"Ea" (Contén)

Ecuación que relaciona a presión, o volume e a temperatura dun gas real, válida cun amplo intervalo de valores destas variables. Fai intervir cinco constantes típicas de cada gas e mellora outras ecuacións de estado anteriores.

Henry Warren Beatty.

Nome co que son coñecidos o Comentario á Apocalipse e mais o Libro de Daniel, escritos polo Beato de Liébana. É unha obra de grande interese, tanto polo texto, que contén fragmentos patrísticos doutro xeito perdidos, como polas ilustracións, abundantes e moi características. No estilo e nos temas iconográficos hai unha gran cantidade de influencias, dende as paleocristiás ata as visigóticas, asimiladas cunha forte personalidade mozárabe, aínda que algúns beatos son plenamente románicos. As escenas, encadradas nunha orla, son representadas a miúdo sobre un fondo esquemático e simbólico de bandas horizontais, unhas veces de intensa coloración e outras da cor natural do pergameo. Os ornamentos e as arquitecturas estilizadas son, en xeral, os típicos da arte mozárabe. Existen varias copias deste manuscrito, polo xeral con ilustracións miniadas, dos ss X ao XIII, entre os que salientan: o conservado na Pierpont Morgan Library de Nova York, procedente de San Miguel de Escalada,...

Filme de aventuras do que existen tres versións: unha muda do ano 1926, outra de 1939 e a de 1966. A máis destacada foi a de 1939, rodada nos EE UU e dirixida por William A. Welman. Foi interpretada por Gary Cooper, Ray Milland, Robert Preston, Brian Donlevy e Susan Hayward. Os irmáns Geste enrólanse na Lexión Estranxeira para evitar que os acusen do roubo dun zafiro. Destinados a un forte no deserto, enfrontáronse ao sádico sarxento Markoff e á rebelión dos árabes.

Katherine Mansfield.

Familia inglesa que adoptou este nome da denominación do castelo dos Plantagenet no Anjou. O apelido foi levado por primeira vez polos fillos ilexítimos do príncipe Xoán de Gante, duque de Lancaster, fillo do Rei Eduardo III de Inglaterra e de Catalina Roet. De entre os seus descendentes cómpre salientar os seguintes: Henry Beaufort (1377 - Winchester 1447), lord chanceler de Inglaterra (1403) e cardeal (1426), e Margarida Beaufort (1441-1509), sobriña do anterior e nai de Enrique VII de Inglaterra.

gruyère.

Escala que permite estimar a velocidade dun vento, unha vez observados os seus efectos. Baséase nas manobras dos veleiros, segundo a velocidade do vento. Posteriormente foi adaptada nas estacións terrestres.

Mar adxacente ao océano Ártico, situado entre o arquipélago Ártico, Canadá, e as costas setentrionais de Alasca.

Familia nobre francesa de Orleans, de escasa notoriedade antes da Revolución Francesa (1789). Dividida en dúas ramas cara á fin do s XVIII, unha estivo encabezada por Claudio de Beauharnais, que foi par de Francia na época da Restauración; a segunda, de máis sona, vinculouse coa familia de Napoleón Bonaparte. Desta segunda póla os membros máis destacados foron: François de Beauharnais (1756-1846), par de Francia, deputado da nobreza nos Estados Xerais de 1789 e embaixador en Etruria e en Madrid durante o período napoleónico. Alexandre de Beauharnais (1760-1794), deputado da nobreza nos Estados Xerais e presidente da Asemblea constituínte. Eugène de Beauharnais (1781-1824), oficial do exército francés, fillo de Alexandre e Xosefina que foi adoptado por Napoleón; en 1805 foi nomeado príncipe de Francia.

País da rexión histórica do Lyonnaise (Francia) que inclúe, esencialmente, o departamento do Ródano (Rhône). É unha área montañosa, situada nas abas nororientais do Macizo Central, constituída por dúas partes: a Côte Beaujolaise e os montes do Beaujolais. Antiga baronía creada polo señor de Beaujeu, no 1400 foi legada a Luís de Borbón. Luís XIV, o Rei Sol, mudou a baronía en condado. Os terreos da Côte, cristalinos e porfídicos, ricos en minerais, fan que sexa un lugar excelente para o cultivo da viña, onde se produce o viño con Denominación de Orixe Beaujolais, clasificado dentro do tipo borgoña; o máis característico é o tinto elaborado con uva gamay. É un viño lixeiro e afroitado, que se consome nos meses inmediatos á súa elaboración e de pouca graduación (11-12°). Na metade setentrional da rexión prodúcese o beaujolais villages, máis forte e con mellor buqué que o corrente.