois de La Vicalvarada foi xefe da Xunta de Salvación (1854).

PERSOEIRO

Escultor. Formouse na Real Academia de Bellas Artes de San Fernando. Traballou na catedral de Lugo, onde realizou a representación da gloria con anxos e serafíns para o altar maior, e desde 1812 en Santiago de Compostela. Realizou diversas obras para Santa María do Camiño e San Bieito do Campo e as imaxes dos catro evanxelistas para a capela do Hospital Real.