"Alle" (Contén)

Entidade de produción creada en París polo goberno provisional revolucionario en febreiro de 1848, que se inspirou, aínda que desvirtuándoas, nas ideas sociais de Louis Blanc. Para combater a crise social e económica, os obreiros en desocupación forzosa foron colocados en obras públicas, pero o seu traballo, mal organizado, non foi rendible. A súa disolución ocasionou violentos incidentes.

Familia feudal occitana da casa condal de Perigord, iniciada por Elies de Perigord coñecido como Taleran (morto en 1205), fillo do conde Elias V. O seu fillo Boson de Taleran recibiu do seu tío, o conde Arquimbaldo II de Perigord, o señorío de Grinhòls e foi pai de Elias Taleran (morto en 1322), que adquiriu por matrimonio en 1270 o señorío de Chalais. Os seus descendentes empregaron desde o s XVI o título de príncipe de Chalais (que desde 1714 tivo anexada a grandeza de España). En 1613 Daniel Taleran foi nomeado conde de Grinhòls e obtivo por matrimonio o marquesado de Eissidelh. Este patrimonio dividiuno entre os seus fillos: Charles de Taleran foi o príncipe de Chalais, marqués de Eissidelh e vizconde de Fronsac e formou unha liña, que en 1743, ao recaer nunha muller, se uniu á formada polo outro fillo, Andrieu de Taleran , que herdou o condado de Grinhòls. Deste foi...

Museo de arte, con sede central en Londres, inaugurado en 1897. Baseado na colección de sir Henry Tate,   está formado pola Tate Britain, a Tate Modern, a Tate Liverpool e a Tate St. Ives.

Organismo creado en 1923 no marco do New Deal de Roosevelt, que construíu un sistema de presas reguladoras do río Tennessee que permitiu o aproveitamento da auga e posibilitou a industrialización e o crecemento económico dos estados que forman a súa conca hidrográfica.

Rexemento voluntario de infantaría de liña creado en Bos Aires o 17 de setembro de 1806 por Pedro Antonio Cerviño Núñez, director da Escuela Náutica, para defender a cidade dun ataque británico similar ao acontecido meses antes. Constaba de 600 homes distribuídos en 8 compañías de fusileiros de liña e unha de granadeiros lixeiros, 10 tambores, 1 pito ou pífano militar e, completando a fanfarra musical, as gaitas tomadas como trofeo de guerra ao 71º rexemento de Highlanders de Escocia. Tivo dúas bandeiras de seda branca: unha coronela coas Armas Reais nun lado e a cruz encarnada do Apóstolo Santiago, o seu patrón, no outro; e unha batallona co escudo do Reino de Galicia por un lado e o escudo de Bos Aires polo outro. Foi destinado á Banda Oriental de Uruguay, unha vez ocupada esta a comezos de 1807, pero non entrou en combate pola inmediata caída de Montevideo. O 2 de xullo de 1807 enfrontouse nos Corrales de Miserere ás tropas do xeneral J. Whitelocke e, despois da xornada do 5...

Indicación Xeográfica Protexida segundo a Orde de 4 de abril de 2000 da Consellería de Agricultura, Gandería e Política Agroalimentaria que reciben todos os tenreiros nados en practicamente todo o territorio galego, fillos de vacas de raza Rubia Galega, Morenas do Noroeste ou dos seus cruzamentos, e que son criados, alimentados e sacrificados en Galicia, seguindo un estrito control integral de calidade e hixiene. O control abrangue desde o nacemento dos tenreiros, a súa crianza, alimentación e cuidados sanitarios, ata o seu sacrificio e presentación da carne nos puntos de venda, todo isto conforme ao establecido na lexislación vixente. A alimentación dos tenreiros baséase no leite materno, forraxes e concentrados procedentes de vexetais e exentos de calquera subproduto animal ou substancia prohibida, e sacrifícanse, por regra xeral, con menos de 10 meses de idade. Foi o resultado da fusión da Denominación Produto Galego de Calidade Ternera Gallega, creada en 1989 e a Denominación Específica...

Boletín de tendencia nacionalista publicado en La Habana a partir de 1921. Subtitulado “Órgao da Xuntanza Nacionalista Galega d’Habana e paladín do honor da Raza Céltiga”, tivo periodicidade mensual. Dirixido por A. Rodríguez Orzales, foi editado pola Xuntanza Nazonalista Galega D’Habana. Foi o sucesor da revista Nós e defendeu o movemento nacionalista galego, a autonomía e a cooficialidade do galego e do castelán en Galicia.

Revista publicada en La Habana a partir de abril de 1894. Cesou o 9 de setembro de 1896. Fundada por Curros Enríquez, o apoio de máis de 6.000 subscritores fixo que a periodicidade fose semanal. Incluíu información sobre política, ciencia, crónica de sociedade e literatura, tanto da comunidade emigrante como do país. Completou os contidos con colaboracións literarias de destacados escritores. A publicación pechou cando Curros se negou a pagar dúas multas impostas por críticas ao goberno colonial.

Barra ou outro elemento onde se colgan as toallas.

Premio literario, en galego e castelán, instituído pola Deputación Provincial da Coruña en 1989 para homenaxear o escritor ferrolán. Algúns dos gañadores foron Pedro Crespo con La muerte en la boca (1989), Víctor Freixanes con A cidade dos Césares (1992), Manuel Rivas con Que me queres, amor? (1995), Luisa Castro con Una patada en el culo (2004) e Andrés Barba con Versiones de Teresa (2005).

Cada un dos regos dun prado que se fan en perpendicular ao tralleirón.

Canle principal para o rego dun prado que segue a dirección natural de onde vén a auga.

Antiga cidade de Caria, situada preto do río Küçük Menderes, correspondente á actual Aydin. Foi sometida polos persas (ss VI-IV a C), os seléucidas (ss III-II a C), o Reino de Pérgamo (188 a C) e romanos (133 a C), que a reconstruíron despois do terremoto que sufriu en 27.