"An" (Contén)

MUNICIPIOS

Municipio da provincia de Girona, Catalunya, situado no treito do litoral mediterráneo que recibe a denominación turística de Costa Brava (27.713 h [1996]). A súa economía, tradicionalmente baseada no sector primario, e máis en concreto na agricultura e na pesca, experimentou na segunda metade do s XX unha transformación cara a unha especialización turística, debido á explotación dos seus recursos naturais, principalmente as praias. Dende finais do s XIX adoptou un carácter de residencia estival para as familias burguesas de Barcelona e doutras cidades catalanas. O desenvolvemento deste sector turístico contribuíu a que a súa poboación medrase máis dun 560% dende 1920. O seu porto, que foi un activo centro de comercio con América, reconverteuse cara ás actividades deportivas náuticas. A igrexa de Santa María, mencionada xa no 974 como posesión monacal, pasou no 1058 ao bispado de Girona. No 1319 converteuse en parroquia. O castelo de Blanes pertencía aos vizcondes de Girona, subinfeudado...

PERSOEIRO

Pintor uruguaio. Estudiou en Madrid e París. Inclinouse cara ao Impresionismo e á tradición francesa. En 1910 recibiu a medalla de ouro da exposición do centenario da independencia de Bos Aires. Residiu en París, Mallorca e Montevideo, onde desenvolveu labores docentes. Entre as súas obras destaca La preferida e Cataratas del Iguazú.

PERSOEIRO

Pintor uruguaio. Autor de escenas históricas, alegóricas e anecdóticas. Son interesantes as súas visións gauchescas, realistas e de espírito plein air. Son obras súas o Retrato de Solano López e o Bombardeo de Paysandú.

PERSOEIRO

Atleta. Foi mellor marca mundial de velocidade, valos, testemuño, salto de altura e lonxitude. Nos Xogos Olímpicos de Londres (1948) gañou catro medallas de ouro.

PERSOEIRO

Impresor francés. Fundou en 1851 o primeiro taller de tirada de probas fotográficas en bloque, método que utilizou despois para traballos editoriais. Perfeccionou o proceso de calotipia e introduciu o papel positivo tratado con albumina.

PERSOEIRO

Economista librecambista. Foi profesor de Historia Económica en París. Entre as súas obras destaca Histoire de l’économie politique en Europe depuis les anciens jusqu’à nos jours (Historia da economía política en Europa desde a Antigüidade ata os nosos días, 1837-1845), primeiro intento sistemático de elaborar unha historia da economía política. Foi o primeiro director do Journal des economistes.

PERSOEIRO

Revolucionario e teórico socialista. En 1839 dirixiu unha insurrección que fracasou e foi encarcerado. Liberado en 1848, participou na revolución dese ano como dirixente da Société Républicaine Centrale, polo que foi encarcerado de novo ata 1859, exiliándose en Bélxica en 1864. Volveu a París durante a guerra franco-prusiana (1870), onde fundou o xornal La Patrie en Danger e promoveu, sen éxito, un golpe de estado. Condenado a cadea perpetua, non puido participar na Comuna (1871), obra en gran parte dos seus seguidores. Trala amnistía de 1879 fundou o periódico Ni Dieu ni Maître e escribiu un tratado sobre economía política, La Critique Sociale (A Crítica Social, 1885). Moi influído polas ideas de Babeuf e dos carbonarios, concibía a acción revolucionaria máis como obra técnica dunha minoría que como unha obra política das masas.

PERSOEIRO

Contrabaixista. Deu ao contrabaixo unha nova personalidade dentro do mundo do jazz elevándoo á categoría dos outros instrumentos. Tocou con Duke Ellington de 1939 a 1941.

CAPITAIS

Capital do distrito de Blantyre e da rexión meridional, Malawi, sobre o val do río Shire (446.800 h [1994]). É o núcleo industrial principal do país, onde están activas industrias químicas, téxtiles, cementeiras, tabaqueiras e cervexeiras. É ademais un importante centro comercial e posúe, en Chileka, un dos principais aeroportos do país. En 1956 uníronse as cidades de Blantyre e Limbe (Blantyre-Limbe) e no ano 1966 adoptaron defitivamente o nome de Blantyre.

DISTRITOS

Distrito de Malawi (2.012 km 2; 588.300 h [1990]). A capital é Blantyre.