"Bra" (Contén)

PERSOEIRO

Militar e político dominicano. Comandou as tropas dominicanas que expulsaron os haitianos na Batalla de Santo Tomé, no ano 1855. Loitou, tamén, contra a anexión do seu país a España no ano 1861, o que lle valeu a deportación. Volveu á República Dominicana no ano 1864 e un ano máis tarde, en 1865, foi nomeado presidente por un breve período de tempo. Xefe do Partido Reformista coñecido co nome de Azul, foi presidente da República Dominicana entre 1866 e 1868. Durante o seu mandato realizou un proxecto para alugar a baía de Samaná aos estadounidenses, o que lle valeu unha perda de confianza por parte dos seus aliados, e asinou un tratado co goberno español polo que este renunciaba aos seus dereitos sobre Santo Domingo. Derrocado por un proceso revolucionario viuse obrigado a exiliarse a Venezuela, mais volveu en 1875 como ministro de Guerra e Mariña e Interior.

PERSOEIRO

Político guineano. Co-fundador xunto co seu medio irmán do Partido Africano da Indepêndencia da Guiné e Cabo Verde (PAIGC). No ano 1973, é elixido presidente do Consello de Estado da República de Guiné-Bissau e un ano máis tarde chega á xefatura do novo estado independente, ocupará este posto ata 1980 cando é derrocado por un golpe militar. Despois de dous anos na cadea é liberado e trasladase de forma definitiva a Cuba.

PERSOEIRO

Almirante portugués, descubridor e explorador do Brasil. Nomeado no ano 1500 capitán da flota portuguesa da India, na expedición cara a este territorio desembarcou nas costas do Brasil, preto de Porto Seguro, e tomou posesión do territorio en nome de Portugal o 24 de abril de 1500. Costeou e explorou a costa de África Oriental e chegou ata Calcuta. Historiadores portugueses e brasileiros consideran que a desviación na viaxe de Cabral non foi casual senón que tiña a intención de visitar o territorio concedido a Portugal polo Tratado de Tordesillas (1494).

MUNICIPIOS

Municipio do Principado de Asturias (2.393 h [1996]), bañado polos ríos Cares e Casaño, situado nos somontes dos Picos de Europa. O seu solo é pouco fértil, produce hortalizas, castañeiros e cereais. A gandería redúcese a unhas poucas cabezas de vacún. Son importantes os xacementos de ferro, cobalto e carbón. Na industria destacan as fábricas de materiais de construción. A súa capital é Carreña.

ILLOTES

Illote da beira setentrional da ría de Arousa, no litoral da parroquia de Palmeira (concello de Ribeira).

PUNTA

Punta do litoral da parroquia e concello de Burela, ao SL do porto de Burela.

1. Instrumento empregado para verificar de maneira rápida, sinxela e precisa se as dimensións dunha peza están dentro das tolerancias preestablecidas, sen necesidade de realizar unha medición directa. O calibrador materializa as medidas máxima e mínima admisibles da dimensión a verificar; así, se esta é o diámetro interior dun buraco, é necesario que o extremo ‘paso’ do calibrador de interiores entre con facilidade, mentres que no lado ‘non paso’ non debe entrar de ningún xeito. Os calibradores para diámetros exteriores, para roscas ou outros, funcionan segundo o mesmo principio. O máis usual dos calibradores de interiores é o calibrador de tapón, que consiste en dous discos ou barras metálicos montados de banda a banda dun mango. Dos calibradores de exteriores, o máis usual é o calibrador de ferradura, que consiste nun arco metálico que ten nos extremos uns topes. Algúns calibradores son de medida fixa, pero noutros pódese regular dentro dun límite. A parte do calibrador...

2. Peza de vidro, cunha das caras esmeradamente pulida para conseguir un aplanamento ou unha esfericidade o máis perfecta posible. Utilízase para verificar a perfección das superficies ópticas xa que, ao colocar o calibrador enriba desta, fórmanse franxas de interferencia que poñen de manifesto os defectos.

1. Determinar ou medir o calibre dun obxecto, unha bala, un tubo, ou outro obxecto.

2. Establecer unha correspondencia entre unhas magnitudes elixidas como patróns e outras magnitudes a avaliar.

3. Axustar os valores da imaxe para garantir unha presentación fiel de cores e tonalidades de gris cando se envían a unha impresora ou a un dispositivo que trate imaxes. O proceso debe realizarse en todos os elementos dun mesmo sistema, incluíndo o escáner, o monitor, as aplicacións e a impresora. A meta é asegurarse de que, por exemplo, o que o escáner ve como amarelo, se amose no monitor como amarelo, sexa recoñecido polos programas como amarelo e se imprima como amarelo.

4. Sopesar a importancia ou relevancia dunha situación ou dun feito.

1. 1. Contracción involuntaria, intensa e dolorosa, que aparece de maneira transitoria nun músculo ou nun grupo muscular de fibra estriada.

   2. cambra do escribente

      Enfermidade que se caracteriza polo espasmo de certos grupos de músculos da man e do antebrazo e que impide o movemento normal desta. Os grupos de profesionais, tales como os escribentes e os pianistas, que utilizan ou traballan habitualmente coas mans, son os que máis padecen esta enfermidade.

   3. cambra de estómago

      Dor aguda no estómago, xeralmente causada por unha lesión do mesmo.

2. Aplícase á vaca que ten paralizada unha pata.

CIDADES

Cidade do departamento de Nord, Cambrésis, Francia, á beira do río Escalda, ao NL de París (33.092 h [1990]). Son tradicionais as industrias téxtiles onde se orixinou o tipo de tecido de algodón coñecido co nome de cambrai. A industria baséase na fabricación de encaixes, fiados, coiro, azucre, cervexa e aceites. A exportación é a base do seu comercio, principalmente de gando vacún e cereais. É un centro de comunicacións ferroviarias, onde se localizan tres estacións. Correspóndese coa antiga Cameracum romana. É bispado desde o s VI e os bispos foron señores desde o s X do condado de Cambrai, erixido no s XVI en ducado. Formou parte dos Países Baixos baixo a dominación española e, pola Paz de Nimega (1678), pasou definitivamente a Francia. A cidade, moi castigada durante as dúas guerras mundiais, conserva a catedral do s XVIII (refeita no s XIX), a igrexa de Saint-Géry (s XVIII), a antiga porta do palacio episcopal (1623) e un beffroi do s XV.

PUNTA

Punta do litoral da parroquia e concello do Vicedo, na beira oriental da ría do Barqueiro.