"SS" (Contén)

PERSOEIRO

Militar e político, estadounidense. Coronel dos voluntarios de Illinois ao comezo da Guerra de Secesión, conseguiu a vitoria das tropas do N en Vicksburg (1863). En 1864 foi nomeado comandante en xefe do exército da Unión e aceptou a rendición do xeneral sudista Robert E. Lee (1865). Presidente dos EE UU durante dous mandatos (1868-1877), a súa política limitouse á represión dos sudistas e ao proteccionismo económico.

PERSOEIRO

Escritor alemán. Fundador e membro do grupo 47, a súa obra mostra a unión entre o compromiso social e a imaxinación. Publicou, entre outros libros, Noch zehn Minuten bis Buffalo (Faltan dez minutos para Buffalo, 1958), Die Blechtrommel (O tambor de folla de lata, 1959), Katz und Maus (O gato e o rato, 1961), Hundejahre (Anos de can, 1963), Örtlich betäubt (Anestesia local, 1969), Aus dem Tagebuch einer Schnecke (Do diario dun caracol, 1975), Der Butt (O rodaballo, 1977), Das Treffen in Telgte (Encontro en Telgte, 1979), Aufsätze zur Literatur (Ensaios sobre literatura, 1980), Die Rättin (A rata, 1986), Zunge Zeigen (Ensinar a lingua, 1988), Unkenrufe (Malos presaxios, 1992), Ein weites Feld (Un conto longo, 1995), Mein Jahrhundert (O meu século, 1999) e Im Krebsgang (A paso de caranguexo, 2002). Entre outros galardóns recibiu o Premio Büchner (1965), o Premio Feltrinelli (1982), o Premio Nobel de Literatura (1999) e o Premio Príncipe de Asturias (1999).

CIDADES

Cidade de Provenza, no departamento dos Alpes Maritímos, Francia, situada na beira meridional do Ròcavinhon (44.790 h [1999]). Nos arredores da cidade abundan os cultivos de rosas e outras flores, como tamén o de laranxeiras, coa finalidade de prover a industria perfumeira, dunha gran tradición na cidade. De orixe romana, desenvolveuse a partir do s X no cruzamento de camiños que unían as grandes rutas comerciais da Provenza. Dedicada ao comercio, acadou a súa independencia no s XII e desde o s XVII desenvolveu unha importante industria dos perfumes. Do seu patrimonio cultural destacan a catedral (s XII) e o Museo Fragonard.

PERSOEIRO

Zoólogo occitano. Foi profesor da Facultade de Ciencias de París, director do Laboratorie d´Evolution des Êtres Organisés (1941) e membro da Academia das Ciencias (1948). Fixo numerosos traballos sobre os ciclos e a citoloxía dos protozoos, a bioloxía e o comportamento de diversos insectos, especialmente os sociais. Entre as súas obras cabe destacar Traité de zoologie, en 25 volumes (1948-1967), e Parasites et Parasitisme e Précis de biologie animale (1957).

PERSOEIRO

Cartelista e deseñador suízo naturalizado francés. Iniciouse como arquitecto con Viollet-le-Duc. Como deseñador de carteis, vidreiras, mobles e xoias, participou na estética da art nouveau. Publicou un método de composición ornamental (1905) e creou un modelo de tipografía (1898).

PERSOEIRO

Arquitecto. Profesor de composición na facultade de arquitectura de Milán. Colaborou no desenvolvemento do plan especial de Santiago de Compostela. Foi autor do colexio Raíña Fabiola.

PERSOEIRO

Matemático e lingüista alemán. Foi o iniciador da análise vectorial e autor de Die Wissenschaft der extensiven Grössen oder die Ausdehnungslehre (A ciencia das magnitudes extensivas ou a teoría da extensión, 1844); e, como lingüista, de Wöterbuch zum Rig--Veda (Dicionario de Rig-Veda, 1873) e Rig-Veda. Übersetzt und mit Kritischen Anmerkungen verschen (Tradución do Rig-Veda, 1876-1877).

FILOSOFOS

Filósofo inglés. Formado na Oxford University, foi chanceler da mesma (1221), arquidiácono de Leicester e desde 1253 bispo de Lincoln. Considerado un dos fundadores da escola de Oxford e influído polas ideas de Platón e Aristóteles, colocou a luz no centro da súa metafísica e da súa epistemoloxía. Recoñeceu, ademais, a importancia da experimentación no establecemento das verdades científicas. Das súas obras detacan, De unica forma omnium, De generatione stellarum, De motu corporali et lue e De intelligentiis. Así mesmo, traduciu do grego e do latín a Teoloxía mística de Pseudodionisio e De fide ortodoxa de Damascio.

CAPITAIS

Capital da provincia homónima, en Toscana, Italia (72.663 h [2000]). Situada no corazón da chaira de Maremma, a 12 km da costa do mar Tirreno e a 1 km da beira dereita do río Ombrone. É un mercado agrícola e gandeiro, e ten industria mecánica, alimentaria, petroquímica e de materiais para a construción. Do seu patrimonio cultural destacan, entre outros, as igrexas de San Lorenzo (s XII) e San Francesco, a fortaleza Medicea e a muralla hexagonal (s XVI).

PICOS

Pico austríaco do macizo de Hohe Tauern (3.798 m). Nel localízase o glaciar Pasterze.

PERSOEIRO

Escritor italiano. Romántico conservador, escribiu a novela histórica Marco Visconti (1834), os contos rimados La fuggitiva (1815) e Ildegonda (1820), e o poema épico “I lombardi alla prima crociata” (1826), a partir do que G. Verdi compuxo unha ópera homónima estreada en 1843.

PERSOEIRO

Escritor. Enxeñeiro químico de profesión, foi correspondente durante a Segunda Guerra Mundial. É autor de contos, novelas e teatro. Da súa produción destaca Za pravoje delo (1952) e Vsjo tečot (1970).

PERSOEIRO

Hispanista alemán. Escribiu Geschichte der latein-amerikanischen Literatur (1969) e Katalanische Lyrik der Gegenwart (1923). Xunto con Rudolf Slaby publicou un dicionario do castelán e alemán (1932-1937).

PERSOEIRO

Escritor. Inscrito no realismo social, publicou La zanja (1961), Un cielo dificilmente azul (1961) e Otoño indio (1983).

PICOS

Pico austríaco do macizo de Hohe Tauern (3.674 m). Contén xacementos de pedras preciosas.

MUNICIPIOS

Municipio da provincia de València (5.414 h [2001]). Ten agricultura (laranxas e hortalizas), gandería bovina e industrias de preparación de froita. Do seu patrimonio cultural destaca a igrexa de Sant Vicent (s XVIII).

PERSOEIRO

Pintor islandés. Coñecido como Erró, estudiou en Reykjavik e Oslo. Instalouse en París e desenvolveu unha obra a medio camiño entre a pintura e a colaxe. As súas creacións baséanse na manipulación de iconos políticos, cinematográficos, da historia da arte, da prensa, da publicidade e, en xeral, da vida cotiá.

PUBLICACIÓNS

Publicación aparecida na Coruña en 1991. Subtitulouse “Revista de la Zona Comercial”. Editada por Equipo de Promoción SL, foi dirixida por Ana Puga e Xulio Fontecha. Trátase dun boletín comercial e publicitario con información sobre coleccións de moda, estética, fogar e datos sobre a historia da cidade.