"llo" (Contén)

Órgano consultivo da Comunidade Autónoma de Galicia adscrito á consellería de Xustiza, Interior e Relacións Laborais. Creado pola Lei 7/1988, do 12 de xullo, está integrado por representantes das organizacións sindicais de traballadores e do empresariado e ten competencias en materia de dereito laboral.

Organización dos países produtores de cobre fundada en 1960. Malia controlar máis do 50% da produción mundial, non conseguiu fixar nin unha política común nin un prezo do cobre no mercado internacional.

Organización científica internacional non gobernamental que ten como finalidade fomentar a actividade científica internacional. Creouse en 1931 a partir do International Research Council e a súa sede está en París.

Organismo consultivo interparlamentario creado en 1952 en Copenhaguen para favorecer a cooperación económica e social entre Dinamarca, Islandia, Noruega, Suecia e Finlandia (que se adheriu en 1955). Consta de 87 membros elixidos anualmente polos parlamentos dos estados respectivos. As illas Feroe (desde 1970), Groenlandia (desde 1984) e as illas Åland (desde 1970) teñen representación propia dentro das delegacións de Dinamarca e Finlandia.

Organización internacional fundada en Roma en 1974 durante o desenvolvemento da Conferencia Mundial de Alimentación. Fórmana 36 membros da ONU e analiza a situación alimentaria mundial, ao tempo que exerce a súa influencia sobre os gobernos e a ONU. A súa sede está en Roma.

Organismo que exerce as funcións de control e que garante a especificidade e a calidade na maioría das denominacións protexidas de produtos agroalimentarios. Como norma común supervisa, para todos os elaboradores inscritos nunha determinada denominación, que todas as fases do proceso produtivo se axustan ao detallado na normativa específica e protexe aqueles produtos que cumpren estas condicións, de acordo coas características finais esixidas -para o que se realizan, en moitos casos, análises químicas- e, principalmente no caso dos viños, superan un exame organoléptico. Aos produtos avaliados, como norma xeral, concédeselles unha etiqueta identificativa numerada. En Galicia, contan cun Consello Regulador as Denominacións de Orixe: Ribeiro, Valdeorras, Rías Baixas, Monterrei, Ribeira Sacra e Queixo Tetilla; e as Denominacións Específicas: Orujo de Galicia, Lacón Gallego e Ternera Gallega. Os Órganos Rectores da Denominación de Orixe Queixo de Arzúa-Ulloa e dos Produtos Galegos de Calidade...

Organismo sindical que procura dar resposta aos problemas sociais, laborais e sindicais comúns aos traballadores da eurorrexión Galicia-Norte de Portugal. Procura a mellora das condicións sociolaborais dos traballadores e garante a cooperación sindical transfronteiriza. Presidida por Xoán Castro, reúne os sindicatos do Norte de Portugal e Galicia pertencentes á Confederación Europa de Sindicatos (CES): Sindicato Nacional de Comisións Obreiras de Galicia, Unión Xeral de Traballadores de Galicia, União Geral de Trabalhadores do Norte de Portugal e Confederação Geral dos Trabalhadores Portugueses-Intersindical Nacional do Norte de Portugal.

Órgano de ámbito autonómico, creado pola Lei 5/1987, do 27 de maio, e modificado pola Lei 11/1989, do 20 de xullo. As súas funcións son, entre outras: facilitar o intercambio de información e consultas entre as universidades galegas; elaborar programas conxuntos de actuación para solucionar os problemas e as necesidades do sistema universitario de Galicia; emitir o informe sobre as propostas de creación de novas universidades e de creación, modificación ou supresión de centros, titulacións universitarias e institutos de investigación; dar a coñecer os novos plans de estudo impartidos nas universidades galegas; propoñer a organización conxunta de estudios entre as universidades, especialmente no que se refire a terceiros ciclos, estudios de posgrao e titulacións que non teñan carácter oficial no Estado; emitir informes sobre os programas de investimentos no sistema universitario de Galicia feitos directamente pola Comunidade Autónoma galega; garantir a racionalización dos estudios, dos servicios...

Termo da xerga dos cesteiros de Mondariz que corresponde á voz ‘calzón’.

Cesta grande.

Termo da xerga das palilleiras que corresponde á voz ‘corda pequena’.

Embutido elaborado con cabaza, arroz, costela picada e carne.

Cultura prehistórica do Neolítico que recibiu o nome dun xacemento suízo localizado ao NO de Neuchâtel. Este grupo, xunto á cultura de La Lagozza en Italia e a de Chassey en Francia, constitúe toda unha fase do Neolítico do Occidente europeo do IV e III milenios. Sitúase en numerosas palafitas suízas e consérvanse abondosos vestixios dela. Unha característica deste grupo de culturas é a presenza de cerámicas lisas.

Construción situada na praza de María Pita da cidade herculina, deseñada por Pedro Mariño Ortega (1908-1913) nun estilo ecléctico-historicista próximo ao modernismo. No seu interior destaca o salón de plenos, dotado de escanos tallados coa historia da cidade por Ladislao Stern e José Juan González, e cunha mesa presidencial de mármore avermellado. Na fachada principal, formada por tres corpos, destacan as torres de ladrillo situadas nas esquinas e no centro do edificio. Ademais das dependencias municipais acolle o Museo de Reloxos.