"RAM" (Contén)

Imaxe obtida a partir dunha fonte de luz en movemento, fotografada na escuridade, e co emprego dunha exposición longa.

Gráfico orientado equivalente a un diagrama de bloques, pero de trazado máis sinxelo. Os nodos representan sinais ou variables, e as ramas, relacións entre variables. A frecha que leva a rama indica o sentido do fluxo do sinal, e a letra asociada, o factor de multiplicación que experimenta o sinal do nodo de orixe. A variable correspondente a un nodo dependente toma un valor igual á suma dos sinais incidentes. Tamén se coñece como diagrama de fluxo. OBS: A grafía <x> representa o son [ks].

Xénero dramático e teatral que se caracteriza pola recuperación e desenvolvemento de formas escénicas, personaxes, conflitos, lendas, historias, celebracións, rituais, narracións e outros elementos e materiais diversos propios dunha determinada tradición cultural. A incorporación desta corrente aos campos teatral e literario a miúdo se produce en procesos de construción nacional, sempre relacionados coa recuperación dos sinais de identidade e das manifestacións culturais propias, e así aconteceu en Irlanda a principios do século XIX coas creacións de John Millington Synge, Douglas Hyde, Lady Augusta Gregory ou William Butler Yeats, que tiñan como obxectivo reflectir as esencias da vella cultura gaélica. En Galicia o folk drama foi reivindicado e potenciado por Antón Villar Ponte en diversas pezas como A festa da malla ou Os evanxeos da risa absoluta, nas que buscaba reflectir escenas e estampas da vida tradicional galega. Noutras ocasións a recuperación de antigas manifestacións...

Rexistro gráfico que se obtén mediante a fonocardiografía.

Denominación que reciben os protozoos unicelulares mariños ameboides, que moi rara vez exceden 1 mm de lonxitude, e segregan un caparazón calcário -nalgúnhas especies silíceo- dividido en moitas cámaras, no que vive emitindo pseudópodos a través de poros cos que prenden as presas. Nun principio o protozoo ten unha soa cámara e á vez que medra forma unha sucesión de cámaras, cada vez de maior tamaño, ao longo da súa vida. Durante o ciclo vital presentan fases diploides e haploides. Existen unhas 10.000 especies de foraminíferos que habitan todos os ambientes mariños, esteiros e lagoas litorais e das que só unhas 50 viven na columna de auga nos primeiros 100 m e o resto son especies bentónicas que viven sobre os sedimentos ou no seu interior. O conxunto dos foraminíferos que viven nos fondos dos océanos constitúen, probablemente, a maior biomasa animal do planeta. As cunchas das especies planctónicas, ao morrer, van formar parte da lama dos fondo mariño, destacando pola súa abundancia o xénero...

Revista de información cinematográfica fundada en Barcelona en 1946. Inicialmente dedicouse a ofrecer datos sobre estreas e personaxes do cine español e internacional. A mediados dos anos oitenta engadiu aos seus contidos habituais información sobre vídeo, e alquiler e venda de películas. Incluíronse tamén reportaxes sobre novidades técnicas, monográficos de actores, estilos ou xéneros, e artigos de crítica de destacadas personalidades do mundo cinematográfico. Anualmente concede os premios Fotogramas aos actores e profesionais máis salientables do cine, teatro e televisión en España.

Conxunto de técnicas que permiten, mediante a cámara fotográfica, deducir dunha proxección cónica do obxecto, as súas dimensións e a súa situación. O fundamento xeométrico da fotogrametría foi establecida por J. H. Lambert en 1759, pero foi Aimé Laussedat quen conseguiu en 1851 planos exactos partindo de fotografías. En 1856 Gaspar Felix Tournachou, Nadar, realizou as primeiras fotografías aéreas, unhas vistas de París. En 1886 Torres Quevedo realizou o primeiro levantamento fotogramétrico español do barranco de Vista Hermosa (Madrid). En 1903 Carl Pulfrich aplicou o principio de medición estereoscópica ao método fotogramétrico, procedemento perfeccionado en 1909 por Eduard von Orel. Os aparellos inventados de acordo con este novo sistema eran, sen embargo, dunha aplicación exclusiva aos alzamentos topográficos efectuados por medio de fotografías tomadas dende terra (fotogrametría terrestre). A partir da Primeira Guerra Mundial, o progreso da aviación permitiu o desenvolvemento...

Relativo ou pertencente á fotogrametría.

Froito do framboeseiro, de cor vermella, semellante á amora, de sabor doce e un pouco ácido.

Arbusto con espiñas, semellante ás roseiras, que dá os froitos chamados framboesas.